CGA VP Rajesh Maheta INTERVIEW : CGA નો મુખ્ય હેતું હૈદરાબાદમાં વસતા તમામ ગુજરાતીઓને એક સાથે લઇને ચાલવનો છે : રાજેશભાઇ મહેતા - ઉપપ્રમુખ રાજેશભાઇ મહેતા

હૈદરાબાદ : 'સાઈબરાબાદ ગુજરાતી એસોસિએશન'ના ઉપપ્રમુખ રાજેશભાઇ મહેતાએ ઈટીવી ભારત સાથેની વાતચિતમાં CGA ગ્રુપની શરૂઆત અને તે શરૂ કરવા પાછળનો હેતું જણાવ્યો હતો. તેમનું કહેવું છે કે, આ ગ્રુપની શરૂઆત એક નાનકડા છોડના સ્વરુપમાં કરવામાં આવી હતી અને આજે તે એક વટવૃક્ષમાં રૂપાંતરીત થઇ રહ્યું છે. આવનારા સમયમાં હૈદરાબાદમાં વસતા ગુજરાતી લોકો માટે એક સારુ પ્લેટફોર્મ બનવા જઇ રહ્યું છે. તમામ લોકો એક તાંતણે બંધાયેલા જોવા મળે એજ અમારો પ્રથમ ધ્યેય છે. 

CGAનો ઇતિહાસ :રાજેશભાઇએ જણાવ્યું કે આ ગ્રુપ આજથી 11 વર્ષ પહેલા શરૂ કરવામાં આવ્યું હતું. જેમ જેમ ગુજરાતીઓ હૈદરાબાદમાં આવતા રહ્યા તેમ તેમ આ ગ્રુપ વધું મજબુત બનતું જઇ રહ્યું છે. હાલમાં આ ગ્રુપ થકિ વિવિધ પ્રકારના પ્રોગ્રામો પણ કરવામાં આવી રહ્યા છે. જેમાં અન્ય રાજ્યના લોકો પણ હોંશે હોંશે જાડાય છે.