ಸಾಮಾಜಿಕ ಅಂತರ ಕೊರೊನಾ ನಿಯಂತ್ರಣಕ್ಕಿರುವ ತಕ್ಷಣದ ಏಕೈಕ ಮಾರ್ಗ- ತಜ್ಞರ ಅಭಿಮತ

ವೈಯಕ್ತಿಕ ಕ್ರಿಯೆಗಳಾದ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ, ಕೈಗಳನ್ನು ನಿಯಮಿತವಾಗಿ ತೊಳೆದುಕೊಳ್ಳುವುದು, ಕಾಯಿಲೆ ಪೀಡಿತರಾಗಿದ್ದರೆ ಮನೆಯೊಳಗೇ ಇರುವುದು, ಪ್ರಯಾಣ, ಸಮಾರಂಭ, ಒಳಾಂಗಣ ಸೇರುವಿಕೆ ಸ್ಥಳಗಳಾದ ಶಾಲೆಗಳು, ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳ ಚಟುವಟಿಕೆಗಳಿಗೆ ನಿರ್ಬಂಧ ವಿಧಿಸುವ ಚಟುವಟಿಕೆಗಳು ಎನ್‌ಪಿಐನಲ್ಲಿ ಸೇರಿವೆ.

ಹೈದರಾಬಾದ್ :‌ಕೊರೊನಾ ವೈರಸ್‌ ಸಾಂಕ್ರಾಮಿಕ ರೋಗವನ್ನು ಕೊನೆಗಾಣಿಸಲು ಜಗತ್ತು ಕಸರತ್ತು ನಡೆಸಿರುವಂತೆಯೇ, ಅದು ಹರಡದಂತೆ ತಡೆಯಲು ಮಹತ್ವದ ಪ್ರತಿರೋಧ ಕ್ರಮಗಳು ಎನಿಸಿರುವ ಸಾಮಾಜಿಕ (ದೈಹಿಕ) ಅಂತರ ಕಾಯ್ದುಕೊಳ್ಳುವಿಕೆ ಮತ್ತು ಇತರ ಔಷಧೀಯವಲ್ಲದ ಕ್ರಮಗಳ ಮೇಲೆ ಜಾಗತಿಕ ನಾಯಕರು ಮತ್ತು ವೈದ್ಯಕೀಯ ತಜ್ಞರು ಅವಲಂಬಿತರಾಗಿದ್ದಾರೆ. ಪ್ರಮುಖ ಸಾಂಕ್ರಾಮಿಕ ರೋಗಗಳನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ಈ ತಂತ್ರಗಳು ಪರಿಣಾಮಕಾರಿ ಎಂಬುದು ಐತಿಹಾಸಿಕವಾಗಿಯೂ ಸಾಬೀತಾಗಿರುವ ಅಂಶ. ಆದಾಗ್ಯೂ, ನೂತನ ಕೊರೊನಾ ವೈರಸ್‌ ಹರಡುವಿಕೆಯನ್ನು ನಿಯಂತ್ರಿಸುವಲ್ಲಿ ಇಂತಹ ಕ್ರಮಗಳ ಪರಿಣಾಮಗಳ ಕುರಿತು ಅಮೆರಿಕದ ತಜ್ಞರು ಈಗಲೂ ಅಪನಂಬಿಕೆ ಹೊಂದಿದ್ದಾರೆ.

ಆದರೆ, ಜಗತ್ತಿನಾದ್ಯಂತ ಎಲ್ಲಾ ಸರ್ಕಾರಗಳ ಪ್ರಮುಖ ಗುರಿಯೇ ಇದಾಗಿದೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ ಹಾಗೂ ಎನ್‌ಪಿಐ ಅನುಸರಿಸುವ ಮೂಲಕ ಕೋವಿಡ್-‌19 ಪ್ರಕರಣಗಳ ಏರಿಕೆ ಗತಿಯನ್ನು ನಿಶ್ಚಲಗೊಳಿಸುವುದು ಅವುಗಳ ಉದ್ದೇಶವಾಗಿದೆ. ವೈಯಕ್ತಿಕ ಕ್ರಿಯೆಗಳಾದ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ, ಕೈಗಳನ್ನು ನಿಯಮಿತವಾಗಿ ತೊಳೆದುಕೊಳ್ಳುವುದು, ಕಾಯಿಲೆ ಪೀಡಿತರಾಗಿದ್ದರೆ ಮನೆಯೊಳಗೇ ಇರುವುದು, ಪ್ರಯಾಣ, ಸಮಾರಂಭ, ಒಳಾಂಗಣ ಸೇರುವಿಕೆ ಸ್ಥಳಗಳಾದ ಶಾಲೆಗಳು, ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳ ಚಟುವಟಿಕೆಗಳಿಗೆ ನಿರ್ಬಂಧ ವಿಧಿಸುವ ಚಟುವಟಿಕೆಗಳು ಎನ್‌ಪಿಐನಲ್ಲಿ ಸೇರಿವೆ.

