ಮತ್ತೊಮ್ಮೆ ಅಧಿಕಾರಕ್ಕೆ ಮೋದಿ: ಭೂಗತ ಪಾತಕಿ ದಾವೂದ್​ಗೆ ಶುರುವಾಯ್ತು ನಡುಕ

2019ರ ನಂತರ ಉತ್ತಮ ದಿನಗಳನ್ನ ಎದುರು ನೋಡುತ್ತಿದ್ದ ಭೂಗತ ಪಾತಕಿ ದಾವೂದ್​ ಇಬ್ರಾಹಿಂಗೆ ನಡುಕ ಶುರುವಾಗಿದ್ದು ತನ್ನನ್ನ ರಕ್ಷಿಸುವಂತೆ ಪಾಕಿಸ್ತಾನದ ಮೊರೆ ಹೋಗಿದ್ದಾನೆ.

ನವದೆಹಲಿ: ಸದಾ ಭಯೋತ್ಪಾದನೆ ನಿಗ್ರಹದ ಬಗ್ಗೆ ಮಾತನಾಡುವ ಮೋದಿ ಮತ್ತೊಮ್ಮೆ ಅಧಿಕಾರದ ಗದ್ದುಗೆ ಎರುತ್ತಿರೋದು ಭೂಗತ ಪಾತಕಿ ದಾವೂದ್​ ಇಬ್ರಾಹಿಂಗೆ ನಡುಕ ಉಂಟುಮಾಡಿದೆ.

ಪಾಕಿಸ್ತಾನದಲ್ಲಿ ತಲೆ ಮರೆಸಿಕೊಂಡಿದ್ದಾನೆ ಎಂದು ಹೇಳಲಾಗುತ್ತಿರುವ ದಾವುದ್​ ಸದ್ಯ ಲೋಕಸಭಾ ಚುನಾವಣೆ ಫಲಿತಾಂಶದಿಂದ ಕಂಗಾಲಾಗಿದ್ದಾನೆ ಎಂದು ಹೇಳಲಾಗುತ್ತಿದೆ. 2014 ರಲ್ಲಿ ಅಧಿಕಾರಕ್ಕೆರಿದ ಮೋದಿ ಸರ್ಕಾರ ದಾವೂದ್ ಮತ್ತು ಆತನ ಸಹಚರರ​ ವಿರುದ್ಧ ಕೈಗೊಂಡ ಕೆಲವು ನಿರ್ಧಾರಗಳಿಂದ ದಾವೂದ್​ ಮತ್ತು ಆತನ ಸಹಚರರು ಅಡಗಿಕೊಂಡಿದ್ದರು. 2019ರ ನಂತರ ಒಳ್ಳೆ ಸಮಯಕ್ಕಾಗಿ ಎದುರು ನೋಡುತ್ತಿದ್ದ ದಾವೂದ್​ಗೆ ನಿರಾಸೆಯಾಗಿದೆ.

ಮೋದಿ ಮತ್ತೊಮ್ಮೆ ಅಧಿಕಾರಕ್ಕೆ ಬಂದಿರೋದು ದಾವೂದ್​ ನಿದ್ದೆಗೆಡಿಸಿದ್ದು, ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್​ಐನ ಹಿರಿಯ ಅಧಿಕಾರಿಳಿಗೆ ಕರೆ ಮಾಡಿ ತನ್ನ ಅಳಲು ತೋಡಿಕೊಂಡಿದ್ದಾನೆ. ಭಾರತೀಯ ಗುಪ್ತಚರ ಸಂಸ್ಥೆಯಿಂದ ಕಾಪಾಡುವಂತೆ ಮನವಿ ಮಾಡಿದ್ದಾನೆ ಎಂದು ರಾಷ್ಟ್ರೀಯ ಸುದ್ದಿ ಸಂಸ್ಥೆ ವರದಿ ಮಾಡಿದೆ.