अपणुं उत्तराखंड: दिनभरै खास खबर, एक नजर मा

उत्तराखंड विधानसभा बजट सत्र का दूसरा दिन विपक्ष का नेताओं ना सरकार का मंत्रियों पर करि सवालों की बौछार, बजट सत्र का दौरान अचानक सदन मा बिगड़ी कैबिनेट मंत्री चंदन राम तबीयत, आज अल्मोड़ा दौरा पर छिन राज्यपाल गुरमीत सिंह, उत्तराखंड सरकार कू एक पत्र सोशल मीडिया मा वायरल, चारधाम आण वला यात्रियों कू किये जालु एक लाख कू इंश्योरेंस... पैढ़ा यनि दिनभरै खास खबर बस एक क्लिक मा.

1. बजट सत्र का दूसरा दिन भी विपक्ष हमलावर:उत्तराखंड विधानसभा बजट सत्र कू आज दूसरू दिन, विपक्ष का नेताओं ना सरकार का मंत्रियों पर करि सवालों की बौछार, राशन कार्ड, परिसंपत्ति बंटवारा, परिवहन और राजस्व से जुड़या मसलों पर सरकार से मांगिन जवाब, वखि मुख्यमंत्री पुष्कर सिंह धामी का विभागों मा लंबित मामलों पर पुछिन सवाल.

2. सदन मा बिगड़ी कैबिनेट मंत्री चंदनराम दास की तबीयत:बजट सत्र का दौरान अचानक सदन मा बिगड़ी कैबिनेट मंत्री चंदन राम तबीयत, आनन फानन मा कैबिनेट मंत्री थै एबुलेंस का जरिये मैक्स अस्पताल मा किये ग्या भर्ती, बुखार और सांस लिणा मा तकलीफ महसूस कना छाई चंदनराम दास, अब अस्पताल मा तबीयत मा हुणु च सुधार.

3. अल्मोड़ा दौरा पर राज्यपाल गुरमीत सिंह:आज अल्मोड़ा दौरा पर छिन राज्यपाल गुरमीत सिंह, ये मौका पर राज्यपाल ना जागेश्वर धाम और चितई मंदिर मा पूजा अर्चना करि भगवान से प्रदेश की खुशहाली की करि कामना, वखि चारधाम यात्रा खुण रिकॉर्ड संख्या मा उत्तराखंड पौंचणा श्रद्धालुओं पर राज्यपाल ना जताई खुशी. प्रदेश मा धार्मिक पर्यटन थै बढ़ावा दिये जाण पर भी राज्यपाल गुरमीत सिंह ना द्याई जोर.

4. अपर सचिव ना सोशल मीडिया मा वायरल लेटर थै बताई फर्जी:पैगंबर मोहम्मद पर विवाद टिप्पणी का बीजेपी से निष्कासित नूपूर शर्मा और बीजेपी नेता अजय गुप्ता थै जेड सुरक्षा प्रदान किये जाण थै लेकि केंद्रीय गृहमंत्री अमित शाह खुण लिखयुं उत्तराखंड सरकार कू एक पत्र सोशल मीडिया मा वायरल, अपर सचिव राधा रतूड़ी ना ये लेटर थै बताई फर्जी, वखि उत्तराखंड एसटीएफ ना ये मामला मा देहरादून साइबर थाना मा मुकदमा करि दर्ज.

5. अब चारधाम यात्रियों कू होलु इंश्योरेंस:चारधाम यात्रा खुण इबर दा रिकॉर्ड संख्या मा उत्तराखंड पौंचणा छिन श्रद्धालु, वखि पिछला सालों का मुकाबला इबर दा तीर्थयात्रियों की मौत का भी बढ़णा छिन मामला, वखि चारधाम यात्रा का दौरान तीर्थयात्रियों की मौत पर अब श्री बदरीकेदार मंदिर समिति ना ल्याई बड़ू फैसला, चारधाम आण वला यात्रियों कू किये जालु एक लाख कू इंश्योरेंस.

6. कॉर्बेट कू ढिकाला जोन पर्यटकों खुण बंद:मॉनसून सीजन का मद्देनजर आज से पर्यटकों खुण बंद किये ग्या कॉर्बेट पार्क कू ढिकाला जोन, ढिकाला जोन अंतर्गत सभी पर्यटक स्थलों पर रात्रि प्रवास पर लगी रोक, वखि मॉनसून सीजन खत्म हुणा का बाद 15 नवंबर से दुबरा पर्यटकों खुण खोल दिये जाला पार्क का गेट.

7. राजभवन कू घेराव करलि उत्तराखंड कांग्रेस:नेशनल हेराल्ड मामला मा राहुल गांधी से ईडी की पूछताछ पर कांग्रेसियों ना जताई नाराजगी, केंद्र सरकार की कार्रवाई का खिलाफ देशभर मा प्रदर्शन कना छिन कांग्रेस, वखि भोल उत्तराखंड कांग्रेस सभी जिला मुख्यालयों मा करलि प्रदर्शन, साथ ही कांग्रेसी राजभवन कू भि करला घेराव.

8. पिता का इलाजा खुण चंदा मंगणि छिन मासूम:ब्रेन हेमरेज की बीमारी से जूझणा छिन हल्द्वानी का गोपाल शर्मा, वखि सड़क पर घूम घूमकि इलाजा खुण चंदा मंगणि छिन गोपाल शर्मा की द्वि मासूम बेटियां, आयुष्मान कार्ड हुणा का बाद भि गोपाल शर्मा थै नि मिनु च योजना कू लाभ, स्वयंसेवी संस्थाओं मा सरकारी सिस्टम पर भि खड़ा करिन सवाल.

9. धूमधाम से मनै जाणु च कैंची धाम कू प्रतिष्ठा दिवस:नैनीताल मा धूमधाम से मनै जाणु च कैंची धाम कू प्रतिष्ठा दिवस, बाबा नीम करौली महाराज ना करि छाई कैंची धामी की स्थापना, मंदिर मा दर्शनों खुण भारी तादाद मा पौंचणा छिन भक्त, देश ही नि विदेशों मा भी छिन बाबा नीम करौली का भक्त, एप्पल कंपनी का फाउंडर स्टीव जॉब्स और फेसबुक का मालिक मार्क जुकरबर्ग जन बड़ी हस्तियां भी बाबा का भक्तों मा शामिल.