ಇಂತಹ ಕ್ರಮಗಳನ್ನು ಅನುಸರಿಸುವ ಮೂಲಕ ನೂತನ ಕೊರೊನಾ ವೈರಸ್‌ ಸಾಂಕ್ರಾಮಿಕದ ಹರಡುವಿಕೆ ಪ್ರಮಾಣವನ್ನು ನಿಶ್ಚಲಗೊಳಿಸುವುದು ಅದರ ಗುರಿ. ಎನ್‌ಪಿಐ ನೀತಿ ಅನುಸರಿಸುವುದರಿಂದ ಆಸ್ಪತ್ರೆಯ ಚಿಕಿತ್ಸಾ ಸಾಮರ್ಥ್ಯ ಹೆಚ್ಚಿಸಲು ಹಾಗೂ ಸೋಂಕಿತರಿಗೆ ಚಿಕಿತ್ಸೆ ನೀಡಲು ಬೇಕಾದ ಔಷಧಿ ಅಥವಾ ಲಸಿಕೆಗಳನ್ನು ದಾಸ್ತಾನು ಮಾಡಿಕೊಳ್ಳುವುದಕ್ಕೆ ಸರ್ಕಾರಗಳಿಗೆ ಸಮಯ ಸಿಗುತ್ತದೆ. ಆದರೆ, ಈ ವಿಧಾನಗಳು ಅತ್ಯಧಿಕ ಸಾಮಾಜಿಕ ಹಾಗೂ ಆರ್ಥಿಕ ವೆಚ್ಚಗಳೊಂದಿಗೆ ಬರುತ್ತವೆ. ಜನರ ಮೇಲೆ ಇವು ಪ್ರತಿಕೂಲ ಪರಿಣಾಮಗಳನ್ನು ಹೊಂದಿದಾಗ್ಯೂ, ನೂತನ ಕೊರೊನಾ ವೈರಸ್‌ ಸಾಂಕ್ರಾಮಿಕ ತಡೆಗಟ್ಟಲು ವೈದ್ಯಕೀಯ ತಜ್ಞರು ಮುಖ ಮಾಡುವುದು ಎನ್‌ಪಿಐ ವಿಧಾನಗಳತ್ತಲೇ..

ಮೆಸ್ಸಾಚುಸೆಟ್ಸ್‌, ಬೋಸ್ಟನ್‌ನ ಹಾರ್ವರ್ಡ್‌ ಟಿ ಹೆಚ್‌ ಚಾನ್‌ ಸ್ಕೂಲ್‌ ಆಫ್‌ ಪಬ್ಲಿಕ್‌ ಹೆಲ್ತ್‌ನ ಸಾಂಕ್ರಾಮಿಕ ರೋಗಗಳ ಚಲನಶೀಲತೆ ಕೇಂದ್ರದ ನಿರ್ದೇಶಕ ಮಾರ್ಕಸ್‌ ಲಿಪ್‌ಸಿಚ್‌ ಪ್ರಕಾರ, “ರೋಗ ಹರಡದಂತೆ ಸದ್ಯಕ್ಕೆ ಉಳಿದಿರುವ ಏಕೈಕ ಮಾರ್ಗವೆಂದರೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಮಾತ್ರ”. ಯಾಕೆಂದರೆ, ವಿಸ್ತೃತ ಪರೀಕ್ಷೆಗಳನ್ನು ನಡೆಸುವ ಹಾಗೂ ಸೋಂಕಿನ ಮೂಲ ಪತ್ತೆ ಮಾಡುವ ಮೂಲಕ ರೋಗದ ಪ್ರಾರಂಭದ ಹೆಜ್ಜೆಗಳನ್ನು ಗುರುತಿಸಲು ಇದ್ದ ಅವಕಾಶಗಳು ಈಗಾಗಲೇ ಮುಗಿದುಹೋಗಿವೆ. ಅಮೆರಿಕನ್‌ ಪಬ್ಲಿಕ್‌ ಹೆಲ್ತ್‌ ಅಸೋಸಿಯೇಶನ್‌ ಮತ್ತು ನ್ಯಾಶನಲ್‌ ಅಕಾಡೆಮಿ ಆಫ್‌ ಮೆಡಿಸಿನ್‌ ಇದೇ ಮಾರ್ಚ್‌ 25ರಂದು ಹಮ್ಮಿಕೊಂಡಿದ್ದ ಟೆಲಿಕಾನ್ಫ್‌ರೆನ್ಸ್‌ನಲ್ಲಿ ಮಾತನಾಡಿದ ಲಿಪ್‌ಸಿಚ್‌, “ಈಗ ಹಿಂತಿರುಗಿ ನೋಡುವುದಕ್ಕಿಂತ ಮುಂದೆ ನೋಡಲು ನಾನು ಬಯಸುತ್ತೇನೆ. ಯಾಕೆಂದರೆ, ಹಿಂದೆ ನೋಡುವುದು ನನ್ನನ್ನು ದುಃಖಿತನನ್ನಾಗಿ ಮಾಡುತ್ತದೆ” ಎಂದರು.

ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ ಎಲ್ಲರ ಮೇಲೂ- ಮುಖ್ಯವಾಗಿ ಬಡಜನರ ಮೇಲೆ- ದುಷ್ಪರಿಣಾಮಗಳನ್ನು ಬೀರುವಂತಹದಾಗಿದ್ದರೂ ಪ್ರಯತ್ನಿಸಬಹುದಾದ ಏಕೈಕ ಪರ್ಯಾಯ ಮಾರ್ಗ ಅದು ಎನ್ನುತ್ತಾರೆ ಲಿಪ್‌ಸಿಚ್.‌ “ನಾವೇನಾದರೂ ಸಮಯವನ್ನು ಹಾಳು ಮಾಡಿದರೆ ಅಥವಾ ಪ್ರಯೋಗ ನಡೆಸಲು ತಡ ಮಾಡಿದರೆ, ವೈಯಕ್ತಿಕ ಸುರಕ್ಷತಾ ಸಾಧನಗಳಿಗಾಗಿ, ವೆಂಟಿಲೇಟರ್‌ಗಳಿಗಾಗಿ, ತೀವ್ರ ನಿಗಾ ಚಿಕಿತ್ಸಾ ಹಾಸಿಗೆಗಳಿಗಾಗಿ, ನಾವು ಮಾಡಬೇಕಾದ ಕೆಲಸಗಳಿವು ಎಂದು ನಮಗೆ ಗೊತ್ತಿರುವ ಎಲ್ಲವನ್ನೂ ಮಾಡದೇ ಹೋದ ಪಕ್ಷದಲ್ಲಿ, ಅದು ನಮ್ಮನ್ನು ಇನ್ನಷ್ಟು ದುರಂತಕ್ಕೀಡು ಮಾಡುತ್ತದೆ” ಎಂದು ಎಚ್ಚರಿಸಿದ್ದಾರೆ.

