महाराष्ट्र मां कांग्रेस-शिवसेना साथ-साथ?
महाराष्ट्र बटिं बड़ी खबर, कांग्रेसन शिवसेना दगड़ी गठबंधन कू लेकर भरि हामी, सीपीडब्ल्यूसी की चली लंबी बैठक, शुक्रवार तक ह्वे सकदू बड़ू ऐलान
एक नजर मां देखा, प्रदेशभरै 10 बड़ी खबर.
कांग्रेस कू लोकसभा मां वॉक आउट
लोकसभा कार्रवाई का दौरान कांग्रेस नेता मनीष तिवारीन उठै इलैक्ट्रोरल बॉंन्ड कू मुद्दा, बोली- आरबीआई और चुनाव आयोगका विरोधा बाद भी केंद्र सरकारन जारी करिन इलैक्ट्रोरल बॉन्ड.
प्रदेश मां निकायों थै मिली विकास बजट जारी
प्रदेश का निकायों मा विकासा खातिर सरकारन जारी करि बजट, अनुदानै की पैली किश्तम जारी कारिन 93.54 करोड़ रुपया.
भौल होलु मतदान, पोलिंग पार्टियां ह्वे रवाना
रुड़की नगर निगम चुनाव मा भौलु हुण वला मतदाना का वास्ता पोलिंग पार्टियां ह्वे रवाना. 40 वार्डों का मतदाता करला प्रत्याशियों कु भाग्य का फैसला, शांतिपूर्ण मतदान करौणा खातिर भारी पुलिस बल तैनात, 22 तारिख मा होली मतगणना.
बाबा रामदेव का खिलाफ थाना मां तहरीर
दलित समाजक का लोगुम योग गुरु बाबा रामदेव का दियां बयान थै लेकि आक्रोश, एक टीवी चैनल थै दिया इंटरव्यू मां बाबा भीमराव अंबेडकर पर कैछा टिप्पणी, हरिद्वार कोतवाली मां बाबा रामदेव खिलाफ दर्ज करै एफआईआर.
हरदा कु साध्वी पर निशाना
भाजपा सांसद साध्वी प्रज्ञा तै भारतीय सुरक्षा समिति कू सदस्य बणौंणा बाद हरीश रावतन ले चुटकी, पिथौरागढ़ पौंछ्या हरदां बोली- साध्वी तै दूर बटि नमस्कार बौन्नू ही ठीक च.
6000 उद्योगों पर छाई सकंट
उत्तराखंड मां 6000 उद्योगों पर बंद हुणु कू खतरा, अवैध रुप से भूजल दोहन का आरोप मां एनजीटी कै सकदी कार्रवाई.
जॉलीग्रांट एयरपोर्ट कु नजारा रे खास
जॉलीग्रांट एयरपोर्ट का विस्तारीकरण कार्य मा तेजी से हुणु काम, अब नै बड़या एप्रेन ताल खड़ा हुवे सकदिंन 20 विमान, आज सुबर एयरपोर्ट कु नजार रे खास, दिल्ली बटि पहुंची फ्लाइट थै वाटर कैनन सै दिये ग्या सलामी.
डंपरा चपेट मां ओंण से युवके मौत
काशीपुर मां एक बेकाबू डंपरा चपेट मां औंण से एक की मौत, परिजनोंन डेडबॉडी सड़क मां राखी दै धरना, बमुश्किल पुलिस टीमन लोखुं तै कराई शांत.
मद्महेश्वर धामक कपाट बंद
द्वितीय केदारका रूपम विश्व विख्यात मद्महेश्वर धाम का कपाट विधिविधान से किये गिन बंद, भगवान मद्महेश्वर की चल विग्रह उत्सव डोली अपणा शीतकालीन गद्दीस्थल ओंकारेश्वर मंदिर खुण ह्वे रवाना. 22 तारिख मा चल विग्रह उत्सव डोली पहुंचल ऊखीमठ.
