VIDEO: संसद म गुंजिस हे 'जय जोहार-जय छत्तीसगढ़'

नई दिल्ली: संसद म शीतकालीन सत्र चलत हे. दुनो सदन म छत्तीसगढ़ के सांसद अपन-अपन क्षेत्र के मुद्दा उठात हे. ए दउरान आज लोकसभा म बस्तर के सांसद दीपक बैज ह कुपोषण के मुद्दा ल उठाइस त दूसर कोती राज्यसभा म सांसद छाया वर्मा ह छत्तीसगढ़ी ल 8वीं अनुसूची म सामिल करे के बात रखिस. एखर पहिली भी कतको बेर ए बात ल रखे जा चुके हे. ए बीच म सासंद छाया वर्मा ह 'जय जोहार' काहिस त जवाब म सभापति नायडू ह 'जय छत्तीसगढ़' बोलिस अउ आघू किहिस, 'मैं ह छत्तीसगढ़ गे हव अउ छत्तीसगढ़ी सुने घलो हव. सही म बहुतेच सुंदर अउ मीठा भाषा हे, 'मैं एला बोले के अधिकार दे सकत हव, फेर अनुसूची म सामिल करे के अधिकार मोर मेर नइ हे.