जोधपुर. रातानाडा थाना पुलिस अर गोदमगारा रै बीच चाली गोळी रै माय जखमी हुया लवली कंडारा री मौत का समचार मिल्या पाछै वाल्मीकि समाज रा लोगां रो मैळो शहर रा एमडीएम अस्पताल पै लाग गियो. घरआळा रो कैवणो ह कि पुलिस जोरामादी इण मामला मांय गोळी चलाई है , जीसू लवली री मौत व्हैयीगी.
पढ़ें- Gangster Lovely Encounter: उलझी गुत्थी, युवक ने वीडियो जारी कर कहा- 'लवली की गाड़ी में 4 नही 6 लोग थे'
लवली री गाड़ी माथै गोळियां रा 6 निसाण है. जदकि रातानाडा पुलिस निरीक्षक लीलाराम री गाड़ी पै एक भी गोळी कौनी लागी. जदकि बै आपरी घरकी गाड़ी सू गोदमारा कै पाछै लाग्योड़ा हा. एमडीएम सपाखाना मांय लवली रा घरआळा खियो कै सीधो गोळी मारबा सू कुणसो न्याय हुया करै. पुलिस इण मामला मांय जाण-बूझ कतल करयो है , अब घरआळा री मांग है कि दोसी पुलिस आळा नै जदै तक बर्खास्त कोनी करयो जावै, बै लास नै कौनी उठावैला.
इण घटना रा समचार मिल्या पाठै राज्य सफाई कर्मचारी आयोग रा पैल्या रा अध्यक्ष टायसन भी सपाखाना पूग्या अर पुलिस रा काज माथै सवाल करयो. जोधपुर पुलिस रा कमिश्नर जोस मोहन रो कैवणो है कि एसएचओ की गाड़ी माळै गोळी चलाई गी ही. जीरै मांय पाछा गोळी चलाबा पै एक जणा रा जखमी हुया का समचार मिल्या हा. पुलिस इण मामला माय आपरा बचाव मांय गोळी चलाई ही.
रातानाडा पुलिस नै बुधवार दोपारां समचार मिल्या हा कि थाणा नै नामी गोदमगारा लवली कंडारा रै इलाका मांय हुबा को ठा पड्या सू पुलिसआळा राधा-कृष्ण मंदिर सू बीकै लारै पड़ गिया हा. इकै पाछै लवली कंडारा आपरा भायला सागै सुभाष चौक सू सेंट्रल जेल सारै निकळ्यो अर पाछौ रातानाडा री तरफ गाड़ी मोड़ ली. फेर बो बनाड़ कानी गाड़ी मोड़ ली. इकै पाछै रातानाडा थाना अधिकारी लीलाराम आपरी गाड़ी सू बीको पाछौ करयो. तो बनाड़ रोड रा ग्रीनगेट पै गोदमगारा पुलिस री गाड़ी पै गोळी चलाई. इण बीच गैला माळै दोनी गाड़ियां दौड़ती दिखी. इण गोळीबारी मांय लवली कंडारा री मौका पै मौत व्हैयीगी । जदकि लवली रा भायला मौका सू भाग छूट्या. पुलिस रो कैवणो ह कि लवली कतल रा मामला मांय पुलिस री तलास का दायरा मै हो.
सपाखाना मांय लाग्यो मेळो
गोळीबारी री घटना पाछै जदै लवली कंडारा रा मौत का समचार मिल्या तो वाल्मीकि समाज रा लोग सपाखाना पै भैळा हुई गिया. मामला नै बिगड़तो दैख न्यारा-न्यारा थाणा सू जाब्ता नै भी मौका पै बुलायो गियो है. सपाखाना सू मिल्या समचार सारु खबर है कि लवली कै दो गोळियां लागी है.