ಎನ್‌ಪಿಐ ವಿಧಾನಗಳು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತವೆ ಎಂಬುದರ ಬಗ್ಗೆ ವಿಶ್ವಾಸ ಹೊಂದಿರುವ ನ್ಯಾಶನಲ್‌ ಸೆಂಟರ್‌ ಫಾರ್‌ ಇಮ್ಯುನೈಝೇಶನ್‌ ಅಂಡ್‌ ರೆಸ್ಪಿರೇಟರಿ ಡಿಸೀಜಿಸ್‌ನ (ರಾಷ್ಟ್ರೀಯ ಲಸಿಕೆ ಮತ್ತು ಉಸಿರಾಟ ರೋಗಗಳ ಕೇಂದ್ರ) ಸೆಂಟರ್ಸ್‌ ಫಾರ್‌ ಡಿಸೀಜ್‌ ಕಂಟ್ರೋಲ್‌ ಅಂಡ್‌ ಪ್ರಿವೆನ್ಷನ್ಸ್‌ನ (ರೋಗಗಳ ನಿಯಂತ್ರಣ ಮತ್ತು ತಡೆ ಕೇಂದ್ರ) ನಿರ್ದೇಶಕ ನ್ಯಾನ್ಸಿ ಮೆಸೋನೀರ್‌ ಅವರು, “ಇವು ಕೆಲಸ ಮಾಡುತ್ತವೆ ಎಂಬುದನ್ನು ನಾವು ಬಲ್ಲೆವು” ಎಂದು ತಮ್ಮ ದೂರವಾಣಿ ಸಂದೇಶದಲ್ಲಿ ಹೇಳಿದ್ದಾರೆ. “ಎಲ್ಲಾ ರೀತಿಯ ಔಷಧಿಯೇತರ ಕ್ರಮಗಳ ಎಲ್ಲಾ ರೀತಿಯ ಸಾರಾಂಶವನ್ನು ಪರಿಶೀಲಿಸುವುದು ಮುಖ್ಯ. ಸರಿಯಾದ ಸಮಯದಲ್ಲಿ ಸೂಕ್ತ ಕ್ರಮಗಳನ್ನು ನಾವು ಬಳಸುತ್ತಿದ್ದೇವೆ ಎಂಬುದರ ಬಗ್ಗೆ ಖಚಿತತೆ ಹೊಂದಬೇಕಿದೆ” ಎನ್ನುತ್ತಾರೆ ಅವರು.

ಕೊರೊನಾ ವೈರಸ್‌ ಗತಿಯನ್ನು ನಿಶ್ಚಲಗೊಳಿಸುವ ಉದ್ದೇಶದಿಂದ ಜಾರಿಗೊಳಿಸುವ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ ಮಾದರಿಯಂತಹ ಪರಿಣಾಮಗಳನ್ನು ಉಂಟು ಮಾಡುತ್ತದೆ ಎಂಬುದನ್ನು ಪರಿಶೀಲಿಸುವ ಕೆಲಸ ಪ್ರಗತಿಯಲ್ಲಿದೆ ಎಂದು ಈ ಇಬ್ಬರೂ ವೈದ್ಯಕೀಯ ಪರಿಣಿತರು ಅಭಿಪ್ರಾಯಪಟ್ಟಿದ್ದಾರೆ. ಇನ್‌ಫ್ಲೂಯೆಂಝಾ (ಫ್ಲು) ಅಥವಾ ಇತರ ಕೊರೊನಾ ವೈರಸ್‌ಗಳ ರೀತಿ ನೂತನ ಕೊರೊನಾ ವೈರಸ್‌ ಕೂಡಾ ಋತುಮಾನಗಳ ಮಾರ್ಗವನ್ನು ಅನುಸರಿಸುತ್ತದೆಯೇ ಇಲ್ಲವೇ ಎಂಬುದರ ಮೇಲೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ವಿಧಾನಗಳನ್ನು ಎಷ್ಟು ಅವಧಿಯವರೆಗೆ ಅನುಸರಿಸಬೇಕು ಎಂಬುದು ನಿಂತಿದೆ ಎನ್ನುತ್ತಾರೆ ಲಿಪ್‌ಸಿಚ್.‌

“ವೈರಸ್‌ ಒಂದು ವೇಳೆ ವರ್ಷದ ಅಂತ್ಯದ ಸಮಯದಲ್ಲಿದ್ದ ಗತಿಯಲ್ಲಿ ಇದ್ದರೆ, ಅಂದರೆ, ಒಂದು ವೇಳೆ ಅದು ಋತುಮಾನಗಳನ್ನು ಅವಲಂಬಿಸಿರದ ಪಕ್ಷದಲ್ಲಿ, ಒಂದೇ ಸಲದ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆಯ ಅವಧಿ ಹೆಚ್ಚು ಪರಿಣಾಮಕಾರಿಯಾಗುವುದು” ಎನ್ನುತ್ತಾರೆ ಲಿಪ್‌ಸಿಚ್.‌ ಅಂತಹ ಸಂದರ್ಭದಲ್ಲಿ, “ಸಾಧಾರಣ ರೀತಿಯ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆಯನ್ನು ಸುದೀರ್ಘ ಅವಧಿಯವರೆಗೆ ಇರಿಸುವುದು ಹೆಚ್ಚು ಉತ್ತಮ. ಯಾಕೆಂದರೆ, ತೀವ್ರಗತಿಯ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆಗಿಂತ ಸಾಧಾರಣ ರೀತಿಯ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆಯಲ್ಲಿ ರೋಗ ಪ್ರಕರಣಗಳು ಹರಡಿಹೋಗುತ್ತವೆ” ಎನ್ನುತ್ತಾರೆ ಅವರು.

