ತಿರುಪತಿ (ಆಂಧ್ರಪ್ರದೇಶ) :ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಆರೋಪ ಪ್ರಕರಣ ಸಂಬಂಧ ಟಾಲಿವುಡ್ನ ಹಿರಿಯ ನಟ ಮಂಚು ಮೋಹನ್ ಬಾಬು ಇಂದು ತಮ್ಮ ಇಬ್ಬರು ಮಕ್ಕಳೊಂದಿಗೆ ಆಂಧ್ರಪ್ರದೇಶದ ತಿರುಪತಿ ನ್ಯಾಯಾಲಯದ ಮುಂದೆ ಹಾಜರಾಗಿದ್ದಾರೆ. ಇದೇ ವೇಳೆ ಮುಂದಿನ ವಿಚಾರಣೆಯನ್ನು ನ್ಯಾಯಾಲಯವು ಸೆಷ್ಟೆಂಬರ್ 30ಕ್ಕೆ ಮುಂದೂಡಿದೆ.
2019ರ ಮಾರ್ಚ್ 22ರಂದು ಅಂದಿನ ಸರ್ಕಾರ ಶಾಲಾ ಶುಲ್ಕವನ್ನು ಮರಳಿ ಕೊಡುತ್ತಿಲ್ಲ ಎಂದು ಆರೋಪಿಸಿ ನಟ ಮೋಹನ್ ಬಾಬು ಕುಟುಂಬ ತಿರುಪತಿ ಮತ್ತು ಮದನಪಲ್ಲಿ ಹೆದ್ದಾರಿಯಲ್ಲಿ ಧರಣಿ ಕುಳಿತಿತ್ತು. ಆದರೆ, ಅಂದು ಸಾರ್ವತ್ರಿಕ ಚುನಾವಣೆ ನಡೆಯುತ್ತಿದ್ದ ಕಾರಣ ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಲಾಗಿದೆ ಹಾಗೂ ಧರಣಿಗೆ ಅನುಮತಿ ಪಡೆದಿಲ್ಲ ಎಂಬ ಆರೋಪದ ಮೇಲೆ ಚಂದ್ರಗಿರಿ ಪೊಲೀಸರು ಮೋಹನ್ ಬಾಬು, ಪುತ್ರರಾದ ವಿಷ್ಣು, ಮನೋಜ್ ಹಾಗೂ ಶ್ರೀವಿದ್ಯಾನಿಕೇತನ ವಿದ್ಯಾಸಂಸ್ಥೆಯ ಎಜ ತುಳಸಿ ನಾಯ್ಡು, ಪಿಆರ್ಒ ಸತೀಶ್‌ ವಿರುದ್ಧ ಪ್ರಕರಣ ದಾಖಲಿಸಿದ್ದರು.