ನೀವು ಎಂದಾದರೂ ಆನ್‌ಲೈನ್‌ನಲ್ಲಿ ಯಾರೊಂದಿಗಾದರೂ ಮ್ಯಾಚ್ ಮಾಡಿಕೊಂಡಿದ್ದೀರಾ ಮತ್ತು ಅವರಿಗೆ ಏನು ಹೇಳಬೇಕೆಂದು ನಿಮಗೆ ತಿಳಿಯುತ್ತಿಲ್ಲ ಎನಿಸಿದೆಯಾ?ನೀವು ಅವರಿಗೆ ಹೇಳುವ ಮೊದಲ ವಿಷಯ ಕೆಟ್ಟ ಪ್ರಭಾವ ಬೀರಬಹುದೇನೋ ಎಂದು ಚಿಂತಿಸುತ್ತೀರಾ?.
ವರ್ಚುವಲ್ ಡೇಟಿಂಗ್ ಜಗತ್ತಿನಲ್ಲಿ 'hey' ಅಥವಾ 'hello' ಅನ್ನು ಮೀರಿ ಆಲೋಚನೆಗಳನ್ನು ಮಾಡುವುದು ಕಷ್ಟವಾಗಬಹುದು. ನಿಮ್ಮ ಮೊದಲ (ವರ್ಚುವಲ್) ಡೇಟಿಂಗ್ ನಯವಾಗಿರಬೇಕು ಮತ್ತು ಟು ವೇ ಆಗಿರಬೇಕು. ಹಾಗೆ ಮಾಡಲು ಸುಲಭವಾದ ಮಾರ್ಗವೆಂದರೆ ನಿಮಗೆ ಮುಖ್ಯವೆನಿಸುವ ಪ್ರಶ್ನೆಗಳನ್ನು ಕೇಳುವುದು ಮತ್ತು ನಿಮ್ಮ ಡೇಟಿಂಗ್ ಸಂಗಾತಿಯ ಆಸಕ್ತಿಯನ್ನು ಪರೀಕ್ಷಿಸಿ ತಿಳಿದುಕೊಳ್ಳುವುದು.
ಒಟ್ಟಾರೆಯಾಗಿ ವರ್ಚುವಲ್ ಡೇಟಿಂಗ್ ಮಾಡುವಾಗ ನೀವು ನಿಮ್ಮಂತೆಯೇ ಇರಲು ಹಿಂಜರಿಯದಿರಿ. ಯಾಕೆಂದರೆ, ನಿಮ್ಮಂತೆಯೇ ಸಮಾನ ಮನಸ್ಕ ವ್ಯಕ್ತಿಯನ್ನು ಹುಡುಕುವುದು ಈ ಡೇಟಿಂಗ್ನ ಉದ್ದೇಶವಾಗಿರುತ್ತದೆ. ಪ್ರಪಂಚದಾದ್ಯಂತ ಎರಡು ದಶಕಗಳಿಂದ ಸಾಕಷ್ಟು ಜನರ ಪ್ರೇಮಕಥೆಗಳನ್ನು ಪರಿಚಯಿಸಿದ ನಂತರ, ಒಂದು ಪ್ರಮುಖ ಡೇಟಿಂಗ್ ಆ್ಯಪ್ ನಿಮ್ಮ ಡೇಟ್ ವೇಳೆ ನಿಮ್ಮನ್ನು ಮಾತನಾಡುವಂತೆ ಮಾಡಬಲ್ಲ ಐದು ಆರಂಭಿಕ ಸಂಭಾಷಣೆಗಳನ್ನು ಪಟ್ಟಿ ಮಾಡಿದೆ.
'ನೀವು ನಿಜವಾಗಿಯೂ ಏನು ಮಾಡಲು ಬಯಸುತ್ತೀರಿ?'
