ಕೇಕ್​​​ಗೆ ಗುಂಡಿಟ್ಟು ಹುಟ್ಟುಹಬ್ಬ ಆಚರಿಸಿಕೊಂಡ ಯುವಕ.... ವಿಡಿಯೋ ವೈರಲ್​​

ಉತ್ತರ ಪ್ರದೇಶದ ಬಾಗಪತ್ ಜಿಲ್ಲೆಯ ಯುವಕ ತನ್ನ ಬರ್ತ್ ಡೇ ಕೇಕ್ ಗೆ ನೇರವಾಗಿ ಶೂಟ್​ ಮಾಡಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾನೆ.

ಬಾಗಪತ್ (ಉತ್ತರ ಪ್ರದೇಶ):ಇತ್ತೀಚೆಗೆ ಕೆಲ ರೌಡಿಗಳು ಲಾಂಗ್​​ಗಳಿಂದ ಕೇಕ್ ಕತ್ತರಿಸಿ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿರುವುದನ್ನ ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಯುವಕ ತನ್ನ ಬರ್ತ್ ಡೇ ಕೇಕ್ ಗೆ ನೇರವಾಗಿ ಶೂಟ್​ ಮಾಡಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾನೆ.

ಉತ್ತರ ಪ್ರದೇಶದ ಬಾಗಪತ್ ಜಿಲ್ಲೆಯ ಸರೂರ್​ಪುರ್​​ ಗ್ರಾಮದಲ್ಲಿ ಘಟನೆ ನಡೆದಿದ್ದು, ಈ ದೃಶ್ಯದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​​​ ಆದ ಬಳಿಕ ಬೆಳಕಿಗೆ ಬಂದಿದೆ.

ಇನ್ನು ಈ ವಿಡಿಯೋದಲ್ಲಿ ಯುವಕನೊಬ್ಬ ನೆಲದ ಮೇಲೆ ಕೇಕ್​​ ಇಡುತ್ತಾನೆ. ಬಳಿಕ ಬರ್ತ್ ಡೇ ಬಾಯ್​​ ಕೇಕ್​ಗೆ ಗುಂಡಿಕ್ಕುವುದನ್ನು, ನಂತರ ಆತನ ಸ್ನೇಹಿತರು ಕೂಗಾಡುತ್ತಾ ಸಂಭ್ರಮಿಸುವುದನ್ನು ನೋಡಬಹುದಾಗಿದೆ.

ಇನ್ನು ಘಟನೆ ಸಂಬಂಧ ಮಾಹಿತಿ ಪಡೆದುಕೊಂಡ ಬಾಗಪತ್ ವೃತ್ತ ಅಧಿಕಾರಿ ಒಪಿ ಸಿಂಗ್ ಈ ಬಗ್ಗೆ ತನಿಖೆ ಆರಂಭಿಸಲಾಗುವುದು ಎಂದು ತಿಳಿಸಿದ್ದಾರೆ.