तीन धामों क कपाट बंद:उत्तराखंड मा चारधाम यात्रा समापन की ओर च. प्रसिद्ध केदारनाथ अर गंगोत्री धाम क बाद आज यमुनोत्री धाम क कपाट भी शीतकाल तैं बंद कर दियां छन. अबी 20 नवंबर तक बदरीनाथ धाम क यात्रा जारी च. ये बार साढ़े चार लाख से ज्यादा तीर्थ यात्रियों न अबी तक चारधाम यात्रा क दर्शन कौरीन, जैंमा द्वी लाख 40 हजार सी ज्यादा लोग बाबा केदार क धाम पौंछिन. वखी, गंगोत्री-यमुनोत्री मा 66 हजार से ज्यादा यात्री पौंछिन.
मुखबा मा विराजमान मां गंगा क भोग मूर्ति: मां गंगा अपरा शीतकालीन प्रवास मुखबा स्थित गंगा मंदिर मा विराजमान ह्वै ग्यैन. मां गंगा क भोगमूर्ति उत्सव डोली क यख पहुंचण पर बेटी मानी कन मां गंगा क स्वागत ह्वाई. अब 6 महीना तक मां गंगा क दर्शन यखी ह्वालु. गंगोत्री धाम क तीर्थ पुरोहितों न श्रद्धालुओं तैं शीतकाल मा मुखबा गांव मा आण की अपील कौरी च.
दिनभरै की खास खबर, एक नजर मा गौरा माई क कपाट भी बंद:केदारनाथ यात्रा क अहम पड़ाव गौरीकुंड स्थित गौरी माई क कपाट बी वैदिक मंत्रोच्चारण अर पौराणिक रीति रिवाजों दगड़ी शीतकाल तैं बंद ह्वै ग्याइन. अब 6 माह तैं मां की पूजा-अर्चना गौरी गांव क चंडिका मंदिर मा ह्वाली. मां की डोली मंदिर क एक परिक्रमा क बाद गौरी गांव कु रवाना ह्वाई.
कांग्रेस अर बीजेपी मा छिड़ी लड़ै: प्रधानमंत्री नरेंद्र मोदी क केदारनाथ दौरा सी उत्तराखंड मा राजनीतिक खूब चरम पर पौंची ग्यै च. कांग्रेस अर बीजेपी क बीच ट्विटर वॉर छिड़ ग्याई च. जख पूर्व सीएम हरीश रावत न पीएम मोदी क केदार मंदिर क गर्भगृह बिटीं लाइव प्रसारण अर फोटू खिंचवान पन आपत्ति जताई छै अर ऊ तै पाप बतै छै. वखी ये पर अब उत्तराखंड बीजेपी न जवाबी ट्वीट कौरी च अर कांग्रेस प्रदेश अध्यक्ष गणेश गोदियाल अर मध्य प्रदेश क पूर्व सीएम कमलनाथ क एक फोटू शेयर की च. फोटू मा गोदियाल 2013 आपदा क दौरान जूता पैरी कन मंदिर मा प्रवेश करता दिखणा छन, वखी कमलनाथ न भी मंदिर क गर्भगृह बिटीं पूजा क फोटू ट्विटर पर शेयर की छै.
महिलाओं तैं 40 फीसदी टिकट की मांग: उत्तर प्रदेश अर उत्तराखंड मा अगला साल व्हाण वालु विधानसभा चुनाव कु लेकी सबी दल अपरा-अपरा दांव खिलणा छन. हाल ही मा कांग्रेस क राष्ट्रीय महासचिव प्रियंका गांधी न उत्तर प्रदेश चुनाव मा 40 फीसदी सीटों तैं महिलाओं कु दी जाण क बात कैही छै. अब उत्तराखंड मा भी महिलाओं कु वरीयता द्याण की बात समणि आण लग ग्याई. कांग्रेस क पूर्व प्रदेश अध्यक्ष किशोर उपाध्याय न ट्विटर पर वीडियो शेयर कौरी कन महिलाओं तैं 40 फीसदी टिकट अर फ्री मा एक गैस सिलेंडर द्याण की मांग कौरी च.
