ગોંડલ નેશનલ હાઇવે પર ટોલ ટેક્સ નજીક મગફળી ભરેલી ટ્રકમાં લાગી આગ
રાજકોટઃ જિલ્લાના ગોંડલ નેશનલ હાઈવે પર આવેલા પીપળીયા ટોલનાકા નજીક ચાલું ટ્રકમાં આગ ભભૂકી ઉઠી હતી. હિંમતનગરથી ગોંડલ સરકારી ગોડાઉનમાં મગફળી નાખવા આવેલા ટ્રકમાં અચાનક આગ લાગતા નેશનલ હાઈવે પર ટ્રાફિકજામના દ્રશ્યો સર્જાયા હતા. આ બનાવને પગલે ગોંડલ નગર પાલિકા ફાયર બ્રિગેડનો સ્ટાફ ઘટના સ્થળે દોડી ગયો હતો અને આગ ઉપર કાબૂ મેળવ્યો હતો. આ આગમાં ટ્રકમાં ભરેલી 280 ગુણી મગફળીના જથ્થામાંથી 250 ગુણી મગફળીનો જથ્થો બળી ગયો હતો અને ટ્રકમાં પણ મોટું નુકસાન થયુ હતું.