अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

बीजेपी प्रदेश अध्यक्ष बंशीधर भगत आज अल्मोड़ा पहुंची. अल्मोड़ा मा कांग्रेस कार्यकर्ताऊंन भगत थें काला झंडा दिखैन. कांग्रेस पार्टी लोगूंकि पुलिस दगड़ि धक्का-मुक्की भी ह्वेई. कांग्रेस कार्यकर्ता इंदिरा हृदयेश पर बंशीधरै टिप्पणी से नाराज छा.

उत्तराखंड मा भी बर्ड फ्लू डौर बैठि गेनि. ये वजह से मीट और अंडूं कारोबार पर मुश्किल ऐगेनि. हालांकि अभि सरकारैन बर्ड फ्लू घोषणा नि कैरि. फिर भी कई जगूं बटि कौवूं मरणैं खबर आणिचा. ये कारण लोग मीट और अंडा खाण से बचण लगणा.

अखिल भारतीय अखाड़ा परिषदा अध्यक्ष महंत नरेंद्र गिरि कुंभा काम से खुश निछा. उनून बोलि जति तेज गति से कुंभा काम हूण चैणछि, वति तेजी से नि हूणाछा. नरेंद्र गिरिन यू भी बोलि कि कुंभा काम मा ढिलाई हूणिछा. महंतन ट्रेन एक्सीडेंट में मारि गई 4 लोखूं प्रति दुख भी जताइन.

पिथौरागढ़ का सुनखोली गौं मा एक नौनै लट्ठून पीटके हत्या कर दिनि. पुलिसन ये केस मा तीन नौनू गिरफ्तार भी करि ऐलि. हत्या आरोप मा गिरफ्तार नौनू कोर्ट में पेश करि. कोर्टन तीनूणि जेल भेज आलि.

जिम कॉर्बेट नेशनल पार्क रामनगर बटि दूसर बाघ भी राजाजी टाइगर रिजर्व पहुंचैलि. यू बाघ शुक्रवार शाम ट्रेंकुलाइज करि छौ. यू बाघ सड़क मार्ग बटि विशेषज्ञोंकि निगरानि मा राजाजी टाइगर रिजर्व पहुंची. अब एक बाड़ा मा पार्क निदेशक और विभागा कर्मचारी बाघा हरकतूं पर नजर रखला.

चोपता मा इन दिनूं बिजां ह्यूं पड़ि छा. मिनी स्विटजरलैंड नाम से प्रसिद्ध चोपता सुंदरता ह्यून बड़ैलि. दूर-दूर बटि पर्यटक ह्यूं देखणि आणा छा. पर्यटकूं आण से चोपता व्यापारी लोग भौत खुश दिखणा छा.

उत्तराखंडा बौणू मा ये बार फायर सीजन से पहले ई आग लगणि छा. आग से जंगलूं भौत नुकसान पहुंचणि छा. वन मंत्री हरक सिंह रातन बोलि कि अब पूरा साल फायर सीजना लिए पैसूं जरूरत पड़लि. उनून बोलि कि ये लिए केंद्र सरकार दगड़ि बात करला.

झूठा प्रमाण पत्रूं सहारे नौकरी करण वाल द्वि गुरुजी पर मुकदमा दर्ज ह्वेई. एसआईटी जांच मा द्विनूकै प्रमाण पत्र झूठा निकला. ये बाद शिक्षा विभागन भी द्विकै मुन्ना भाई गुरुजी थै बर्खास्त करि ऐलि.