ವೈಜಾಗ್​​ ಗ್ಯಾಸ್​ ಲೀಕ್​ ದುರಂತ... ಕೊಟ್ಟ ಮಾತಿನಂತೆ 30 ಕೋಟಿ ರೂ. ರಿಲೀಸ್​ ಮಾಡಿದ ಜಗನ್​!

ವೈಜಾಗ್​ ಗ್ಯಾಸ್​ ಲೀಕ್​ ಪ್ರಕರಣದ ಸಂತ್ರಸ್ತರಿಗೆ ಆಂಧ್ರ ಸರ್ಕಾರ 30 ಕೋಟಿ ರೂ ರಿಲೀಸ್ ಮಾಡಿ, ನುಡಿದಂತೆ ನಡೆದುಕೊಂಡಿದೆ.

ಅಮರಾವತಿ: ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿ ನಡೆದ ವಿಷಾನಿಲ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಂಧ್ರಪ್ರದೇಶ ಸರ್ಕಾರ ತಕ್ಷಣವೇ 30 ಕೋಟಿ ರೂ ರಿಲೀಸ್ ಮಾಡಿದ್ದು, ಕೊಟ್ಟ ಮಾತಿನಂತೆ ಮುಖ್ಯಮಂತ್ರಿ ಜಗನ್​ ಮೋಹನ್​ ರೆಡ್ಡಿ ನಡೆದುಕೊಂಡಿದ್ದಾರೆ.

ನಿನ್ನೆ ನಡೆದ ವಿಷಾನಿಲ ಸ್ಫೋಟ ಘಟನೆಯಲ್ಲಿ 12 ಜನರು ಸಾವನ್ನಪ್ಪಿ, 300ಕ್ಕೂ ಅಧಿಕ ಜನರು ಗಾಯಗೊಂಡು ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಸ್ಫೋಟದಲ್ಲಿ ಕೆಲವರು ಸಣ್ಣಪುಟ್ಟದಾಗಿ ಗಾಯಗೊಂಡಿದ್ದಾರೆ. ಘಟನಾ ಸ್ಥಳಕ್ಕೆ ಭೇಟಿ ನೀಡಿ ತಂದನಂತರ ಆಸ್ಪತ್ರೆಗೆ ತೆರಳಿದ್ದ ಮುಖ್ಯಮಂತ್ರಿ ಜಗನ್​ ಮೋಹನ್​ರೆಡ್ಡಿ ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿದ್ದರು.

ಪರಿಹಾರ ರಿಲೀಸ್ ಮಾಡಿದ ಆಂಧ್ರ ಸರ್ಕಾರ

ಈ ವೇಳೆ ಮೃತರ ಕುಟುಂಬಕ್ಕೆ 1 ಕೋಟಿ ರೂ, ಗಂಭೀರವಾಗಿ ಗಾಯಗೊಂಡು ವೆಟಿಲೆಂಟರ್​​ನಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿರುವವರಿಗೆ 10 ಲಕ್ಷ, ಎರಡು-ಮೂರು ದಿನದಲ್ಲಿ ಡಿಸ್ಚಾರ್ಜ್​ ಆಗುವವರಿಗೆ 1 ಲಕ್ಷ ಹಾಗೂ ಸಣ್ಣ-ಪುಟ್ಟ ಗಾಯಗಳಾದವರಿಗೆ 25 ಸಾವಿರ ರೂ ನೀಡುವುದಾಗಿ ಘೋಷಿಸಿದರು. ಇನ್ನು ಘಟನೆಯಿಂದ ಬಾಧಿತ ಎಲ್ಲ ಕುಟುಂಬಗಳಿಗೆ 10 ಸಾವಿರ ರೂ ನೀಡುವುದಾಗಿ ಹೇಳಿದ್ದರು. ಜತೆಗೆ ಮೃತರ ಕುಟುಂಬದಲ್ಲಿ ಒಬ್ಬರಿಗೆ ಕೆಲಸ ಕೊಡಿಸುವ ಭರವಸೆ ಸಹ ನೀಡಿದ್ದರು.

ನಿನ್ನೆ ಹೇಳಿಕೆ ನೀಡಿದ್ದ ಸಿಎಂ ಜಗನ್ ಮೊಹನ್​ ರೆಡ್ಡಿ ಇಂದು ತಮ್ಮ ಹೇಳಿಕೆಯಂತೆ 30 ಕೋಟಿ ರೂ ರಿಲೀಸ್​ ಮಾಡಿದ್ದಾರೆ. ನಿನ್ನೆ ಸ್ಥಳದಲ್ಲೇ ಮೃತರ ಕುಟುಂಬದ ಒಬ್ಬರಿಗೆ 1 ಕೋಟಿ ರೂ ಚಕ್ ಸಹ ವಿತರಿಸಿದ್ದರು.

ವಿಶಾಖಪಟ್ಟಣಂನಲ್ಲಿನ ಎಲ್​ಜಿ ಪಾಲಿಮರ್​ ಕಾರ್ಖಾನೆಯಲ್ಲಿ ಸ್ಫೋಟ ಸಂಭವಿಸಿರುವ ಕಾರಣ 12 ಮಂದಿ ಸಾವನ್ನಪ್ಪಿದ್ದು, 300ಕ್ಕೂ ಹೆಚ್ಚು ಜನರು ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಘಟನಾ ಸ್ಥಳಕ್ಕೆ ಭೇಟಿ ನಿನ್ನೆ ನೀಡಿದ ಮುಖ್ಯಮಂತ್ರಿ ಜಗನ್​ ಮೋಹನ್​ ರೆಡ್ಡಿ ಬಳಿಕ ಸಂತ್ರಸ್ತ ಕುಟುಂಬಗಳಿಗೆ ತಲಾ 1 ಕೋಟಿ ರೂ ಪರಿಹಾರ ಘೋಷಿಸಿದರು.