ಒಂದೇ ಅವಧಿಯ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ “ಅಪಾಯಕಾರಿ” ಎಂದು ಎಚ್ಚರಿಸುವ ಲಿಪ್‌ಸಿಚ್‌, ಒಮ್ಮೊಮ್ಮೆ ಅದು ಪ್ರತಿಕೂಲ ಪರಿಣಾಮಗಳನ್ನೂ ಬೀರಬಲ್ಲದು ಎನ್ನುತ್ತಾರೆ. “ವೈರಸ್‌ ಒಂದು ವೇಳೆ ಚಳಿಗಾಲದಲ್ಲಿ ವ್ಯಾಪಕವಾಗಿ ಹರಡಿ ಬೇಸಿಗೆಯಲ್ಲಿ ವಿರಳವಾಗುತ್ತ ಹೋಗುವುದಾದರೆ, ತೀವ್ರ ರೀತಿಯ ಸಾಮಾಜಿಕ ಅಂತರ ಕ್ರಮ ಅನುಸರಿಸುವಲ್ಲಿ ಮಾಡುವ ವಿಳಂಬ ಹಿಂದೇಟು ನೀಡಬಲ್ಲುದು” ಎನ್ನುತ್ತಾರೆ. ಅಂತಹ ಸಂದರ್ಭದಲ್ಲಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಯಾವುದೇ ಪ್ರಕ್ರಿಯೆ ಇರದಿದ್ದಾಗ ಎಷ್ಟೋ ಜನ ಸೋಂಕಿತರಾಗುತ್ತಿದ್ದರೂ, ಅದಕ್ಕಿಂತ ಹೆಚ್ಚು ಜನರು ಕೇವಲ ಒಂದು ಅವಧಿಯ ಸಾಮಾಜಿಕ ಅಂತರ ಅವಧಿಯಲ್ಲಿ ಸೋಂಕಿಗೆ ಒಳಪಡುವ ಸಾಧ್ಯತೆಯಿದೆ.

ಈ ಋಣಾತ್ಮಕ ಪರಿಣಾಮಗಳ ಹಿನ್ನೆಲೆಯಲ್ಲಿ, ಹಲವು ವೃತ್ತಗಳ ಸಾಮಾಜಿಕ ಅಂತರ ಮಾದರಿಯನ್ನು ಲಿಪ್‌ಸಿಚ್‌ ಪ್ರತಿಪಾದಿಸಿದ್ದಾರೆ. ಸೋಂಕಿನ ಗತಿ ಇಳಿಮುಖವಾಗುತ್ತಿದ್ದರೆ, ಸಾಮಾಜಿಕ ಚಟುವಟಿಕೆಗಳನ್ನು ಮತ್ತೆ ಪ್ರಾರಂಭಿಸುವುದು ಸುರಕ್ಷಿತ ಅನಿಸುವವರೆಗೂ ಜಾರಿಯಲ್ಲಿರುವಂತಹ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ ಮಾದರಿಯನ್ನು ಅವರು ಪ್ರತಿಪಾದಿಸುತ್ತಾರೆ. ಇಂತಹ ಸಾಮಾಜಿಕ ಅಂತರ ಮಾದರಿಯ ವೃತ್ತದಲ್ಲಿ ಹಲವಾರು ಉನ್ನತ ಹಂತಗಳಿರುತ್ತವೆ. ಆದರೆ, ಹಲವಾರು ಪ್ರಕರಣಗಳಲ್ಲಿ ಈ ಗತಿಯಲ್ಲಿ ಬದಲಾಣೆ ಮಾಡುವುದಕ್ಕೆ ಅವಕಾಶಗಳಿರುತ್ತವೆ.

