अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

राष्ट्रीय किसान मजदूर संगठन का नेता वीएम सिंह का ऐलान का बाद संघ न किसान आंदोलन बटि अपणां हाथ वापस लेलिन. वीएम सिंह न बोली कि वू ऊं लौखुं का साथ विरोध नि कर सकदां जू आंदोलने दिशा कखि और ही ले जां. ऊं दिल्ली हिंसा की भी निंदा करी.

आज सीएम त्रिवेंद्र सिंह रावत न किसान ट्रैक्टर परेड मा ह्वे हिंसा पर बयान दे. ऊं बोली कि यू आंदोलन कांग्रेस कु आंदोलन छो. किसान यन हिंसा नि कर सकदिन. साथ ही ऊं येमा पाकिस्तान कु हाथ होंणो भी बात बोली.

दिल्ली मा ट्रैक्टर परेड का दौरान किसानों कु उग्र आंदोलन पर कांग्रेस न सीएम त्रिवेंद्र पर निशाना साधी. पार्टी का प्रदेश महामंत्री नवीन जोशी न बोली कि सीएम बोलणां छिन कि येमा कांग्रेसे साजिश छे. जबकि सब्यूं ते पता च येमा भाजपा की मिलीभगत समणिं ऐ गी.

दिल्ली मा ट्रैक्टर परेड का दौरान ह्वे हिंसा का बाद उत्तराखंड मा भी पुलिस विभाग अलर्ट मोड पर च. डीजीपी अशोक कुमार का आदेश पर यूपी और दिल्ली की सीमों पर उत्तराखंड पुलिस मुस्तैद च.

हरिद्वार मा होंण वला महाकुंभ पर पूर्व सीएम हरीश रावत न सरकार पर निशाना साधी. बोली कि डबल इंजने सरकार पर ऊंते उम्मीद छे कि कुंभ कार्यों पर सरकार ध्यान देली. लेकिन विकास कार्य देखीकी मेते यन आभास नि ह्वे.

रामनगर मा 50 साल कु पीपल कु पेड़ कु ट्रांसप्लांटे तैयारी च. डीएफओ हिमांशु बागड़ी न बते कि पेड़ ते काटणें बजाय कखि और स्थापित किये जालु. ये खुंण दिल्ली बटि एक स्पेशल टीम आली और येपर काम करली.

देहरादूने वेस्ट वॉरियर संस्था न एक नजीर पेश करीकी टेट्रा पैक बटि एक बेंच तैयार करी. जू आज गांधी पार्क मा स्थापित ह्वे. मौका पर पौंछिन नगर निगम मेयर सुनील उनियाल गामा न संस्थे कामे तारीफ करी.