ग्रीष्मकालीन राजधानी मा व्हाण च शीतकालीन सत्र:प्रदेश क धामी सरकार ये महीना का आखिर मा ग्रीष्मकालीन राजधानी गैरसैंण मा विधानसभा कु शीतकालीन सत्र करवाणी च, जैकु लेकी 29 अर 30 नवंबर की तारीख तय च. ये पन अब कांग्रेस न सरकार की चुटकी ली च. कांग्रेस क प्रदेश प्रवक्ता गरिमा दसौनी न बोली की ई प्रदेश की विडंबना च कि ग्रीष्मकालीन राजधानी मा शीतकालीन सत्र आयोजित किये ग्यै च. दसौनी न यै तै राजनीतिकरण बताई.
पौड़ी मा कांग्रेस में दावेदारों की संख्या बौढ़ी: पौड़ी विधानसभा मा कांग्रेसी नेता प्रचार क जरिया अपरी अपनी दावेदारी मजबूत करणा छन. कांग्रेस मा पौड़ी बिटीं दावेदारों क संख्या बढ़णा लगीं च, जैका बाद पार्टी मा गुटबाजी अर अंतर्कलह क आसार भी बढ़ता नजर आणा छन. वर्तमान मा पौड़ी विधानसभा सीट पन 15 कांग्रेसी नेता अपरी दावेदारी पेश करना छन, जैमा ऋतु सिंह और जगदीश चंद्र मुख्य चेहरा छन.
पुरानी पेंशन बहाली क मांग तेज: पुरानी पेंशन बहाली क मांग कु लेकी एनएमओपीएस (National Movement For Old Pension Scheme) क कर्मचारियों न आरपार क लड़ाई कु ऐलान कर दियाली. पुरानी पेंशन बहाली राष्ट्रीय आंदोलन दगड़ी जुड़यां कर्मियों न सरकार पर अपमानित कन क आरोप लगाई अर 15 नवंबर कु सचिवालय क चेतावनी दी च. एनएमओपीएस क प्रांतीय अध्यक्ष जीत मणि पैन्यूली न बोली कि 1 अक्टूबर 2005 क बाद उत्तराखंड क जितना भी सरकारी कर्मचारी रिटायर ह्वाई छन, ऊं तैं नई पेंशन स्कीम मा डाली ग्याई च, जो कि पूरी तरह शेयर बाजार पर आधारित च, जैका बाज सेवानिवृत्त कर्मियों क पेंशन बेहद कम ह्वै ग्यै च.
प्रदेश क कोरोना अपडेट:उत्तराखंड मा आज कोरोना क 12 नया मरीज समणि ऐनी, जबकि 9 मरीज स्वस्थ ह्वेन. राहत का बात ई च कि बीता 24 घंटे मा एक भी मरीज की मौत नी ह्वाई च. प्रदेश मा अबी एक्टिव केसों की संख्या 146 (छियालीस) च जबकि कोरोना क कुल 3,43 (तैंतालीस),939(उनतालीस) मामला छन. जैमा से 3,30,241(इकतालीस) मरीज स्वस्थ ह्वै गेन. प्रदेश मा कोरोना सी मरन वालु कुल आंकड़ा 7,401 च.
3 साल क मासूम की मौत: हल्द्वानी क राजकीय मेडिकल कॉलेज मा वार्ड बॉय का काम करण वालु एक कर्मचारी देवेंद्र क 3 साल क बेटा की खौलता पाणी मा गिरन से मौत ह्वै ग्याई. ये घटना तब घटी जब शनिवार को देवेंद्र क पत्नी भावना अपरा 3 साल क बेटे कु नहलान कुन बाथरूम ले ग्याई अर ऊ तै वखी छोड़ी कन कुछ काम कन कुन भैर ऐ ग्याई, तबी बच्चा गर्म पाणा क टब मा गिर ग्यै.
वाल्मीकि गैंग क मुख्य शूटर की खोज करणी पुलिस:हरिद्वार निवासी नवविवाहित जोड़े क हत्या की सुपारी लैण वाल नरेंद्र वाल्मीकि गैंग क 3 शूटरों की गिरफ्तारी क बाद अब स्पेशल टास्क फोर्स 4 लोगूं की तलाश मा जुटीं च. यै मा एक त गैंग क मुख्य शूटर पंकज च जैका काम गैंग क अन्य शूटर्स तैं अत्याधुनिक हथियार मुहैया करवाण छै अर दूसरू ऊ मीडिएटर च जैका पास हत्या की सुपारी क 4 लाख रुपया एडवांस दिए ग्यै छै. वखी ऊ नवविवाहिता जोड़ा ठीक च और द्वियों तैं सुरक्षित अन्य राज्य मा भेजी ग्यै च.
