ದೇಶದಲ್ಲಿ 6 ಲಕ್ಷ ಗಡಿ ದಾಟಿದ ಕೋವಿಡ್ ಸಂಖ್ಯೆ... ರಾಜ್ಯವಾರು ಕೊರೊನಾ ಮಾಹಿತಿ ಇಂತಿದೆ!

ದೇಶಾದ್ಯಂತ ಕೊರೊನಾ ಅಬ್ಬರ ಜೋರಾಗಿದ್ದು, ಇಂದು ಕೂಡ 18 ಸಾವಿರಕ್ಕೂ ಅಧಿಕ ಕೇಸ್​ ದೇಶದಲ್ಲಿ ದಾಖಲಾಗಿವೆ.

ಹೈದರಾಬಾದ್​: ದೇಶದಲ್ಲಿ ಕೊರೊನಾ ಹರಡುವಿಕೆ ಮತ್ತಷ್ಟು ವೇಗ ಪಡೆದುಕೊಂಡಿದ್ದು, ಇದೀಗ ಒಟ್ಟು ಸೋಂಕಿತ ಸಂಖ್ಯೆ 6 ಲಕ್ಷ ಗಡಿ ದಾಟಿದೆ. ಜತೆಗೆ ಸಾವಿನ ಸಂಖ್ಯೆಯಲ್ಲೂ ಗಣನೀಯ ಪ್ರಮಾಣದ ಏರಿಕೆ ಕಂಡು ಬಂದಿದೆ.ಈ ಮೂಲಕ ಭಾರತ ವಿಶ್ವದಲ್ಲೇ ನಾಲ್ಕನೇ ಸ್ಥಾನಕ್ಕೆ ಲಗ್ಗೆ ಹಾಕಿದೆ.

ದೇಶದಲ್ಲಿ 2,20,114 ಲಕ್ಷಕ್ಕೂ ಅಧಿಕ ಆ್ಯಕ್ಟಿವ್​ ಕೇಸ್​ಗಳಿದ್ದು, 3,47,978 ಜನರು ಕೋವಿಡ್​ನಿಂದ ಗುಣಮುಖರಾಗಿ ಡಿಸ್ಚಾರ್ಜ್​​ ಆಗಿದ್ದಾರೆ. ಇಲ್ಲಿಯವರೆ ಮಹಾಮಾರಿಯಿಂದ 17,400 ಜನರು ಸಾವನ್ನಪ್ಪಿದ್ದಾರೆ. ಕಳೆದ 24 ಗಂಟೆಯಲ್ಲೇ 500 ಜನರು ಸಾವನ್ನಪ್ಪಿದ್ದು, ಇಂದು 18,522 ಕೇಸ್​​ ಕಾಣಿಸಿಕೊಂಡಿವೆ.

ಶೇ.90ರಷ್ಟು ಕೋವಿಡ್​ ಕೇಸ್​ ಕೇವಲ 10 ರಾಜ್ಯಗಳಿಂದ ಕಂಡು ಬಂದಿದ್ದು, ಅವುಗಳಲ್ಲಿ ಮಹಾರಾಷ್ಟ್ರ, ತಮಿಳುನಾಡು, ನವದೆಹಲಿ, ಗುಜರಾತ್​, ಉತ್ತರಪ್ರದೇಶ, ಪಶ್ಚಿಮ ಬಂಗಾಳ, ತೆಲಂಗಾಣ, ಆಂಧ್ರಪ್ರದೇಶ, ಹರಿಯಾಣ ಹಾಗೂ ಕರ್ನಾಟಕ ಸೇರಿಕೊಂಡಿವೆ.

