ಅಯೋಧ್ಯೆ ಭೂಮಿ ಪೂಜೆ: ಪ್ರಧಾನಿಗೆ ರಾಖಿ ಕಳುಹಿಸಲಿರುವ ಮುಸ್ಲಿಂ ಮಹಿಳೆ

ಅಯೋಧ್ಯೆಯ ಶ್ರೀರಾಮ ಮಂದಿರ ದೇವಾಲಯದ ಭೂಮಿ ಪೂಜೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಗಿಯಾಗಲಿದ್ದು, ಅವರಿಗೆ ಮುಸ್ಲಿಂ ಮಹಿಳೆ ರಾಖಿ ಕಳುಹಿಸಿಕೊಡಲು ಮುಂದಾಗಿದ್ದಾರೆ.

ಅಯೋಧ್ಯೆ (ಉತ್ತರಪ್ರದೇಶ): ಆಗಸ್ಟ್​​ 5ರಂದು ಉತ್ತರಪ್ರದೇಶದ ಅಯೋಧ್ಯೆಯಲ್ಲಿ ಶ್ರೀ ರಾಮಮಂದಿರ ಭೂಮಿ ಪೂಜೆ ಕಾರ್ಯಕ್ರಮ ನಡೆಯಲಿದ್ದು, ಇದರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಗಿಯಾಗಲಿದ್ದಾರೆ.

ಐತಿಹಾಸಿಕ ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತಿರುವ ಪ್ರಧಾನಿ ನರೇಂದ್ರ ಮೋದಿ, ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಹಾಗೂ ಆರ್​​ಎಸ್​ಎಸ್​​​ ಮುಖಂಡ ಇಂದ್ರೇಶ್​ ಕುಮಾರ್​ಗೆ ಮುಸ್ಲಿಂ ಮಹಿಳೆಯೋರ್ವರು ರಾಖಿ ರವಾನೆ ಮಾಡಲು ನಿರ್ಧರಿಸಿದ್ದಾರೆ.

ಇದನ್ನೂ ಓದಿ: ರಾಮ ಮಂದಿರಕ್ಕೆ ಅಡಿಗಲ್ಲು: 501 ದೀಪ ಬೆಳಗಿಸಿ ಸಂಭ್ರಮಿಸಲಿದೆ ಮುಸ್ಲಿಂ ಕುಟುಂಬ

ಮುಸ್ಲಿಂ ಮಹಿಳೆ ಪ್ರತಿಕ್ರಿಯಿಸಿ, ಆಗಸ್ಟ್​ 5ರಂದು ನಡೆಯಲಿರುವ ಭೂಮಿ ಪೂಜೆ ಕಾರ್ಯಕ್ರಮ ಭಾರತದ ಇತಿಹಾಸದ ಐತಿಹಾಸಿಕ ಕ್ಷಣಗಳಲ್ಲಿ ಒಂದಾಗಲಿದ್ದು, ನಾವೆಲ್ಲರೂ ಕಾತುರದಿಂದ ಈ ಕ್ಷಣಕ್ಕಾಗಿ ಕಾಯುತ್ತಿದ್ದೇವೆ ಎಂದಿದ್ದಾರೆ.

ಭೂಮಿ ಪೂಜೆ ದಿನವನ್ನು ಹಬ್ಬದ ರೀತಿಯಲ್ಲಿ ಆಚರಿಸಲು ಅಯೋಧ್ಯೆ ನಗರಿಯ ಜನರು ಈಗಾಗಲೇ ಸಿದ್ಧರಾಗಿದ್ದು, ಉತ್ತರಪ್ರದೇಶದ ಮುಸ್ಲಿಂ ಕುಟುಂಬವೊಂದು ಭೂಮಿ ಪೂಜೆ ವೇಳೆ ಮನೆಯಲ್ಲಿ ಬರೋಬ್ಬರಿ 501 ದೀಪ ಬೆಳಗಿಸಲು ನಿರ್ಧರಿಸಿದೆ.