अपणुं उत्तराखंडः दिनभरै 10 खास खबर, एक नजर मां

दिनभरै खास खबर, एक नजर मां

हादसा कू शिकार ह्वयां बीजेपी सांसद अजय भट्ट
नैनीताल जिला का पदमपुरी मां बीजेपी सांसद अजय भट्ट व्ह्यां हादसा कू शिकार, सड़क पर ह्व्युं गिन्ना कारण वाहन फिसली, धोलीगौं मां एक सड़क कू लोकार्पण कार्यक्रम मां शरीक हौंणा जांणां छा अजय भट्ट.

बड़कोट मां कार हादसा मां एके मौत
बड़कोट का राजगढ़ी मां कार हादसा मां स्थानीय शिक्षकै मौत, तीन अन्य लोग गंभीर रुप से घायल.

कोहरा वजह से ट्रेन रद्द, यात्रियूं दिक्कत बढ़ी
कोहरा का वजह से कई ट्रेन रद्द हौंण से यात्रियूं बढ़ी दिक्कत, देहरादून मां यार्ड रिमॉडलिंग का कारण भी ट्रेनों संचालन बंद.

ससुर पर दुष्कर्म कू आरोप
हल्द्वानी का बनभूलपुरा थाना क्षेत्र मां एक मैहलान अपणु ससुर पर लगै दुष्कर्म कू आरोप, थाना मां दी तहरीर, पुलिसै जांच शुरू.

ऑस्ट्रेलिया बटिं मंगे द्वी सौ उच्च किस्मै भेड़
राष्ट्रीय पशुधन मिशन योजना का तहत प्रदेश मां भेड़ों की नस्ल मां सुधार और ऊनै गुणवत्ता बढ़ौढ़े राज्य सरकार कू बढ़ू कदम, ऑस्ट्रेलिया बटिं मंगे द्वी सौ उच्च किस्मै भेड़.

अदरकै खेतिल काश्तकारों की चांदी
पहाड़ मां पारंपरिक खेती छोड़ काश्तकारोंन शुरू करि अदरकै खेती, काश्तकारों कमै ह्वे डबल.

सूर्यग्रहण खत्म, खुली मंदिरा कपाट
सूर्यग्रहण खत्म होंणा बाद विधिविधान से खुलिन मंदिरा कपाट, सबेर 8 बजकर 17 मिनट बटिं 10 बजकर 57 मिनट तक छौ ग्रहण काल.

देहरादून-दिल्ली मार्ग पर सीएनजी बसै सौगात
उत्तराखंड परिवहन निगमन साल का अंत मां यात्रियूं तै दिनी सौगात, देहरादून-दिल्ली मार्ग पर चलेली पांच सीएनजी बस.

ग्राम प्रधान तै मिललु इंडो-नेपाल समरसता अवार्ड
पौड़ी गढ़वाल जिला का कैन्यूर गौं का पूर्व प्रधान आनंद सिंह तै 29 दिसंबर मां मिललु इंडो-नेपाल समरसता अवार्ड, काठमांडू मां हौंण वला कार्यक्रम मां आनंद समेत भारत का डेढ़ सौ ग्राम प्रधान भी शामिल.

विंटर लाइन कार्निवल मां कलाकारोंन दिखै खास प्रस्तुति
मसूरी मां चन्नू विंटर लाइन कार्निवलै कार्यक्रम की मचि धूम, देश-विदेश बटिं लोग पौंछ्या छन मसूरी, उत्तराखंडै संस्कृति और खानपान तै देश-विदेश मां पौंछाणें कार्निवल करौंण कू मकसद.