ધરમપુરમાં વેપારીનું સ્વૈચ્છિક લોકડાઉન, બજાર વહેલી સવારથી બંધ

સમગ્ર ધરમપુરમાં કોરોનાનું સંક્રમણ ન ફેલાય તેવા હેતુથી પ્રાંત અધિકારીની અધ્યક્ષતામાં બે દિવસ પૂર્વે મળેલી એક બેઠકમાં ધરમપુરના વેપારી એસોશિએશન દ્વારા રજાના દિવસોમાં સ્વૈચ્છિક રીતે બંધ પાળવાનો નિર્ણય લેવામાં આવ્યો હતો. જે અંતર્ગત શનિવારના રોજ વહેલી સવારથી ધરમપુર બજારની તમામ દુકાનો સ્વૈચ્છિક રીતે વેપારીઓએ બંધ રાખી હતી.

• સંક્રમણ ન ફેલાય તે માટે ધરમપુરના વેપારીઓ દ્વારા ધરમપુરમાં શનિ-રવિ લોકડાઉન
• વહેલી સવારથી ધરમપુરના બજારોની તમામ દુકાનો બંધ રહી
• જીવન જરૂરિયાતની ચીજવસ્તુઓ માટેની દુકાનો ખુલ્લી જોવા મળી

વલસાડ : સમગ્ર ગુજરાતમાં કોરોનાનો કહેર વધી રહ્યો છે, ત્યારે દિનપ્રતિદિન દર્દીઓની સંખ્યામાં સંક્રમણને કારણે વધારો નોંધાઈ રહ્યો છે. આ સંક્રમણને રોકવા માટે તમામ નાના શહેરો અને મોટા શહેરોમાં સ્વૈચ્છિક બંધ અને લોકડાઉન જેવી સ્થિતિ વેપારીઓ દ્વારા સ્વયંભૂ રીતે કરવામાં આવી છે. ત્યારે વલસાડ જિલ્લાના ધરમપુર ખાતે વેપારી મંડળ દ્વારા પણ શનિ રવિ સ્વયંભૂ લોકડાઉન રાખવા માટેનો નિર્ણય લેવામાં આવ્યો હતો. જે પૈકી, શનિવારના રોજ વહેલી સવારથી બજારમાં આવેલી તમામ દુકાનો બંધ રહી હતી. જો કે, જીવન જરૂરિયાતની ચીજવસ્તુઓ માટે દવા દૂધ તેમજ જરૂરિયાતની વસ્તુઓ માટેની દુકાન માત્ર ખુલ્લી રહી હતી.

આ પણ વાંચો:કોરોના સંક્રમણ વધતા ગ્રામ્ય વિસ્તાર સ્વૈચ્છિક લોકડાઉન તરફ, કામરેજનું દિગસ ગામ 15 દિવસ માટે બંધ

ધરમપુરમાં અત્યાર સુધીમાં 66 કોરોના કેસ નોંધાયા, 6 એક્ટિવ કેસ

ધરમપુર તાલુકામાં કુલ ૬૬ જેટલા કોરોના પોઝિટિવ કેસ સામે આવ્યા છે. જેમાં છ જેટલા કેસ હાલ સિવિલ હોસ્પિટલમાં સારવાર હેઠળ છે, આમ ધરમપુરમાં વધી રહેલા કેસોની સંખ્યાને જોતા વહીવટી તંત્રની અધ્યક્ષતામાં યોજાયેલી એક બેઠકમાં વેપારી મંડળના એસોસિએશન દ્વારા સંક્રમણ ન વધે તેવા હેતુથી સ્વયંભૂ લોકડાઉન રાખવાનું નક્કી કરવામાં આવ્યું હતું. જે અંતર્ગત શનિવારના રોજ વહેલી સવારથી ધરમપુરના તમામ બજારમાં આવેલી દુકાનો વેપારીઓએ બંધ રાખી હતી.

આ પણ વાંચો:ખાનપુરમાં કોરોનાનું સંક્રમણ વધતા ગ્રામ પંચાયત દ્વારા સ્વૈચ્છિક લોકડાઉન પાડ્યું

જીવન જરૂરિયાતની ચીજ વસ્તુની દુકાનો ખુલ્લી રહી

વહેલી સવારથી ધરમપુરના બજારની તમામ દુકાનો સ્વૈચ્છિક રીતે વેપારીઓએ બંધ રાખી હતી. જોકે આ બંધની અંદર જરૂરિયાતની ચીજવસ્તુઓ એટલે કે દૂધ દવાની દુકાન તેમજ હોસ્પિટલો સહિત કેટલીક સેવાઓ ચાલુ રહી હતી જ્યારે બાકીની બજારમાં આવેલી તમામ દુકાનો વેપારીઓએ સ્વૈચ્છિક રીતે બંધ રાખી સંક્રમણને રોકવા માટેનો એક ઉમદા અને ઉત્તમ પ્રયાસ કર્યો હતો.