देशभर मा संक्रमितों की संख्या पहुंची 59 हजार का पार
भारत मा लगातार बढ़ण लगि चा कोरोना संक्रमितों की संख्या, स्वास्थ्य एवं परिवार कल्याण मंत्रालय का आंकड़ों मुताबिक, देशभर मा 59,662 लौंखु मा संक्रमण की पुष्टि. जबकि, 17,846 लोग अस्पताल बटि डिस्चार्ज.
कोरोना संक्रमितों की पॉलिसी मा बदलाव
केंद्रीय स्वास्थ्य एवं परिवार कल्याण मंत्रालय ना कोरोना मरीजों खुण जारी करि नै पॉलिसी, नै बदलावों का तहत अब हल्का मामलों मा डिस्चार्ज से पेलि नि किये जाली टेस्टिंग, वखि मरीज मा कुई लक्षण ना दिखैण पर 10 दिनों मा दिये जालि अस्पताल से छुट्टी
गृहमंत्री अमित शाह ना ट्वीट करि अफवाहों पर लगै ब्रेक
केंद्रीय गृहमंत्री अमित शाह न अपण स्वास्थ्य थेकि लेकि अफवाहों पर लगै विराम, ट्वीट केरि सोशल मीडिया मा देई जवाब, बोली- कोरोना संकट का चलता छौ व्यस्त, अफवाह फैलाण वला अपणि काल्पनिक सोचक ले सकदिन आनंद.
पुलिस कार्यालय मा बेहड़ ना देयि सांकेतिक धरना
लॉकडाउन उल्लंघन का मामला मा पुलिस द्वारा मुकदमा दर्ज कन से नाराज पूर्व मंत्री तिलक राज बेहड़ ना पुलिस कार्यालय मा दै धरना, बोली- राजनीतिक दबाव मा ऐकि पुलिस कनि काम.
हरदा ना भी करि तिलज राज बेहड़ कू समर्थन
तिलकराज बेहड़ पर मुकदमा दर्ज हुण से कांग्रेसियों मा रोष है, जगह-जगह कांग्रेस नेता बेहड़ का समर्थन मा दिणा छिन धरना, वखि पूर्व मुख्यमंत्री हरीश रावतन भी दिल्ली स्थित अपणा आवास मा दै सांकेतिक धरना.