अपणुं उत्तराखंडः दिनभरै 10 खास खबर, एक नजर मां

दिनभरै खास खबर, एक नजर मां

गणतंत्र दिवस परेड मां उत्तराखंडे झांकी ते नि मिली जगह
इं साल 26 जनवरी यानि गणतंत्र दिवस परेड मां उत्तराखंडे झांकी ते नि मिली जगह, उत्तराखंड का अलावा पश्चिमी बंगाल, महाराष्ट्र और केरल राज्यूं की भी नि दिखेली झांकी.

जयराम ठाकुर कू सीएए कू लेकर बयान
देहरादून पौंछ्या हिमाचल प्रदेश सीएम जयराम ठाकुरन नागरिकता संशोधन कानून ते लेकर दिनी बयान, बोली- पीएम मोदी सरकार बन्ना बाद देशे प्रति लौखूं का नजरियां मां अंयू फर्क.

मंत्री और द्वी विधायकूं का गाड़ी मां गिरी बोल्डर
रुद्रप्रयाग पौंछ्या उच्च शिक्षा मंत्री धन सिंह रावत और द्वी विधायक भरत चौधरी और मनोज रावते गाड़ी मां गिरी बोल्डर, बाल-बाल बच्यां सभी लोग.

मदन कौशिकन ली समीक्षा बैठक
मंत्री मदन कौशिकन लिनी नैनीताल जिला का समीक्षा बैठक, बतै कि जिला योजना मां आवंटिक ह्वे छौ 42 करोड़ 27 लाख रुपए, अब तक 61 फीसदी खर्च, बच्यि योजनाओं पर भी जारी च काम.

ब्लॉक अध्यक्ष का चुनाव रद्द
खंड विकास कार्यालय पौड़ी मां आज होंण वला ब्लॉक अध्यक्ष पद का चुनाव ह्वयां रद्द, ग्राम प्रधानूं बोली- ऊंते नि छै चुनाव संबंधी क्वी सूचना.

लोक कलाकारूं ते मिलेलू द्वी गुना मानदेय
लंबा समय बटिं मानदेय की मांग कन्न वला लोक कलाकारूं ते उत्तराखंड सरकारन दिनी तोहफा, मिलेलू द्वी गुना मानदेय, संस्कृति विभागन जारी करि शासनादेश.

भाईचारा का मिसाल बनी ढंढेरा गौं
नागरिकता संशोधन कानून का चलदा देशभर मां चन्न वला दंगा का बीच शिक्षानगरी रुड़की का ढंढेरा का गौं वलूं पेश करि भाईचारा का मिसाल, यख मंदिर और मस्जिद का अमना समना होंणा बाद भी कायम च आपसी प्रेम.

हारुल गीत गौंण वला अरविंद राणा दगड़ी खास बातचीत
बांको जौनसार हारूल गौंण वला युवा लोक गायक अरविंद राणान ईटीवी भारत दगड़ी करि खास बातचीत, बोली- सोशल मीडिया पर मिन्नू च लौंखू प्यार.

कर्नाटक बटिं ओलू बदरी-केदार मंदिर कू चंदन
बदरी केदार ते कर्नाटक का सिमोगा मां बणीं चंदन वाटिका, 4 एकड़ का भूमि पर लगिन 2400 चंदना पौधा, बदरीश धीरूभाई अंबानी होलू नाम.

दून की द्वी नौनियूं जीती भारतीय विज्ञान कांग्रेस पुरस्कार
बैंगलुरू मां आयोजित देहरादून का द्वी नौनी पूजा ताप्ति और जीनतन जीती भारतीय विज्ञान कांग्रेस पुरस्कार, देशभर का 10 विद्यार्थियूं तै मिली सम्मान.