ನಿಮ್ಮ ಕನಸುಗಳು, ಗುರಿಗಳು ಮತ್ತು ಆಸೆಗಳನ್ನು ಮೊದಲ ಡೇಟ್ನಲ್ಲಿ ಮುಕ್ತವಾಗಿ ಚರ್ಚಿಸಲು ಸಾಧ್ಯವಾಗುವುದು ಯಾರನ್ನಾದರೂ ಚೆನ್ನಾಗಿ ತಿಳಿದುಕೊಳ್ಳಲು ಒಂದು ಸೊಗಸಾದ ವಿಧಾನವಾಗಿದೆ. ನಿಮ್ಮ ಗುರಿಗಳು ನೀವು ಏನನ್ನು ಸಾಧಿಸಲು ಬಯಸುತ್ತೀರೋ ಅದನ್ನು ಕಟ್ಟುನಿಟ್ಟಾಗಿ ಹಂಚಿಕೊಳ್ಳಬೇಕೆಂದಿಲ್ಲ, ಅದು ಗಿಟಾರ್ ನುಡಿಸುವುದನ್ನು ಕಲಿಯುತ್ತಿರಲಿ ಅಥವಾ ಇಟಾಲಿಯನ್ ಅಡುಗೆಯಲ್ಲಿ ಮಾಸ್ಟರಿಂಗ್ ಮಾಡುತ್ತಿರಲಿ, ನಿಮ್ಮ ಜೀವನವು ನಿಮ್ಮ ಆದ್ಯತೆ ಮತ್ತು ಆದ್ಯತೆಗಳ ಬಗ್ಗೆ ಉತ್ತಮ ತಿಳಿವಳಿಕೆಯನ್ನು ಪಡೆಯಲು ನಿಮ್ಮ ಡೇಟ್ಗೆ ಸಹಾಯ ಮಾಡಬಹುದು. ನಿಮ್ಮ ಡೇಟಿಂಗ್ ಸಂಗಾತಿ ನಿಜವಾಗಿಯೂ ಏನು ಬಯಸುತ್ತಾರೆ ಎಂದು ಕೇಳಿ ತಿಳಿದುಕೊಳ್ಳಿ. ವಾಸ್ತವವಾಗಿ, ಡೇಟಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿರುವ 34 ಪ್ರತಿಶತದಷ್ಟು ಡೇಟರ್ಸ್ ತಮ್ಮ ಗುರಿಗಳು, ಯೋಜನೆಗಳು ಮತ್ತು ಉತ್ತಮ ಸಂಭಾಷಣೆ ಆರಂಭವನ್ನು ಬಯಸುತ್ತಾರೆ.
ನಾಯಿ ಅಥವಾ ಬೆಕ್ಕು?
ಸಾಕುಪ್ರಾಣಿಗಳು ಸಹ ಸಹಸ್ರಾರು ವರ್ಷಗಳಿಂದ ಪರಿಪೂರ್ಣ ಸಂಭಾಷಣೆಯ ಆರಂಭಿಕ ವಸ್ತುಗಳಾಗಿವೆ. ನಿಮ್ಮ ಡೇಟ್ಗಳಲ್ಲಿ ಸಾಕು ಪ್ರಾಣಿಗಳನ್ನು ದತ್ತು ತೆಗೆದುಕೊಳ್ಳುವ ಬಗ್ಗೆ ಅವರ ಅಭಿಪ್ರಾಯಗಳು ಮತ್ತು ಈ ಜೀವಿಗಳೊಂದಿಗಿನ ಅವರ ಬಾಂಧವ್ಯವು ಅವರ ವ್ಯಕ್ತಿತ್ವದ ಬಗ್ಗೆ ಆಸಕ್ತಿದಾಯಕ ಒಳನೋಟಗಳನ್ನು ಬಹಿರಂಗಪಡಿಸುತ್ತದೆ ಮತ್ತು ನಿಮ್ಮ ಬಗ್ಗೆ ತಿಳಿದುಕೊಳ್ಳುವ ಅವಕಾಶವನ್ನು ನೀಡುತ್ತದೆ. 31 ಪ್ರತಿಶತ ಡೇಟರ್‌ಗಳು ಸಾಕುಪ್ರಾಣಿಗಳು ತಮ್ಮ ಡೇಟಿಂಗ್ನ ಆರಂಭಿಕ ಸಂಭಾಷಣೆಯನ್ನು ಪ್ರಾರಂಭಿಸಲು ಸೂಕ್ತ ಮಾರ್ಗವೆಂದು ಹೇಳುತ್ತಾರೆ.
ನಿಮ್ಮ ಮುಂದಿನ ವಾಚ್ ಲಿಸ್ಟ್ನಲ್ಲಿ ಏನೇನಿದೆ?
ಇಂದಿನ ಜಗತ್ತಿನಲ್ಲಿ ಸ್ಟ್ರೀಮಿಂಗ್ ಸೇವೆ ಅಥವಾ ಸಿನಿಮಾಗಳು, ಶೋಗಳು ಅಥವಾ ಸಾಹಿತ್ಯಕ್ಕೆ ಯಾವುದೇ ಕೊರತೆಯಿಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡು, ನೀವು ನೋಡುತ್ತಿರುವ ಟಿವಿ ಕಾರ್ಯಕ್ರಮಗಳ ಬಗ್ಗೆ ಚರ್ಚಿಸುವುದು, ನೋಡಲೇಬೇಕಾದ ಸಿನಿಮಾಗಳನ್ನು ಶಿಫಾರಸು ಮಾಡುವುದು, ಮತ್ತು ನಿಮ್ಮ ಸಾರ್ವಕಾಲಿಕ ನೆಚ್ಚಿನ ಕಾದಂಬರಿಗಳ ಬಗ್ಗೆ ಹೆಚ್ಚು ಹೇಳುವುದು ಸಂಭಾಷಣೆಯನ್ನು ಮುಂದುವರಿಸಲು ಸಹಾಯ ಮಾಡುತ್ತದೆ ಮತ್ತು ನೀವು ಮತ್ತು ನಿಮ್ಮ ಡೇಟ್ ಪರಸ್ಪರರ ವ್ಯಕ್ತಿತ್ವ ಮತ್ತು ನೆಚ್ಚಿನ ಅಂಶಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಬಹುದು. ಮತ್ತು ಇದು ವರ್ಚುವಲ್ ಮೂವಿ ಡೇಟ್ ಅಥವಾ ಪುಸ್ತಕ ಓದುವ ಹವ್ಯಾಸಕ್ಕೆ ದಾರಿ ಮಾಡಿಕೊಡಬಹುದು.
