જમીન વિવાદને લઈને બે પક્ષો વચ્ચે થઈ લોહિયાળ લડાઈ... - બિહાર ક્રાઈમ સમાચાર

બિહાર : બિહારના ગોપાલગંજમાં જમીન વિવાદને (Fight Over Land Dispute) લઈને બે પક્ષો વચ્ચે લોહિયાળ લડાઈ થઈ હતી. મારપીટની આ ઘટનાનો હૃદયદ્રાવક વીડિયો સોશિયલ મીડિયા પર જોરદાર વાયરલ થઈ રહ્યો છે. જેમાં કેટલાક લોકો એક વ્યક્તિને ઘેરી રહ્યા છે અને તેના પર તીક્ષ્ણ હથિયારો અને લાકડીઓનો વરસાદ કરી રહ્યા છે. એક માણસ કુહાડી વડે હુમલો કરતો જોવા મળે છે. ઘટના કુચાઈકોટ પોલીસ સ્ટેશન (Kuchaikote Police Station) વિસ્તારના રામપુર માધવ ભેડિયારી ટોલા ગામની છે. વીડિયો વાયરલ થયા બાદ પોલીસ હરકતમાં આવી હતી અને કેસ નોંધીને કાર્યવાહી શરૂ કરી હતી. હ્રદય રામ લડાઈમાં ખરાબ રીતે ઘાયલ થયો છે,ગંભીર રીતે ઘાયલ વ્યક્તિને સારવાર માટે ગોરખપુર લઈ જવામાં આવ્યો છે. આ સિવાય પીડિતાની પત્ની બસંતી દેવી, દીકરીઓ ચુલબુલ કુમારી અને સોની કુમારી, બહેન પ્રિયંકા કુમારી સહિત પાંચ લોકો ઘાયલ થયા છે. પોલીસે ગુનો નોંધી કાર્યવાહી હાથ ધરી છે. હજુ સુધી આ કેસમાં કોઈની ધરપકડ કરવામાં આવી નથી.