ದೇಶದಲ್ಲಿ 6 ಲಕ್ಷ ಗಡಿ ದಾಟಿದ ಕೋವಿಡ್ ಸಂಖ್ಯೆ

ರಾಜ್ಯವಾರು ಕೋವಿಡ್​ ಪ್ರಕರಣ

ನವದೆಹಲಿ:ರಾಷ್ಟ್ರರಾಜಧಾನಿಯಲ್ಲಿ ಕೋವಿಡ್​ ನಿಯಂತ್ರಣದಲ್ಲಿದ್ದು,ಅತಿ ಹೆಚ್ಚು ಜನರು ಗುಣಮುಖರಾಗುತ್ತಿದ್ದಾರೆ ಎಂದು ಅರವಿಂದ್ ಕೇಜ್ರಿವಾಲ್​ ಹೇಳಿದ್ದಾರೆ. ದೆಹಲಿಯಲ್ಲಿಂದು ಒಟ್ಟು 2442 ಹೊಸ ಪ್ರಕರಣ ಪತ್ತೆಯಾಗಿದ್ದು, 61 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಒಟ್ಟು ಸೋಂಕಿತ ಸಂಖ್ಯೆ 89,802 ಆಗಿದ್ದು, 59,992 ಜನರು ಗುಣಮುಖರಾಗಿದ್ದಾರೆ. ಸದ್ಯ 27,007 ಸಕ್ರಿಯ ಪ್ರಕರಣಗಳಿವೆ.

ಮಧ್ಯಪ್ರದೇಶ:ಮಧ್ಯಪ್ರದೇಶ ಮುಖ್ಯಮಂತ್ರಿ ಕಿಲ್​ ಕೊರೊನಾ ಕ್ಯಾಂಪೆನ್​ ಆರಂಭಿಸಿದ್ದು, ಪ್ರತಿದಿನ 11,458 ತಂಡ ಪ್ರತಿ ಮನೆಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಳ್ಳಲಿದೆ. ಮುಂದಿನ 15 ದಿನಗಳ ಕಾಲ ಈ ಕ್ಯಾಂಪೆನ್​ ನಡೆಯಲಿದೆ. ಸದ್ಯ ಮಧ್ಯಪ್ರದೇಶದಲ್ಲಿ 9344 ಸೋಂಕಿತ ಪ್ರಕರಣಗಳಿದ್ದು, ಇಂದು ಕೂಡ 268 ಹೊಸ ಪ್ರಕರಣ ಕಾಣಿಸಿಕೊಂಡಿವೆ.

ಗುಜರಾತ್​:ಗುಜರಾತ್​ನಲ್ಲಿಂದು 675 ಹೊಸ ಕೇಸ್​ ಕಾಣಿಸಿಕೊಂಡಿದ್ದು, 21 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ 33318 ಆಗಿದ್ದು, 1869 ಜನರು ಸಾವನ್ನಪ್ಪಿದ್ದಾರೆ.

ಜಮ್ಮು-ಕಾಶ್ಮೀರ:ಕಣಿವೆ ನಾಡಿನಲ್ಲಿ 198 ಹೊಸ ಪ್ರಕರಣ ದಾಖಲಾಗಿದ್ದು, ಉತ್ತರಾಖಂಡದಲ್ಲಿ 66, ಮಣುಪುರದಲ್ಲಿ 26, ಪಂಜಾಬ್​ನಲ್ಲಿ 101, ಕೇರಳದಲ್ಲಿ 151 ಜನರಿಗೆ ಇಂದು ಕೋವಿಡ್​​ ದೃಢಪಟ್ಟಿದೆ.

ತಮಿಳುನಾಡು:ತಮಿಳುನಾಡಿನಲ್ಲಿ 3,882 ಕೋವಿಡ್​ ಕೇಸ್​ ಕಾಣಿಸಿಕೊಂಡಿದ್ದು, 63 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಒಟ್ಟು ಸೋಂಕಿತ ಸಂಖ್ಯೆ 94049 ಆಗಿದೆ. ಜತೆಗೆ 1264 ಜನರು ಸಾವನ್ನಪ್ಪಿದ್ದು, ಇದೀಗ 39,856 ಸಕ್ರಿಯ ಪ್ರಕರಣಗಳಿವೆ.

