વીએસ હોસ્પિટલની બેદરકારી બાદ મેયર બિજલ પટેલની પ્રતિક્રિયા - AHD

અમદાવાદઃ VS હોસ્પિટલમાં કમ્પાઉન્ડરની બેદરકારીના કારણે 6 માસની માસૂમ બાળકીનો અંગૂઠો કપાયા મુદ્દે મેયર બિજલ પટેલે પોતાની પ્રતિક્રિયા આપી છે. મેયર બિજલ પટેલે કહ્યું કે, આ ઘટનામાં જે પણ અધિકારી દોષી હશે તેના વિરૂદ્ધ કડક કાર્યવાહી કરવામાં આવશે. આ અંગે હોસ્પિટલમાંથી રિપોર્ટ મંગાવવામાં આવ્યા છે. ઉલ્લેખનીય છે કે, હોસ્પિટલમાં કમ્પાઉન્ડર સોય કાઢવા જતા બાળકીનો અંગૂઠો કાપી નાખ્યો હતો. જેના કારણે પરિવારમાં ભારે રોષ જોવા મળ્યો હતો. આ ઘટના બાદ પણ કોર્પોરેશનના સત્તાધીશો અને અધિકારીઓ ફરક્યા નથી. ત્યારે મેયર બિજલ પટેલ દ્વારા કાર્યવાહીની ખાતરી આપવામાં આવી છે.