ಲಖನೌ (ಉತ್ತರ ಪ್ರದೇಶ) : ಲಖನೌದ ಲುಲು ಮಾಲ್ನ ಫುಡ್ ಕೋರ್ಟ್‌ನಲ್ಲಿ ಪುಸ್ತಕ ಓದದಂತೆ ತಡೆದಿದ್ದಾರೆ ಎಂದು ಆಸ್ಟ್ರೇಲಿಯಾದ ಸಮಾಜಶಾಸ್ತ್ರಜ್ಞ ಸಾಲ್ವಟೋರ್ ಬಾಬೋನ್ಸ್ ಆರೋಪಿಸಿದ್ದಾರೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಸಿಡ್ನಿ ವಿಶ್ವವಿದ್ಯಾನಿಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿರುವ ಸಾಲ್ವಟೋರ್ ಅವರು G20 ರಾಷ್ಟ್ರಗಳ ಪ್ರತಿನಿಧಿಗಳಲ್ಲಿ ಒಬ್ಬರಾಗಿದ್ದಾರೆ.
'ನನಗೆ ಲಖನೌದಲ್ಲಿ @LuLu_Mall ಸೆಕ್ಯುರಿಟಿಯವರು ಪುಸ್ತಕವನ್ನು ಓದಲು ಅನುಮತಿಸಿಲ್ಲ ಎಂದು ಸಾಲ್ವಟೋರ್ ಅವರು ಟ್ವೀಟ್ ಮಾಡಿದ್ದರು. ಅಲ್ಲದೇ ಪುಸ್ತಕದ ಪೋಟೋವನ್ನು ತೆಗೆಯಲು ಕೂಡಾ ಅನುಮತಿಸಲಿಲ್ಲ. ಏನು ಫಿಲಿಷ್ಟಿಯನ್ಸ್? ಎಂದು ಬರೆದುಕೊಂಡಿದ್ದಾರೆ. ಮತ್ತೊಂದು ಟ್ವೀಟ್‌ನಲ್ಲಿ ಅವರು 'ಮಾಲ್‌ನಲ್ಲಿ ಯಾವುದೇ ಧಾರ್ಮಿಕ ಪ್ರಾರ್ಥನೆಯನ್ನು ಮಾಡಲು ಅನುಮತಿಸಲಾಗುವುದಿಲ್ಲ' ಎಂದು ಬರೆಯಲಾದ ಸೈನ್‌ಬೋರ್ಡ್‌ನ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ. ಅದನ್ನು ಹಂಚಿಕೊಳ್ಳುತ್ತಾ, 'ಇಲ್ಲಿ ಪ್ರಾರ್ಥನೆಗೆ ಅವಕಾಶವೂ ಇಲ್ಲ. ಹೀಗಾಗಿ, ನನಗೆ ಉತ್ತಮ ಮಾಲ್ನ ಅಗತ್ಯವಿದೆ' ಎಂದು ನಾನು ಭಾವಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಹೀಗೆ ಸಾಲ್ವಟೋರ್ ಅವರು ಟ್ವೀಟ್ ಮಾಡುತ್ತಿದ್ದಂತೆ, ಇದಕ್ಕೆ ಸೋಷಿಯಲ್ ಮೀಡಿಯಾ ಬಳಕೆದಾರರು ಸಾಕಷ್ಟು ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಕೆಲವರು ಮಾಲ್ ಅಧಿಕಾರಿಗಳನ್ನು ಪ್ರಶ್ನಿಸಿದ್ದಾರೆ. ಇತರರು ಸಾಲ್ವಟೋರ್ ಅವರು ಮಾಲ್‌ನಲ್ಲಿ ಪುಸ್ತಕಗಳನ್ನು ಓದಿದ್ದಾರೆ ಮತ್ತು ಅಂತಹ ಯಾವುದೇ ಸಮಸ್ಯೆಯನ್ನು ಹೊಂದಿಲ್ಲ ಎಂದು ಹೇಳಿದ್ದಾರೆ. ಇನ್ನು ಕೆಲವರು ಬಹುಶಃ ನೀವು ಮ್ಯಾನೇಜಿಂಗ್ ಟೀಮ್‌ನಿಂದ ಬಂದವರಲ್ಲ ಎಂದು ಹೇಳಿದ್ದಾರೆ. 'ನಾನು ಕೋಸ್ಟಾದಲ್ಲಿ ಕೆಳಗೆ ಕುಳಿತು ಹಲವಾರು ಬಾರಿ ಪುಸ್ತಕಗಳನ್ನು ಓದಿದ್ದೇನೆ. ನನ್ನ ಲ್ಯಾಪ್‌ಟಾಪ್‌ನಲ್ಲಿಯೂ ಕೆಲಸ ಮಾಡಿದ್ದೇನೆ' ಎಂದು ಸೋಶಿಯಲ್ ಮೀಡಿಯಾ ಬಳಕೆದಾರ ತರುಕಾ ಶ್ರೀವಾಸ್ತವ ಕಾಮೆಂಟ್ ಮಾಡಿದ್ದಾರೆ.
ಅವರು ಓದಲು ಅನುಮತಿಸಿಲ್ಲ : ತರುಕಾಗೆ ಪ್ರತ್ಯುತ್ತರವಾಗಿ ಸಾಲ್ವಟೋರ್ ಅವರು ಪ್ರತಿಕ್ರಿಯಿಸಿ, 'ಹೌದು, @CostaCoffeeInd ಓದುವುದನ್ನು ಅನುಮತಿಸುತ್ತದೆ. ಆದರೆ, @LuLu_Mall ಫುಡ್ ಕೋರ್ಟ್ ಅನುಮತಿಸುವುದಿಲ್ಲ' ಎಂದಿದ್ದಾರೆ. ಅದಕ್ಕೆ ಪ್ರತ್ಯುತ್ತರ ನೀಡುತ್ತಾ, ಮತ್ತೊಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದು, ಜನರು ಅನಿರ್ದಿಷ್ಟವಾಗಿ ಫುಡ್ ಕೋರ್ಟ್ ಆಸನಗಳನ್ನು ಆಕ್ರಮಿಸಿಕೊಳ್ಳುವುದನ್ನು ಅವರು ಬಯಸುವುದಿಲ್ಲ. ಹೀಗಾಗಿ ಅವರು ಓದಲು ಅನುಮತಿಸಿಲ್ಲ ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.