ಹೈದರಾಬಾದ್: ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ವಿಮಾನದಲ್ಲಿ ಪ್ರಯಾಣಿಸುವಾಗ ಬಹುಪಾಲು ಬ್ಯುಸಿನೆಸ್ ಕ್ಲಾಸ್ ಬದಲಿಗೆ ಮಾಧ್ಯಮದವರೊಂದಿಗೆ, ಕ್ಯಾಮರಾಮನ್ಗಳು, ಸೌಂಡ್ ಇಂಜಿನಿಯರ್ಗಳೊಂದಿಗೆ ಪ್ರಯಾಣಿಸಲು ಇಷ್ಟಪಡುತ್ತಿದ್ದರು ಎಂದು ಮಾಜಿ ಟೀಂ ಇಂಡಿಯಾ ನಾಯಕ ಸುನಿಲ್ ಗವಾಸ್ಕರ್ ಬಹಿರಂಗಪಡಿಸಿದ್ದಾರೆ.
ಅಂಕಣವೊಂದರಲ್ಲಿ ಈ ರೀತಿಯಾಗಿ ಹೇಳಿಕೊಂಡಿದ್ದ ಅವರು ಈಗ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿಯನ್ನೂ ಹೊಗಳಿದ್ದಾರೆ. ಕೊಹ್ಲಿ ಎಕಾನಮಿ ಕ್ಲಾಸ್ನಲ್ಲಿ ಕುಳಿತು, ಬೇರೆ ಆಟಗಾರರಿಗೆ ತನ್ನ ಆಸನ ಬಿಟ್ಟುಕೊಡುತ್ತಿದ್ದರು ಎಂದು ಬಹಿರಂಗಪಡಿಸಿದ್ದಾರೆ.