10 ತೊಲ ಚಿನ್ನಾಭರಣ ಮರಳಿಸಿದ ಆಟೋ ಚಾಲಕ; ಪ್ರಾಮಾಣಿಕತೆಗೆ ಪೊಲೀಸರಿಂದ ಗೌರವ

ಪ್ರಯಾಣಿಕರೊಬ್ಬರು ಆಕಸ್ಮಿಕವಾಗಿ ಬಿಟ್ಟು ಹೋಗಿದ್ದ 10 ತೊಲ ತೂಕದ ಚಿನ್ನಾಭರಣಗಳನ್ನು ಪೊಲೀಸರಿಗೆ ಒಪ್ಪಿಸುವ ಮೂಲಕ ಆಟೋ ಚಾಲಕನೊಬ್ಬ ಪ್ರಾಮಾಣಿಕತೆ ಮೆರೆದಿದ್ದಾನೆ.

ಹೈದರಾಬಾದ್(ತೆಲಂಗಾಣ):ಮಹಿಳಾ ಪ್ರಯಾಣಿಕರೊಬ್ಬರು ಆಟೋ ರಿಕ್ಷಾದಲ್ಲಿ ಮರೆತು ಬಿಟ್ಟು ಹೋಗಿದ್ದ ಬೆಲೆಬಾಳುವ 10 ತೊಲ ತೂಕದ ಚಿನ್ನಾಭರಣಗಳನ್ನು ಪೊಲೀಸರಿಗೆ ಒಪ್ಪಿಸುವ ಮೂಲಕ ಆಟೋ ಚಾಲಕ ಮಾನವೀಯತೆ ಮೆರೆದಿದ್ದಾನೆ.

ಹೈದರಾಬಾದ್​ನ ಲಂಗರ್​ಹೌಸ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಆಟೋದಲ್ಲಿ ಪ್ರಯಾಣಿಸುತ್ತಿದ್ದ ದಂಪತಿ ಆಭರಣಗಳಿದ್ದ ಬ್ಯಾಗ್ ಕಳೆದುಕೊಂಡಿರುವುದು ಗೊತ್ತಾದ ನಂತರ ಲಂಗರ್​ಹೌಸ್ ಪೊಲೀಸ್ ಠಾಣೆಗೆ ಬಂದು ದೂರು ನೀಡಿದ್ದರು.

ಮತ್ತೊಂದೆಡೆ, ಆಟೋ ಚಾಲಕ ಸೈಯದ್ ಜಾಕೀರ್ ಬ್ಯಾಗ್​ ಪರಿಶೀಲಿಸಿದಾಗ ಫೋನ್​ ನಂಬರ್ ದೊರೆತಿದೆ. ಕೂಡಲೇ ಆಭರಣ ಕಳೆದುಕೊಂಡಿರುವವರನ್ನು ಪತ್ತೆ ಹಚ್ಚಿದ ಆತ ಪೊಲೀಸರ ಮೂಲಕ ಆಭರಣ ತಲುಪಿಸಿದ್ದಾನೆ.

ಸೈಯದ್ ಜಾಕೀರ್ ಕಾರ್ಯಕ್ಕೆ ಪೊಲೀಸರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಹೂವಿನ ಹಾರ ಹಾಕಿ ಸನ್ಮಾನಿಸಿ ಕಳುಹಿಸಿಕೊಟ್ಟಿದ್ದಾರೆ.

ಇದನ್ನೂ ಓದಿ:ಭಾರತದ 60 ಮೀನುಗಾರರ ಅಪಹರಿಸಿ,10 ಬೋಟ್‌ ಜಪ್ತಿ ಮಾಡಿಕೊಂಡ ಪಾಕಿಸ್ತಾನ