कोरोना क रफ्तार ह्वाणी तेज: उत्तराखंड मा कोरोना संक्रमण क रफ्तार फिर तेजी दिखाण लगीं च. बीता 24 घंटा क भितर 108 नया कोरोना मरीज मीली छन. यन मा प्रदेश मा एक्टिव केसों क संख्या अबी 606 ह्वाई च जबकि क्वी बी कोरोना मरीज की मौत नी ह्वाई च. वखी, 201 मरीजों ठीक ह्वै ग्येन.
सीएम दगड़ी मीलिन UKSSSC चयनित अभ्यर्थी:उत्तराखंड अधीनस्थ सेवा चयन आयोग क ग्रेजुएट लेवल की परीक्षा मा चयनित हुयां कुछ अभ्यर्थियों न उत्तराखंड सचिवालय मा मंगलवार कु मुख्यमंत्री पुष्कर सिंह धामी दगड़ी मुलाकात कौरी अर इंसाफ की मांग उठाई. मुख्यमंत्री धामी न अभ्यर्थियों तैं भरोसा दिलै च कि ज्यैन भी पूरा ईमानदारी क साथ परीक्षा पास कौरी च, ऊं तैं निराश नी किये जालु. येका दगड़ी सीएम न बोली कि भर्ती घोटालों मा क्वी भी दोषी तैं नी बख्शे जालु.
दिनभरै खास खबर, एक नजर मा. कांग्रेस कन्नी हल्लो-बोल की तैयारी: बढ़ती महंगाई, बेरोजगारी अर भ्रष्टाचार क खिलाफ आणु वाल 4 सितंबर तैं कांग्रेस दिल्ली मा केंद्र सरकार क खिलाफ हल्लाबोल रैली करली. रैली तैं सफल बनाण की रणनीति कु लेकी मंगलवार कु हल्द्वानी स्वराज आश्रम मा कांग्रेस क बैठक ह्वाई. बैठक मा प्रदेश अध्यक्ष करण माहरा, नेता प्रतिपक्ष यशपाल आर्य, हल्द्वानी विधायक सुमित हृदयेश अर कुमाऊं मंडल क पदाधिकारी मौजूद रयां. ये मौका पन करण माहरा न बोली कि उत्तराखंड बिटीं लगभग 10 से 15 हजार कार्यकर्ता ये रैली मा शामिल होला.
क्षैतिज आरक्षण क खिलाफ याचिका पन सुनवै: उत्तराखंड लोक सेवा आयोग की परीक्षाओं मा प्रदेश की महिलाओं तैं 30 प्रतिशत क्षैतिज आरक्षण दिए जाण क खिलाफ अन्य राज्यों की महिलाओं बिटीं दायर याचिकाओं पन नैनीताल हाईकोर्ट न सुनवै कौरी. मुख्य न्यायाधीश की अध्यक्षता वाल खंडपीठ न सबी महिलाओं तैं परीक्षा मा बैठन की अनुमति दे देई. कोर्ट ने लोक सेवा आयोग कु दोबारा मेरिट लिस्ट जारी कन कु निर्देश बी देई छन.
अंकिता हत्याकांड कु लेकी संतों मा भारी रोष: झारखंड क दुमका मा ह्वाई अंकिता हत्याकांड मामला मा हरिद्वार क साधु-संत बड़ा गुस्सा मा छन. जूना अखाड़े क महामंडलेश्वर स्वामी यति नरसिंहानंद गिरि न बड़ू बात बोली च. ऊ न बोली कि अगर क्वी लड़की जिहादियों कु मना करदी त ऊं का हाल अंकिता तोमर अर निकिता जैसा कर देई जांदू. गिरि ने बोली कि ऊं तैं नी लगदू कि आज हिंदू समाज अपणि बेटियों क रक्षा कन लायक बच्यूं च. कुछ झूठा नेता अर कायर धर्मगुरुओं क कारण हिंदू समाज की ई हालात ह्वाई च.
धर्मनगरी मा गैंगरेप:हरिद्वार मा दिल्ली की एक युवती दगड़ी सामूहिक दुष्कर्म कन कु मामला समणि आई च. लड़की कु आरोप च कि 28 अगस्त क शाम बॉस अनिल ठाकुर अर वैका पार्टनर राहुल उर्फ आसिफ न होटल क कमरा मा लड़की दगड़ी कई बार गैंगरेप कौरी. ये से पैली लड़की तैं शराब अर खाणा मा नशा मिलै कन देई ग्याई ताकि वो बहोश ह्वै जा. युवती न रानीपुर कोतवाली मा तहरीर देई जैका बाद पुलिस न दोनों आरोपियों तैं गिरफ्तार कौरी च. पीड़िता का मेडिकल मा गैंगरेप की पुष्टि ह्वाई च.
