ಕೊರೊನಾ ಚಿಕಿತ್ಸಾ ಮಾತ್ರೆಗಳ ಬಿಡುಗಡೆ: ಡಾ.ರೆಡ್ಡೀಸ್​ ಪ್ರಯೋಗಾಲಯದ ಸ್ಪಷ್ಟನೆ

ಡಾ.ರೆಡ್ಡೀಸ್​ ಪ್ರಯೋಗಾಲಯವು ಕೊರೊನಾ ಸೋಂಕಿತರ ಚಿಕಿತ್ಸೆಗಾಗಿ ಅವಿಗನ್ (ಫೆವಿಪಿರವಿರ್) ಮಾತ್ರೆಗಳನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿದೆ.

ನವದೆಹಲಿ: ದೇಶದಲ್ಲಿ ಕೊರೊನಾ ಚಿಕಿತ್ಸೆಗಾಗಿ ಅವಿಗನ್ (ಫೆವಿಪಿರವಿರ್) ಮಾತ್ರೆಗಳನ್ನು ಬಿಡುಗಡೆ ಮಾಡುವುದಾಗಿ ಡಾ. ರೆಡ್ಡೀಸ್​ ಪ್ರಯೋಗಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.

ಫ್ಯೂಜಿಫಿಲ್ಮ್​ ಟೊಯಾಮಾ ಕೆಮಿಕಲ್ ಕೋ ಲಿಮಿಟೆಡ್‌ನೊಂದಿಗಿನ ಒಪ್ಪಂದ ಮಾಡಿಕೊಂಡು ಭಾರತದಲ್ಲಿ ಅವಿಗನ್ (ಫಾವಿಪಿರವಿರ್) 200 ಮಿ.ಗ್ರಾಂ ಮಾತ್ರೆಗಳನ್ನು ತಯಾರಿಕೆ, ಮಾರಾಟ ಮಾಡಲು ಅನುಮತಿ ಪಡೆಯಲಾಗಿದೆ. ಇದಕ್ಕೆ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ಅನುಮೋದನೆ ನೀಡಿದೆ ಎಂದು ತಿಳಿದುಬಂದಿದೆ.

ಉತ್ತಮ ಗುಣಮಟ್ಟದ ಮತ್ತು ಪರಿಣಾಮಕಾರಿ ಚಿಕಿತ್ಸೆಯ ಅಗತ್ಯತೆ, ಕೈಗೆಟುಕುವ ಬೆಲೆಯಲ್ಲಿ ಜನಸಾಮಾನ್ಯರಿಗೂ ಔಷಧ ತಲುಪುವಂತಾಗಬೇಕು ಎಂಬುವುದು ನಮ್ಮ ಉದ್ದೇಶ. ಅವಿಗನ್​ ಕೊರೊನಾ ಸೋಂಕಿತರಿಗೆ ಉತ್ತಮ ಚಿಕಿತ್ಸೆ ನೀಡುತ್ತದೆ ಎಂದು ನಂಬುತ್ತೇವೆ ಎಂದು ಡಾ. ರೆಡ್ಡೀಸ್ ಲ್ಯಾಬೊರೇಟರೀಸ್ ತಿಳಿಸಿದೆ.