ನೀರವ್​ ಮೋದಿಯ 11 ಐಶಾರಾಮಿ ಕಾರುಗಳ ಹರಾಜಿಗೆ ಇಡಿ ಗ್ರೀನ್​ ಸಿಗ್ನಲ್​

ನೀರವ್​ ಮೋದಿಗೆ ಸೇರಿದ 11 ಐಶಾರಾಮಿ ಕಾರುಗಳನ್ನು ಹರಾಜು ಹಾಕಲು ಜಾರಿ ನಿರ್ದೇಶನಾಲಯ ಗ್ರೀನ್​ ಸಿಗ್ನಲ್​ ಕೊಟ್ಟಿದೆ.

ನವದೆಹಲಿ:ಪಂಜಾಬ್​ ನ್ಯಾಷನಲ್​ ಬ್ಯಾಂಕ್​ಗೆ ಬಹು ಕೋಟಿ ರೂಪಾಯಿ ವಂಚನೆ ಮಾಡಿದ ಸಂಬಂಧ ದೇಶ ಬಿಟ್ಟು ಬ್ರಿಟನ್​ಗೆ ಪರಾರಿಯಾಗಿರುವ ವಜ್ರೋದ್ಯಮಿ ನೀರವ್​ ಮೋದಿಗೆ ಸೇರಿದ 11 ಐಶಾರಾಮಿ ಕಾರುಗಳನ್ನು ಹರಾಜು ಹಾಕಲು ಜಾರಿ ನಿರ್ದೇಶನಾಲಯ ಗ್ರೀನ್​ ಸಿಗ್ನಲ್​ ಕೊಟ್ಟಿದೆ.

ನೀರವ್​ ಮೋದಿಗೆ ಸೇರಿದ ಮರ್ಸಿಡಿಸ್​ ಬೇನ್ಜ್​, ರೋಲ್ಸ್​ ರಾಯ್ಸ್​, ಪೋರ್ಷೆ ಮೊದಲಾದ ಕಾರುಗಳು ಹರಾಜಿನಲ್ಲಿದ್ದು, ಭಾರತೀಯ ಮೆಟಲ್​ ಆ್ಯಂಡ್​ ಸ್ಕ್ರ್ಯಾಪ್​ ಕಾರ್ಪೊರೇಷನ್​ಗೆ ಟೆಂಡರ್​ ನೀಡಲಾಗಿದ್ದು, ಕೊಳ್ಳಲು ಇಚ್ಚಿಸುವವರು ಟೆಸ್ಟ್​ ಡ್ರೈವ್ ನೋಡಬಹುದು ಎಂದು ಇಡಿ ಹೇಳಿದೆ.

ನೀರವ್ ಮೋದಿಯನ್ನು ವಾರದ ಹಿಂದೆ ಸ್ಕಾಂಟ್ಲಂಡ್ ಪೊಲೀಸರು ಬಂಧಿಸಿ ಜೈಲಿಗೆ ತಳ್ಳಿದ್ದರು. ಬ್ಯಾಂಕ್ ಖಾತೆ ತೆರೆಯಲು ಬಂದಿದ್ದ ವೇಳೆ ನೀರವ್ ಮೋದಿ ಬಂಧನಕ್ಕೊಳಗಾಗಿದ್ದರು.