राज्य कर्मचारियों थै दिवाली से पेलि धामी सरकार कू तोहफा:दिवाली से पेली उत्तराखंड की धामी सरकार ना राज्य कर्मचारियों थै द्याई बड़ू तोहफा, मुख्यमंत्री ना दिवाली पर कर्मचारियों थै बोनस का अलावा महंगाई भत्ता दिणा कू करि ऐलान, वखि राज्य के करीब डेढ़ लाख कर्मचारियों थै दिवाली मा दिये जालु बोनस. हालांकि, अभी सरकार मा महंगाई भत्ता थै लेकि कुई आदेश नि करि जारी.
कांग्रेसियों ना दुष्यंत गौतम कू फूंकी पुतला:बीजेपी का राष्ट्रीय महामंत्री दुष्यंत गौतम का बयान से कांग्रेसियों मा उबाल, बयानबाजी का विरोध मा कांग्रेसियों ना आज सड़की पर उतरिकी फूंकी दुष्यंत गौतम कू पुतला और जमकर करि नारेबाजी, बोली- दुष्यंत गौतम ना नारी शक्ति कू करि अपमान, वखि कांग्रेसियों ना बयान थै लेकि दुष्यंत गौतम से माफी मंगणा की करि मांग.
अपणुं उत्तराखंडः दिनभरै खास खबर, एक नजर मा अंकिता हत्याकांड की हाईकोर्ट मा सुनवै:बहुचर्चित अंकिता भंडारी हत्याकांड मामला की हाईकोर्ट ना करि सुनवै, जैका बाद ये मामला मा हाईकोर्ट ना एसआईटी से केस डायरी और स्टेट्स रिपोर्ट पेश कना का देनि आदेश. अब 3 नवंबर का दिन ये मामला मा होली सुनवै, अंकिता हत्याकांड की सीबीआई जांच की मांग कनु च विपक्ष.
पीएम मोदी का दौरा से पेलि केदारनाथ मा बर्फबारी:पीएम मोदी का दौरा से पेलि केदारनाथ धाम मा बर्फबारी हुणि च, वखि बर्फबारी का बावजूद भी बाबा केदार का दर्शनों खुण बड़ी तादाद मा श्रद्धालु पौंचणा छिन, बर्फबारी हुण से केदारनाथ मा तापमान मा भारी गिरावट महसूस किये जाणी च, हालांकि, केदारनाथ पौंचया यात्री ये ताजा बर्फबारी कू जमकर लुत्फ उठाना छिन.
त्योहार का चलदा सभी ट्रेनें फुल:दिवाली और छठ पूजा का चलदा देहरादून से चन वलि सभी ट्रेनें फुल, त्योहार का चलदा बाहरी राज्यों मा नौकरीपेशा लोग कना छि घौर कू रुख, यन मा देहरादून से चलण वाली उपासना, उज्जैनी और लिंक एक्सप्रेस समेत कई ट्रेनों मा बुकिंग फुल, त्योहार मा चन वलि स्पेशल ट्रेनों मा 100 से ज्यादा की वेटिंग.
बहादराबाद थाना मा कांग्रेस विधायक अनुपमा रावत ना दे धरना:हरिद्वार पंचायत चुनौ का दौरान बहादराबाद मा मतगणना केंद्र पर पत्थरबाजी का खिलाफ पुलिस कार्रवाई कू कांग्रेसियों ना करि विरोध, बहादराबाद थाना मा कार्यकर्ताओं का दगणि धरना पर बैठी कांग्रेस विधायक अनुपमा रावत और बोली- बीजेपी का दबाव मा कांग्रेस कार्यकर्ताओं पर पुलिस न दर्ज करि मुकदमा, अनुपमा रावत ना पुलिस से मुकदमा वापस लिणा की करि मांग.
पुलिस ना मुठभेड़ मामला कू करि खुलासा:हरिद्वार एसएसपी ना लक्सर कोतवाली क्षेत्र मा बदमाशों और पुलिस का बीच हुई मुठभेड़ मामला कू करि खुलासा, वखि मुठभेड़ मा शामिल द्वि बदमाशों थै पुलिस ना करि गिरफ्तार, लूट की वारदात थै अंजाम दिणा खुण लक्सर पौंच्या छाई बदमाश, वैसे पेलि ही पुलिस और बदमाशों का बीच ह्वे ग्ये छाई मुठभेड़.
शराब का ठेका का भैर द्वि पक्षों मा मारपीट:सिडकुल थाना क्षेत्र मा शराब का ठेका का भैर द्वि पक्षों मा जमकर ह्वे मारपीट, वीडियो मा एक दूसरा पर खूब लात और घूसा चलदां दिखेणा छिन युवक, वीडियो समणि आणा का बाद पुलिस ना ये मामला कू ल्याई संज्ञान, द्वि पक्षों का बीच झगड़ा की वजह नि ह्वाई स्पष्ट अगने की कार्रवाई जुटीं च पुलिस.
यूपी पीसीएस परीक्षा मा चंद्रकांत बगोरिया कू चयन:यूपी पीसीएस परीक्षा मा रुद्रपुर का चंद्रकांत बगोरिया कू ह्वाई चयन, यूपी पीसीएस परीक्षा मा चंद्रकांत ना हासिल करि पांचवीं रैंक, वखि चंद्रकांत की उपलब्धि पर क्षेत्रवासियों मा खुशी की लहर, बधै दिण वलों कू चंद्रकांत का घौर मा लग्यु च तांचा, चंद्रकात ना अपणा माता-पिता और शिक्षकों थै द्याई अपणी उपलब्धि कू श्रेय.
पीएम मोदी का दौरा थै लेकि तैयारियां पूरी:प्रधानमंत्री नरेंद्र मोदी का उत्तराखंड दौरे थै लेकि तैयारियां अपणा अंतिम चरण पर छिन, भोल यानि 21 अक्टूबर का दिन प्रधानमंत्री मोदी केदारनाथ और बदरीनाथ धाम का दर्शन करला, वखि पीएम मोदी का दौरा क चलदा पुलिस प्रशासन ना सुरक्षा का कयां छिन पुख्ता इंतजाम, पीएम मोदी का दौरा से उत्साहित छिन तीर्थयात्री.
