निर्भया कू दोषी अक्षये पिटीशन सुप्रीम कोर्टन करि खारिज
निर्भया केसम दोषी अक्षय की क्यूरेटिव पिटीशन सुप्रीम कोर्टन करि खारिज, उधर मुकेशे याचिका भी खारिज, दोषी विनयन राष्ट्रपति ते भेजी दया याचिका. चारों ते एक फरवरी मा होली फांसी.
जामिया मा एक नौनन 30 सेकेंड तक करि फायरिंग, गिरफ्तार
दिल्ली का जामिया इलाका मा विरोध प्रदर्शन का बीच ह्वे अजीब वाकया, गोपाल नाम का एक नौना देसी तमंचा लेकी पौंछि जामिया परिसर, हवा मा करि फायरिंग, एक प्रदर्शनकारी ह्वे घायल, पुलिसन आरोपी नौना ते करि गिरफ्तार. पूछताछ जारी.
कोरोना वायरल से चीन मा अब तक 170 लोखूं मौत
चीन मा कोरोना वायरल से अब तक 170 लोखूं मौत, 7 हजार 711 लोगूं पर एन कोरोना वायरसे सिमटम्स.
एम्स मा कोरोना वायरल खुंण अलग वार्ड तैयार
ऋषिकेश एम्सन कोरोना वायरल खुंण तैयार करि अलग वार्ड, बचाव और लक्षणों खुंण चले जालू जन-जागरण अभियान.
आम बजट से लोखूं ते बिजां उम्मीद
केंद्रीय वित्त मंत्री निर्मला सीतारमण 1 फरवरी मा पेश कल्ली आम बजट, बजट से मेहलों ते खासा उम्मीद, मंहगाई पर लगाम लगौणें करि अपील.
कैबिनेट बैठक मा 16 प्रस्तावों पर लगी मुहर
आज सचिवालय मा ह्वे प्रदेश मंत्रिमंडले बैठक, कैबिनेट बैठक मा 16 प्रस्तावों पर लगी मुहर, परिवहन विभागे प्राविधिक सेवों ते भर्ती मा अधिकतम आयु 35 से बढ़ाकर 42 साल करि.
बुचड़खाना खोन्न और बंद कन्ना अधिकार सरकार का पास
उत्तराखंड सचिवालय मा कैबिनेट का महत्वपूर्ण फैसला, सरकारन अपणां हाथ मा लेयी बुचड़खाना ते खोन्न और बंद कन्ना अधिकार.
खनन नियमावली मा संशोधन
खनन नियमावली मा संशोधन का बाद नदियों पर सिर्फ तीन मीटर तक होली खुदे, महाकुंभ 2021 ते 31 अतिरिक्त पदों की घोषणा.
अगला तीन दिन बंद रेला बैंक
अगला तीन दिन बंद रेला बैंक, बैंक यूनियन कू ऐलान- 31 जनवरी और एक फरवरी ते देशव्यापी बैंक हड़ताल.
उत्तराखंड मा बैंके कारोबार पर होलू बडू असर
देशा मा सभी बैंक यूनियने हड़ताल से उत्तराखंड मा बैंके कारोबार पर होलू बड़ू असर, 12 सूत्रीय मांग खुंण च देशव्यापी हड़ताल, भोल बटिं अगला तीन दिन बंद रेला बैंक.
वैश्य अस्पताल मा आयकर विभागे छापेमारी
देहरादून का चर्चित वैश्य नर्सिंग होम मा आयकर विभागे छापेमारी, 13 लोगूं की टीमन अस्पताल मा खंगाली दस्तावेज, टीम ते अस्पतालम इनकम टैक्से बड़ा हेराफेरी की आशंका.
स्नो लैपर्ड संरक्षण खुंण वन विभागे कवायद तेज
पहाड़ी प्रदेश उत्तराखंड का उच्च हिमालयी क्षेत्रों मा कभी-कभी दिखंण वला स्नो लैपर्ड संरक्षण खुंण वन विभागन शुरू करि कसरत, विभाग ते उम्मीद कि अगर सबकुछ ठीक रोलू त खोली जालू कंजरवेशन सेंटर.
लापता जवाने बरामदगी खुंण शुरू ह्वे प्रदर्शन
लापता सैनिक राजेंद्र सिंहे तलाश खुंण देहरादून मा शुरू ह्वे प्रदर्शन, गैरसेंण राजधानी निर्माण अभियान का कार्यकर्तोंन धरना स्थल पर करि प्रदर्शन, लापता जवाने जल्द बरामदगी मांग. बते दें कि राजेंद्र बीता 8 जनवरी रात बटि भारत-पाक सीमा बटि च लापता.
पेट्रोल भरि ट्रक का ब्रेक ह्वयां फेल, बडू हादसा टली
गुरुवार दोपहर बडू हादसा टली, मसूरी-देहरादून लाइब्रेरी रोड पर 12 हज़ार लीटर पेट्रोल और डीजल से भर्यूं टैंकरा ब्रेक फेल होंण से मचि हड़कंप, ट्रकन सबसे पेली सड़क किनारा खड़ी जीप ते मारी टक्कर फिर पहाड़ी मा घुसी.
भरत सिंह रावत चुणें गिन बार एसोसिएशना अध्यक्ष
चमोली जिला मा संपन्न ह्वयां बार एसोसिएशना चुनाव, भरत सिंह रावत चुणें गिन अध्यक्ष
ठंडे कारण मजदूरे मौत
अल्मोड़ा मा ठंडे कारण मजदूरे मौत, सड़क पर मर्यूं मिलि, पुलिसन शव ते पोस्टमार्टम ते भेजी.
आज मणे गे शहीद दिवस
खटीमा मा आज मणे गे शहीद दिवस, सरकारी दफ्तरूं मा स्वतंत्रता संग्राम का अमर शहीदों ते केरि गे याद.
गढ़वाली गानों पर नचदा दिखिन वन मंत्री हरक सिंह
कुटदर मा कण्वाश्रम महोत्सव का दौरान गढ़वाली गानों पर नचदा दिखिन वन मंत्री हरक सिंह रावत, डांस कू वीडियो सोशल मीडिया पर ह्वे वायरल.
दिन-दहाड़े घौर मा घुसि गुलदार
अल्मोड़ा मा भरी दुपहर एक घौर मा घुसि गुलदार, लोखूं गुलदार ते कमरा मा करि बंद, मौका पर पहुंची वन विभागे टीमन गुलदार ते करि रेस्क्यू, लोगूं ले चेने सांस.
पॉलिथीन कू प्रयोग, प्रशासन नि क्वी खबर
ग्राम पंचायत बाढ़वाला का एनफील्ड ग्रांट मा लगंण वला पीठ बाजारूंम होंणू च पॉलिथीन कू प्रयोग, दुकानदार लोग कन्ना छन प्रशासन आदेशे अवहेलना.
बर्फबारी का बाद मौसम व्हे खुशनुमा
नैनीताल मा बिजां बर्फबारी का बाद मौसम व्हे खुशनुमा, पर्यटकूंन उठे बर्फबारी कू लुत्फ.
