ವಾಹನ ತಡೆಯಲೆತ್ನಿಸಿದ ಶಂಕಿತರು; ಜಮ್ಮುಕಾಶ್ಮೀರದಲ್ಲಿ ಮತ್ತೆ ಎನ್​ಕೌಂಟರ್

ಕಣಿವೆ ರಾಜ್ಯದಲ್ಲಿ ಸೇನೆ ಹಾಗೂ ಇಬ್ಬರು ಶಂಕಿತರ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಬಾಟೊಟ್​ ಬಳಿ ಶಂಕಿತರಿಬ್ಬರು ವಾಹನವೊಂದನ್ನು ತಡೆಯಲು ಯತ್ನ ನಡೆದಿತ್ತು.

ಬಾಟೊಟ್(ಜಮ್ಮುಕಾಶ್ಮೀರ):ಕಣಿವೆ ರಾಜ್ಯದಲ್ಲಿ ಸೇನೆ ಹಾಗೂ ಇಬ್ಬರು ಶಂಕಿತ ವ್ಯಕ್ತಿಗಳ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಬಾಟೊಟ್​ ಬಳಿ ಶಂಕಿತರಿಬ್ಬರು ವಾಹನವೊಂದನ್ನು ತಡೆಯಲು ಯತ್ನಿಸಿದ್ದು, ಚಾಲಕ ನೀಡಿದ ಮಾಹಿತಿ ಮೇರೆಗೆ ಸೇನೆ ಕಾರ್ಯಾಚರಣೆಗಿಳಿದಿದೆ.

ಮಾಹಿತಿ ಪ್ರಕಾರ, ಬೆಳಗ್ಗೆ 7.30ರ ಸುಮಾರಿಗೆ, ರಾಮ್ಬಾನ್​ ಜಿಲ್ಲೆಯ ಬಾಟೊಟ್​ ಬಳಿ ರಾಷ್ಟ್ರೀಯ ಹೆದ್ದಾರಿ 244ರಲ್ಲಿ ವಾಹನವೊಂದನ್ನು ತಡೆದು ನಿಲ್ಲಿಸಲು ಯತ್ನಿಸಿದ್ದಾರೆ. ಆದರೆ ವಾಹನ ಚಾಲಕ ಹಾಗೆಯೇ ತೆರಳಿದ್ದು, ಬಳಿಕ ಸೇನೆಗೆ ಈ ಬಗ್ಗೆ ತಿಳಿಸಿದ್ದಾನೆ.

ಸೇನೆ ತಕ್ಷಣ ಕಾರ್ಯಪ್ರವೃತ್ತವಾಗಿದ್ದು, ಕಾರ್ಯಾಚರಣೆ​ ಮುಂದುವರೆದಿದೆ ಎಂದು ತಿಳಿದುಬಂದಿದೆ.