ಯೋಗಿ ವಿಶೇಷ ಅಧಿವೇಶನದಲ್ಲಿ 'ಕೈ'​​ ಶಾಸಕಿ ಭಾಗಿ, ಕಾಂಗ್ರೆಸ್‌ನಿಂದ ನೋಟಿಸ್​ ಜಾರಿ

ಉತ್ತರಪ್ರದೇಶದಲ್ಲಿ ಯೋಗಿ ಆದಿತ್ಯನಾಥ್​​ ಸರ್ಕಾರ ಕರೆದಿದ್ದ ವಿಶೇಷ ಅಧಿವೇಶನದಲ್ಲಿ ಭಾಗಿಯಾಗಿದ್ದಕ್ಕಾಗಿ ಕಾಂಗ್ರೆಸ್​ ಶಾಸಕಿಗೆ ಶೋಕಾಸ್​ ನೋಟಿಸ್​ ಜಾರಿಯಾಗಿದೆ.

ರಾಯ್​ಬರೇಲಿ:ಯೋಗಿ ಆದಿತ್ಯನಾಥ್​ ನೇತೃತ್ವದ ಉತ್ತರಪ್ರದೇಶದ ಬಿಜೆಪಿ ಸರ್ಕಾರ ಅಕ್ಟೋಬರ್​ 2ರಂದು ಕರೆದಿದ್ದ ವಿಶೇಷ ಅಧಿವೇಶನದಲ್ಲಿ ಭಾಗಿಯಾಗಿದ್ದಕ್ಕೆ ಕಾಂಗ್ರೆಸ್​ ಶಾಸಕಿಗೆ ಶೋಕಾಸ್ ನೋಟಿಸ್​ ಜಾರಿ ಮಾಡಲಾಗಿದೆ.

ವಿಶೇಷ ಅಧಿವೇಶನದಿಂದ ದೂರ ಉಳಿಯಲು ಕಾಂಗ್ರೆಸ್​ ನಿರ್ಧಾರ ಮಾಡಿತ್ತು. ಆದರೆ ಉತ್ತರಪ್ರದೇಶ ರಾಯ್​ಬರೇಲಿಯ ಕಾಂಗ್ರೆಸ್‌ ಶಾಸಕಿ ಆದಿತಿ ಸಿಂಗ್​​, ವಿಶೇಷ ಅಧಿವೇಶನದಲ್ಲಿ ಭಾಗಿಯಾಗಿದ್ದರು. ಇದೀಗ ಪಕ್ಷದ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ ಈ ನೋಟಿಸ್ ಜಾರಿ ಮಾಡಲಾಗಿದ್ದು, ಎರಡು ದಿನದಲ್ಲಿ ಉತ್ತರ ನೀಡುವಂತೆ ತಿಳಿಸಲಾಗಿದೆ.

ಜಮ್ಮುಕಾಶ್ಮೀರಕ್ಕೆ ನೀಡಿದ್ದ ವಿಶೇಷ ಸ್ಥಾನಮಾನದ 370ನೇ ವಿಧಿ ರದ್ಧತಿಗೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರದ ನಿರ್ಧಾರವನ್ನು ಶಾಸಕಿ ಆದಿತಿ ಸಿಂಗ್​ ಶ್ಲಾಘಿಸಿದ್ದರು.

ಅಧಿವೇಶನದಲ್ಲಿ ಭಾಗಿಯಾದ ಬಳಿಕ ಮಾತನಾಡಿದ್ದ ಶಾಸಕಿ, ಪಕ್ಷದ ರಾಜಕೀಯಗಿಂತಲೂ ಅಭಿವೃದ್ಧಿ ವಿಚಾರ ಮಾತನಾಡುವುದು ಒಳ್ಳೆಯದು. ಹೀಗಾಗಿ ನಾನು ಅಧಿವೇಶನದಲ್ಲಿ ಭಾಗಿಯಾಗಿ ನನ್ನ ವಿಚಾರ ತಿಳಿಸಿರುವೆ ಎಂದಿದ್ದರು.