ಹೈದರಾಬಾದ್: ಪ್ರಧಾನಿ ಮೋದಿಗಿಂತ ತೆಲಂಗಾಣ ಸಿಎಂ ಕೆ. ಚಂದ್ರಶೇಖರ ರಾವ್ ಅವರು ನಿಜವಾದ ಹಿಂದೂ ಎಂದು ಎಐಎಂಐಎಂ ಪಕ್ಷದ ಅಧ್ಯಕ್ಷ ಅಸಾದುದ್ದೀನ್ ಓವೈಸಿ ಹೇಳಿದ್ದಾರೆ.
ನಲಗೊಂಡದ ಪ್ರಚಾರಸಭೆಯಲ್ಲಿ ಮಾತನಾಡಿದ ಅವರು, ಕೆಸಿಆರ್ಗೆ ಪ್ರಧಾನಿ ಮೋದಗಿಂತ ದೊಡ್ಡ ಹೃದಯವಿದೆ. ಮೋದಿಗಿಂತ ಕೆಸಿಆರ್ ದೊಡ್ಡ ಹಿಂದೂ. ಇಬ್ಬರು ಹಿಂದುತ್ವದ ನಡುವೆ ಸಾಕಷ್ಟು ವ್ಯತ್ಯಾಸವಿದೆ ಎಂದು ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಹಿಂದುತ್ವ ಎಂಬುದು ಭಾರತದ ಜಾತೀಯತೆಯನ್ನು ತೊಡೆದುಹಾಕುವುದು. ಸಾಂಸ್ಕೃತಿಕ ಸಮ್ಮಿಲನ, ವಿಶ್ವ ಸಹೋದರತ್ವವನ್ನು ಹಿಂದುತ್ವ ಸಾರುತ್ತದೆ ಎಂದರು.
ಟಿಆರ್ಎಸ್ ಅಭ್ಯರ್ಥಿ ವೆಮಿರೆಡ್ಡಿ ನರಸಿಂಹ ರೆಡ್ಡಿ ಪರ ಅವರು ಮತಯಾಚನೆ ಮಾಡಿದರು. ಈ ವೇಳೆ ತೆಲಂಗಾಣದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬರುವವರೆಗೆ ಗಡ್ಡ ತೆಗೆಸುವುದಿಲ್ಲ ಎಂದು ಪ್ರತಿಜ್ಞೆ ಮಾಡಿರುವ ಟಿಪಿಸಿಸಿಯ ಅಧ್ಯಕ್ಷ ಎನ್ ಉತ್ತಮ್ ಕುಮಾರ್ರ ಕಾಲೆಳೆದ ಅವರು, ಉತ್ತಮ ಗಡ್ಡ ಈಗಾಗಲೆ ನನ್ನ ಗಡ್ಡದಷ್ಟು ಬೆಳೆದಿದೆ. ಇನ್ನು 10 ವರ್ಷಗಳಾದ ಮೇಲೆ ಎಷ್ಟು ಉದ್ದ ಬೆಳೆಯುತ್ತೆ ಎಂದು ಕುಟುಕಿದರು.