ಪಶ್ಚಿಮ ಬಂಗಾಳದಲ್ಲೂ 611 ಹೊಸ ಪ್ರಕರಣ ಕಾಣಿಸಿಕೊಂಡಿದ್ದು, 15 ಜನರು ಸಾವನ್ನಪ್ಪಿದ್ದಾರೆ. ಈ ಮೂಲಕ ಒಟ್ಟು ಸಂಖ್ಯೆ 19,170 ಆಗಿದೆ.

ರಾಜಸ್ಥಾನ:ಇಂದು 298 ಹೊಸ ಕೇಸ್​ ಕಾಣಿಸಿಕೊಂಡಿದ್ದು, ಇದರಲ್ಲಿ 42 ಪ್ರಕರಣ ಜೈಪುರದಲ್ಲಿ ಕಾಣಿಸಿಕೊಂಡಿವೆ. ಸದ್ಯ ರಾಜಸ್ಥಾನದಲ್ಲಿ 18,312 ಸೋಂಕು ಕಾಣಿಸಿಕೊಂಡಿವೆ. ಜತೆಗೆ ಒಟ್ಟು ಸಾವಿನ ಸಂಖ್ಯೆ 421ಕ್ಕೆ ತಲುಪಿದೆ.

ಮಹಾರಾಷ್ಟ್ರ: 5,537 ಕೋವಿಡ್​ ಕೇಸ್​ ಕಾಣಿಸಿಕೊಂಡಿದ್ದು, 2,242 ಜನರು ಗುಣಮುಖರಾಗಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಪ್ರಕರಣ 1,80,298 ಆಗಿದ್ದು, 8053 ಜನರು ಸಾವನ್ನಪ್ಪಿದ್ದಾರೆ. ಕಳೆದ 24 ಗಂಟೆಯಲ್ಲಿ 198 ಜನರು ನಿಧನರಾಗಿದ್ದಾರೆ.

ಕರ್ನಾಟಕ: ರಾಜ್ಯದಲ್ಲೂ ಕೊರೊನಾ ಅಬ್ಬರ ಜೋರಾಗಿದ್ದು, ಇಂದು 1272 ಜನರಲ್ಲಿ ಈ ಸೋಂಕು ಕಾಣಿಸಿಕೊಂಡಿದೆ. ಬೆಂಗಳೂರಿನಲ್ಲೇ 735 ಜನರಿಗೆ ಕಾಣಿಸಿಕೊಂಡಿದ್ದು, ಈ ಮೂಲಕ 16,514ಕ್ಕೇರಿದೆ. ರಾಜ್ಯದಲ್ಲಿ 253 ಜನರು ಸಾವನ್ನಪ್ಪಿದ್ದಾರೆ.

ಹರಿಯಾಣದಲ್ಲಿ 393 ಹೊಸ ಕೇಸ್​, ಲಡಾಕ್​ನಲ್ಲಿ 17 ಕೇಸ್​ ಕಾಣಿಸಿಕೊಂಡಿವೆ. ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್​ ತಿಳಿಸಿರುವ ಪ್ರಕಾರ, ಸದ್ಯ ಗುಣಮುಖರಾಗುತ್ತಿರುವ ಸಂಖ್ಯೆ ಶೇ.59.43 ಆಗಿದೆ.

ತೆಲಂಗಾಣ:ತೆಲಂಗಾಣದಲ್ಲಿಂದು 1018 ಕೋವಿಡ್​ ಪ್ರಕರಣ ಕಾಣಿಸಿಕೊಂಡಿದ್ದು, 788 ಜನರು ಗುಣಮುಖರಾಗಿದೆ. 881 ಕೇಸ್​ ಗ್ರೇಟರ್​ ಹೈದರಾಬಾದ್​ನಲ್ಲಿ ಕಾಣಿಸಿಕೊಂಡಿದ್ದು, ಒಟ್ಟು ಸಂಖ್ಯೆ 17, 357ಆಗಿದೆ.