देवभूमि मा बढ़ी महिला अपराध: नेशनल क्राइम रिकॉर्ड ब्यूरो यानी एनसीआरबी क ताजा जारी आंकड़ों क अनुसार साल 2020 क मुकाबला मा साल 2021 मा महिलाओं कु खिलाफ अपराध क 585 ज्यादा मामला दर्ज ह्वाई छन. ये आंकड़ा प्रदेश मा महिलाओं क स्थिति कु लेकी बड़ी चिंता क विषय च. ये का दगड़ी घरेलू हिंसा अर दहेज उत्पीड़न क मामला भी बढ़ी छन.
रुद्रपुर मा ह्वाई जहरीली गैस क रिसाव: रुद्रपुर क ट्रांजिट कैंप थाना क्षेत्र क आजाद नगर मा जहरीली गैस कु रिसाव होण से कई लोग बेहोश ह्वै गेन. घटनास्थल पर सूचना पाकर एसडीआरएफ अर जिला प्रशासन की टीम मौका पन पौंची अर लोगों तैं सुरक्षित स्थान पर पौंचाई. जहरीली गैस क प्रभाव से 32 लोग बेहोश ह्वैन. एसडीएम किच्छा कौस्तुभ मिश्रा, सीओ आशीष भारद्वाज, ऊं का गनर भुवन चंद्र अर चालक गणेश सत्याल भी जहरीली गैस से प्रभावित ह्वाइन. बतै जाण च कि कबाड़ी की दुकान पन रख्यूं सिलेंडर बिटीं अचानक जहरीली गैस लीक ह्वाई. सभी लोग अब ठीक छन.
पौड़ी मा अज्ञात बीमारी: पौड़ी जिले क पैठाणी क टीला गांव मा पिछले एक हफ्ते बिटीं करीब 100 से अधिक ग्रामीण अज्ञात बीमारी से ग्रसित छन. ग्रामीणों तैं तेज बुखार, सीना मा दर्द, उल्टी, हाथ पैर क जोड़ों मा दर्द अर चक्कर आणा छन. ये बीमारी मा पीड़ित अपणा पैरों पन खड़ा नी ह्वै पाणा छन. वखी, 25 से अधिक स्कूली छात्र-छात्राएं भी ये बीमारी की चपेट मा छन. वखी, बीमारी की सूचना मिलण कु बाद स्वास्थ्य मंत्री धन सिंह रावत न मुख्य स्वास्थ्य अधिकारी पौड़ी तैं तत्काल डॉक्टरों कु टीम टीला गांव मा उपचार कु भेजण क निर्देश देई.
जेसीओ धर्मेंद्र गंगवार क अंतिम संस्कार: नैनीताल क लालकुआं नगर वार्ड नंबर 2 गांधी नगर निवासी भारतीय एयरफोर्स मा तैनात जेसीओ धर्मेंद्र गंगवार कु पार्थिव शरीर आज ऊं का आवास पन लाई ग्यै. ई दौरान हजारों लोगूं न जवान क आखिरी दर्शन कौरीन. ये का बाद सैन्य सम्मान क दगड़ी ऊं का अंतिम संस्कार कौरी ग्याई. बतैं द्यां कि 27 अगस्त तैं लेह मा जेसीओ धर्मेंद्र गंगवार क ड्यूटी क दौरान हृदय गति रुकण से निधन ह्वै ग्याई छै.
बागेश्वर मा बड़ू साइबर क्राइम:एसबीआई बैंक क कस्मटर केयर अधिकारी बनी कन लोगों क खातों बिटीं रकम निकालण वाल जामताड़ा झारखंड निवासी आरोपी सरफराज अंसारी तैं पुलिस न पुणे बिटीं गिरफ्तार कौरी च. ये आरोपी एनीडेस्क मोबाइल एप्लीकेशन डाउनलोड करै कन लोगों तैं झांसा देतू छै. बागेश्वर क भिलकोट निवासी नवीन चंद्र जोशी की शिकायत पन पुलिस ने कार्रवाई कौरी. न्यायालय के आदेश क बाद आरोपी तैं अल्मोड़ा जेल भेज देई ग्यै च. आरोपी न पीड़ित क एसबीआई खाता बिटी ₹5 लाख से ज्यादा का रकम निकाली छै.
