ರಾತ್ರೋರಾತ್ರಿ ಮಿಲಿಯನೇರ್​ ಆದ ಕಾರ್ಮಿಕ: ಮಧ್ಯಪ್ರದೇಶದಲ್ಲಿ ಸಿಕ್ತು ಇಷ್ಟೊಂದು ಮೌಲ್ಯದ ವಜ್ರ!

ವಜ್ರದ ಗಣಿಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಕಾರ್ಮಿಕನೋರ್ವನಿಗೆ 35 ಲಕ್ಷ ರೂ ಮೌಲ್ಯದ ವಜ್ರದ ಹರಳುಗಳು ಸಿಕ್ಕಿವೆ.

ಪನ್ನಾ(ಮಧ್ಯಪ್ರದೇಶ): ಪನ್ನಾ ಜಿಲ್ಲೆಯ ವಜ್ರದ ಗಣಿಯೊಂದರಲ್ಲಿ 30ರಿಂದ 35 ಲಕ್ಷ ಮೌಲ್ಯದ ಮೂರು ವಜ್ರಗಳು ಪತ್ತೆಯಾಗಿದ್ದು, ಕಾರ್ಮಿಕನೋರ್ವ ರಾತ್ರೋರಾತ್ರಿ ಮಿಲಿಯನೇರ್​​ ಆಗಿದ್ದಾನೆ.

ಮಧ್ಯಪ್ರದೇಶದ ಅಧಿಕಾರಿಗಳು ಮಾಹಿತಿ ನೀಡಿರುವ ಪ್ರಕಾರ, ಗಣಿಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಕಾರ್ಮಿಕನಿಗೆ 7.5 ಕ್ಯಾರೆಟ್​​ ತೂಕದ ಮೂರು ವಜ್ರ ಸಿಕ್ಕಿದ್ದಾಗಿ ತಿಳಿಸಿದ್ದಾರೆ.

ಅಧಿಕಾರಿಗಳು ನೀಡಿರುವ ಮಾಹಿತಿ ಪ್ರಕಾರ, 30-35 ಲಕ್ಷ ರೂಪಾಯಿ ಬೆಲೆ ಬಾಳಲಿದೆ. ಸರ್ಕಾರಿ ನಿಯಮದ ಪ್ರಕಾರ ಇದನ್ನು ಹರಾಜು ಮಾಡಲು ನಿರ್ಧರಿಸಲಾಗಿದ್ದು, ಶೇ.12ರಷ್ಟು ತೆರಿಗೆ ಕಡಿತಗೊಳಿಸಿ ಉಳಿದ ಹಣ ಕಾರ್ಮಿಕ ಸುಬಲ್​ಗೆ ನೀಡಲು ನಿರ್ಧರಿಸಲಾಗಿದೆ.

ಕೆಲ ದಿನ ಹಿಂದೆ ಕಾರ್ಮಿಕನೊಬ್ಬನಿಗೆ ಇದೇ ಸ್ಥಳದಲ್ಲಿ 10.69 ಕ್ಯಾರೆಟ್​​ ವಜ್ರ ಸಿಕ್ಕಿತ್ತು.