पीएम मोदी से मिलन एनसीपी प्रमुख शरद पवार
आज नई दिल्ली मा किसानु कि समस्याओं थै लेकर एनसीपी प्रमुख शरद पवारन पीएम मोदी दगणि कारि मुलाकात, ई बैठकम वित्तमंत्री निर्मला सीतारमण भि रैनि मौजूद.
एक नजर मां देखा, प्रदेशभरै 10 बड़ी खबर. कश्मीर मा हालात सामान्य: गृहमंत्री
संसद म जम्मू-कश्मीर थै लेकर गृहमंत्री अमित शाहन दै बयान, बोली- जम्मू-कश्मीर मा काबूम छिन हालात, सभी सरकारी कार्यालयों मा हुणु च काम, स्कूलों मा भि पठन-पाठन और परीक्षा सामान्य रूप से जारी.
जेएनयू छात्रौन पुलिस मुख्यालय मा कारि प्रदर्शन
फीस बढ़ोत्तरी खिलाफ सड़कों फर उतरया जेएनयू छात्रों फर दिल्ली पुलिसक लाठीचार्ज की कार्रवाई कु विरोध तेज, जेएनयू का दिव्यांग छात्रोंन आरटीओ स्थित पुलिस मुख्यालय मा कारि प्रदर्शन.
कण्वनगरी मा मुस्लिम योग साधना शिविर कु आगाज
कोटद्वारक कण्वाश्रम मा विश्व कु पैलि मुस्लिम योग साधना शिविर कु मुख्यंत्री त्रिवेंद्र सिंह रावतन कारि उद्घाटन, पांच दिवसीय ये योग शिविरम विभिन्न देशों अयां करीब 300 से अधिक लोग कना छिन प्रतिभाग, ये मौका फर मुख्यमंत्री न कण्वाश्रम मां चक्रवती सम्राट भरत कु स्मारक भि कारि उद्घाटन.
साख पर लगि मदन कौशिक कि प्रतिष्ठा
रुड़की नगर निगम चुनौ खुण बीजेपी और कांग्रेस नेताओं न झोंकी पूरी ताकत, 22 नवंबर का दिन होलु मतदान, ये चुनौ मा साख पर लगि कैबिनेट मंत्री मदन कौशिकक प्रतिष्ठा
देहरादून
अलग रंगमा दिखन सेना प्रमुख
ईटीवी थै मिलि थल सेना अध्यक्ष जनरल विपिन रावत कु गोरखाली गाणा मा डांसकु वीडियो, लखनऊ मा आयोजित गोरखा रजिमेंटका एक कार्यक्रम मा पौछयां छायी सेनाध्यक्ष, कार्यक्रम मा अलग ही अंदाजम दिखिन जनरल रावत, पौड़ी गढ़वाल से च जनरल रावत कु नाता
पौड़ी
पौड़ी बस अड्डा थै मिली संजीवनी
बजट कु अभाव मा बंडि सालों बटि लंबित पणयां निर्माणाधीन पौड़ी बस अड्डा थै मिली संजीवनी, अब नगर पालिका अपण ही बजटल कारलि बस अड्डा कु निर्माण, पालिका अध्यक्ष यशपाल बेनामन दे जानकारी
खटीमा
थाना इंचार्ज पर लगि मारपीट कु आरोप
नगराक थाना झनकईया मा सिपहे दगणि मारपीट कु मामला ऐ समणि, थाना इंचार्ज पर लग्यु मारपीट कु आरोप, पीड़ित सिपहे की शिकायत फर एसपी सिटी पींचा ने दैनि मामले कि जांच का आदेश
गदरपुर
ऊर्जा निगमक विजिलेंस टीम की छापेमारी
दिनेशपुर क्षेत्र मा ऊर्जा निगमक विजिलेंस टीम की अचानक छापेमारी सै मचि हड़कंप, दुवि दर्जन से अधिक बिजली चोरी का मामला गैनि पकड़ी, आरोपियों पर दर्ज किये ग्या मुकदमा
टिहरी
26 नवंबर दिन होलु सेम नागराजा मेला कु आगाज
प्रतापनगर क्षेत्र का उपली रमोली मां स्थित प्रसिद्ध सेम नागराजा मंदिर मा 26 और 27 नवंबर मा होलु भव्य मेला कु आयोजन, 8 किलो चांदिल बणि नागराजा की दिव्य डोली रैलि मेला मा आर्कषण, मुख्यमंत्री त्रिवेंद्र सिंह रावत भी करला मेला मा शिरकत