‘ಯಾಕೆಂದರೆ, ತೀವ್ರ ನಿಗಾ ಸಾಮರ್ಥ್ಯವು ತೀವ್ರ ಒತ್ತಡಕ್ಕೆ ಸಿಲುಕುವಂತೆ ಆಗಬಾರದು ಎಂಬ ಉದ್ದೇಶದಿಂದ. ಒಂದು ವೇಳೆ ಬೇಸಿಗೆಯ ತಿಂಗಳುಗಳಲ್ಲಿ ವೈರಸ್‌ ಇಳಿಮುಖವಾದರೆ, ಸಾಮಾಜಿಕ ಅಂತರವನ್ನು ಆನ್‌-ಆಫ್‌ ಮಾಡುತ್ತ ಹೋಗುವುದು ಉತ್ತಮ ಎನ್ನುತ್ತಾರೆ ಲಿಪ್‌ಸಿಚ್.‌ ಟೆಲಿ ಸಂದೇಶದಲ್ಲಿ ಮಾತನಾಡಿದ ಹಲವಾರು ಭಾಷಣಕಾರರು ಅಮೆರಿಕದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಿಕೆ ಜಾರಿಗೊಳಿಸುವಲ್ಲಿರುವ ಏರಿಳಿತಗಳು ಹಾಗೂ ಕಷ್ಟಗಳ ಕುರಿತು ತಮ್ಮ ಮಾತಿನಲ್ಲಿ ಒತ್ತು ನೀಡಿದರು.ಆನ್‌ ಆರ್ಬರ್‌ನಲ್ಲಿರುವ ಮಿಚಿಗನ್‌ ವಿಶ್ವವಿದ್ಯಾಲಯದ ಹಿಸ್ಟರಿ ಆಫ್‌ ಮೆಡಿಸಿನ್‌ ವಿಭಾಗದ ಖ್ಯಾತ ಪ್ರಾಧ್ಯಾಪಕ ಜಾರ್ಜ್‌ ಇ. ವಾಂಟ್ಜ್‌ ಹಾಗೂ ಎಂಡಿ. ಆಗಿರುವ ಹೊವರ್ಡ್‌ ಮಾರ್ಕೆಲ್‌ ಅವರು, “ಎನ್‌ಪಿಐ ಜಾರಿಗೊಳಿಸುವುದರಿಂದ ಉಂಟಾಗುವ ಆರ್ಥಿಕ, ರಾಜಕೀಯ ಮತ್ತು ಸಾಮಾಜಿಕ ವೆಚ್ಚಗಳು ಅಧಿಕವಾಗಿದ್ದು, ಪ್ರಸರಣಗೊಳ್ಳುತ್ತಿರುವ ವೈರಸ್‌ನ ತೀವ್ರತೆಯನ್ನು ಪರಿಗಣಿಸಿ ಈ ವೆಚ್ಚಗಳನ್ನು ಹುಷಾರಾಗಿ ನಿರ್ಧರಿಸಬೇಕು” ಎಂದು ಸಲಹೆ ನೀಡಿದರು.

ಪ್ಲ್ಯಾನ್ಡ್‌ ಪೇರೆಂಟ್‌ಹುಡ್‌ ಫೆಡರೇಶನ್‌ ಆಫ್‌ ಅಮೆರಿಕಾದ ತುರ್ತು ಪರಿಸ್ಥಿತಿ ಪೂರ್ವಸಿದ್ಧತೆ ಮತ್ತು ಪ್ರತಿಕ್ರಿಯೆ ವಿಭಾಗದ ರಾಷ್ಟ್ರೀಯ ನಿರ್ದೇಶಕರಾದ ಎಚೊಯಿಂಗ್‌ ಮಾರ್ಕೆಲ್‌ ಮತ್ತು ಮಿಚ್‌ ಸ್ಟ್ರಿಪ್ಲಿಂಗ್‌ ಅವರು ಲಿಪ್‌ಸಿಚ್‌ ನಿಲುವನ್ನು ವಿರೋಧಿಸಿದರು. “ಒಂದು ವೇಳೆ ಸಾಮಾಜಿಕ ಮತ್ತು ಆರ್ಥಿಕ ವೆಚ್ಚಗಳು ತೀರಾ ಹೆಚ್ಚಾಗುವುದಾದರೆ, ಅಂತಹ ಸಾಮಾಜಿಕ ಅಂತರಕ್ಕೆ ಪದೇಪದೆ ಒಳಗಾಗಲು ಹೇಳಿದರೆ ಸಮಾಜ ಅದನ್ನು ಪಾಲಿಸಲಿಕ್ಕಿಲ್ಲ” ಎಂದು ಅಭಿಪ್ರಾಯಪಟ್ಟರು.