'ಸಂಬಂಧದಿಂದ ನೀವು ಏನು ಬಯಸುತ್ತೀರಿ?
ದೀರ್ಘಾವಧಿಯ ಸಂಬಂಧವನ್ನು ಹುಡುಕುವಾಗ, ಸ್ಕ್ರೀನ್ನಲ್ಲಿ ಡೇಟಿಂಗ್ನಲ್ಲಿರುವ ವ್ಯಕ್ತಿಯೂ ಅದೇ ವಿಷಯವನ್ನು ಹುಡುಕುತ್ತಿದ್ದಾನೆಯೇ ಎಂದು ತಿಳಿಯುವುದು ಮುಖ್ಯವಾಗಿದೆ. ಶೇ.20ರಷ್ಟು ಡೇಟರ್‌ಗಳು ತಮ್ಮ ಡೇಟಿಂಗ್ ಪಾಟ್ನರ್ ದೃಷ್ಟಿಕೋನಗಳ ಬಗ್ಗೆ ಮತ್ತು ಅವರು ಸಂಬಂಧದಿಂದ ಏನನ್ನು ಹುಡುಕುತ್ತಾರೆ ಎಂಬುದನ್ನು ಕಲಿಯುವುದು ಒಂದು ಕುತೂಹಲಕಾರಿ ಸಂಭಾಷಣೆಯ ಆರಂಭವಾಗಿದೆ ಎಂದು ಬಹಿರಂಗಪಡಿಸಿದ್ದಾರೆ. ಸಾಂಕ್ರಾಮಿಕ ಸಮಯದಲ್ಲಿ ಡೇಟಿಂಗ್ ರೂಪುರೇಷೆ ಸಾಕಷ್ಟು ಬದಲಾಗಿದೆ. ಸಂಭಾಷಣೆಯ ಗುಣಮಟ್ಟ ಮತ್ತು ಒಟ್ಟಾಗಿ ಕಳೆದ ಸಮಯದ ಮೂಲಕ ಸಂಭಾವ್ಯ ಸಂಗಾತಿಯೊಂದಿಗೆ ಪ್ರಣಯ ಮತ್ತು ಹೊಂದಾಣಿಕೆಯನ್ನು ಕಂಡುಕೊಳ್ಳುವಲ್ಲಿ ಜನರ ದೃಷ್ಟಿಕೋನ ಬದಲಾಗಿದೆ.
ನಿಮ್ಮ ಮುಂದಿನ ಟೂರ್ ಲಿಸ್ಟ್ನಲ್ಲಿ ಏನೇನಿದೆ?
ಟೂರ್.. ನಿಮ್ಮ ಡೇಟ್ ಅನ್ನು ಕನಸಿನ ಜಗತ್ತಿಗೆ ಕೊಂಡೊಯ್ಯಲು ಸೂಕ್ತವಾದ ಸಂಭಾಷಣೆ ಸ್ಟಾರ್ಟರ್- ನೀವು ಎಲ್ಲಿ ಬೇಕಾದರೂ ಹೋಗಬಹುದು - ಬೀಚ್ ಬಳಿ ಸೂರ್ಯಾಸ್ತಮಾನದ ಚೆಲುವು ಆನಂದಿಸುವುದು, ದೇಶಾದ್ಯಂತ ರೌಂಡ್ಸ್ ಹೊಡೆಯುವುದು ಅಥವಾ ದ್ವೀಪಗಳಿಗೆ ಹೋಗುವುದು. ನೀವು ಪ್ರವಾಸದ ಕುರಿತು ಮಾತು ಆರಂಭಿಸಿದ್ರೆ ಪ್ರಯಾಣ, ಆಹಾರ, ನಿಮ್ಮ ಸಂಗಾತಿ ಇಷ್ಟಪಡುವ ತಿನಿಸುಗಳು, ಅವರು ಈಗಾಗಲೇ ಹೋಗಿರುವ ಸ್ಥಳಗಳು ಅಥವಾ ಅವರ ಇಚ್ಛೆಯ ಪಟ್ಟಿಯಲ್ಲಿರುವ ಪ್ರವಾಸಿತಾಣಗಳು ಇತರ ವಿಷಯಗಳ ಬಗ್ಗೆ ಮಾತನಾಡಲು ಬಾಗಿಲು ತೆರೆಯುತ್ತದೆ.
