24 ಗಂಟೆಯಲ್ಲಿ 14 ಸಾವಿರಕ್ಕೂ ಅಧಿಕ ಕೋವಿಡ್ ಪತ್ತೆ: 445 ಸಾವು​, 4.27 ಲಕ್ಷ ಗಡಿ ದಾಟಿದ ಕೇಸ್​ಗಳ ಸಂಖ್ಯೆ​!

ಬೇರೆ ದೇಶಗಳಿಗೆ ಹೋಲಿಕೆ ಮಾಡಿದಾಗ ದೇಶದಲ್ಲಿ ಕೊರೊನಾ ಹರಡುವಿಕೆ ಅತಿ ಕಡಿಮೆ ಇದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಹೈದರಾಬಾದ್​: ದೇಶದಲ್ಲಿ ಕೊರೊನಾ ವೈರಸ್​ ಅಬ್ಬರ ದಿನದಿಂದ ದಿನಕ್ಕೆ ವೇಗ ಪಡೆದುಕೊಳ್ಳುತ್ತಿದ್ದು, ಕಳೆದ 24 ಗಂಟೆಯಲ್ಲಿ ಬರೋಬ್ಬರಿ 14,821 ಹೊಸ ಕೋವಿಡ್​ ಪಾಸಿಟಿವ್​ ಕೇಸ್​​ಗಳು ಪತ್ತೆಯಾಗಿವೆ.

ಈ ಮೂಲಕ ದೇಶದಲ್ಲಿ 4,25,282 ಕೊರೊನಾ ಪ್ರಕರಣಗಳು ಪತ್ತೆಯಾಗಿದ್ದು, ಒಟ್ಟು 13,699 ಜನರು ಸಾವನ್ನಪ್ಪಿದ್ದಾರೆ. ಉಳಿದಂತೆ ಕಳೆದ 24 ಗಂಟೆಯಲ್ಲಿ 9,440 ಕೋವಿಡ್​ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್​ ಆಗಿದ್ದಾರೆಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದ್ದು, ಸದ್ಯ ಗುಣಮುಖರಾಗುತ್ತಿರುವವರ ಪ್ರಮಾಣ ಶೇ. 55.77 ಆಗಿದೆ ಎಂದು ತಿಳಿಸಿದೆ. ಜಾಗತಿಕವಾಗಿ ಹೋಲಿಕೆ ಮಾಡಿದಾಗ ದೇಶದಲ್ಲಿ ಕೊರೊನಾ ಹರಡುತ್ತಿರುವ ಪರಿ ಕಡಿಮೆ ಇದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ. ಈ ಹಿಂದಿನ ದಿನಗಳಿಗೆ ಹೋಲಿಸಿ ನೋಡಿದಾಗ ಇದೀಗ ದೇಶದಲ್ಲಿ ಟೆಸ್ಟಿಂಗ್​ ಮಾಡುವುದು ಮತ್ತಷ್ಟು ವೇಗ ಪಡೆದುಕೊಂಡಿದ್ದು, ಕಳೆದ 24 ಗಂಟೆಯಲ್ಲಿ 1,43,267 ಜನರಿಗೆ ಕೊರೊನಾ ಟೆಸ್ಟ್​ ಮಾಡಲಾಗಿದೆ ಎಂದು ತಿಳಿಸಿದೆ.

ಸದ್ಯ ದೇಶದಲ್ಲಿ 1,74,387 ಆ್ಯಕ್ಟೀವ್​ ಕೇಸ್​ಗಳಿದ್ದು, ಉಳಿದಂತೆ 2,37,196 ಜನರು ಗುಣಮುಖರಾಗಿ ಡಿಸ್ಚಾರ್ಜ್​ ಆಗಿದ್ದಾರೆ. ಮಹಾರಾಷ್ಟ್ರದಲ್ಲಿ 1,35,796 ಕೋವಿಡ್​ ಪ್ರಕರಣಗಳಿದ್ದು, ಇದರಲ್ಲಿ 61,793 ಆ್ಯಕ್ಟೀವ್​ ಕೇಸ್​ಗಳಿವೆ. 6,283 ಜನರು ಸಾವನ್ನಪ್ಪಿದ್ದಾರೆ.

ಮಹಾರಾಷ್ಟ್ರದಲ್ಲಿ ಇಂದು 3721 ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿದ್ದು, 62 ಜನರು ಬಲಿಯಾಗಿದ್ದಾರೆ. 1,962 ಜನರು ಡಿಸ್ಚಾರ್ಜ್​ ಆಗಿದ್ದಾರೆ. ತಮಿಳುನಾಡಿನಲ್ಲಿ ಕಳೆದ 24 ಗಂಟೆಯಲ್ಲಿ 2,710 ಕೋವಿಡ್​ ಕೇಸ್​ಗಳು ಹೊಸದಾಗಿ ಪತ್ತೆಯಾಗಿದ್ದು, 37 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಒಟ್ಟು 62,087 ಕೋವಿಡ್​ ಪ್ರಕರಣಗಳು ದಾಖಲಾಗಿವೆ. ಒಟ್ಟು 794 ಜನರು ಸಾವನ್ನಪ್ಪಿದ್ದು, ಚೆನ್ನೈನಲ್ಲೇ 42,752 ಕೇಸ್​ಗಳಿವೆ.

ರಾಜಸ್ಥಾನದಲ್ಲಿಂದು 302 ಹೊಸ ಕೊರೊನಾ ಕೇಸ್​ ಪತ್ತೆಯಾಗಿದ್ದು, 7 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ 15,232 ಪಾಸಿಟಿವ್​ ಕೇಸ್​ಗಳಿದ್ದು, ಕೇವಲ 2966 ಆ್ಯಕ್ಟೀವ್​ ಕೇಸ್​ಗಳಿವೆ.

ಗುಜರಾತ್​ನಲ್ಲಿಂದು 563 ಹೊಸ ಕೇಸ್​ಗಳು​ ಪತ್ತೆಯಾಗಿವೆ. ಸೋಂಕಿತರ ಒಟ್ಟು ಸಂಖ್ಯೆ 26,278 ಆಗಿದೆ. ಉಳಿದಂತೆ ಪಶ್ಚಿಮ ಬಂಗಾಳದಲ್ಲಿ 413 ಹೊಸ ಕೇಸ್​, ಗೋವಾದಲ್ಲಿ 46, ಮಣಿಪುರದಲ್ಲಿ 57 ಕೋವಿಡ್​, ಜಮ್ಮು-ಕಾಶ್ಮೀರದಲ್ಲಿ 132, ಕೇರಳದಲ್ಲಿ 138, ಪಂಜಾಬ್​​ನಲ್ಲಿ 177, ಆಂಧ್ರ ಪ್ರದೇಶದಲ್ಲಿ 443 ಹಾಗೂ ಕರ್ನಾಟಕದಲ್ಲಿ 249 ಕೊರೊನಾ ಕೇಸ್​ ಇಂದು ಪತ್ತೆಯಾಗಿವೆ.