વલસાડ જિલ્લાનું SSC બોર્ડનું પરિણામ 58.52 ટકા

ગુજરાત માધ્યમિક શીક્ષણ બોર્ડનું આજે પરિણામ જાહેર થતા ગત વર્ષ કરતા ઓછું પરિણામ આવ્યું હતું. આ વર્ષે ગુજરાત માધ્યમિક શિક્ષણ બોર્ડનું પરિણામ 60.64 ટકા રહ્યું છે. જેમાં વલસાડ જિલ્લાનું પરિણામ 58.52 ટકા જેટલું રહ્યું છે. વલસાડ જિલ્લામાં એ વન ગ્રેડમાં માત્ર 9 વિદ્યાર્થી પાસ થયા છે.

વલસાડઃ રાજ્યમાં માર્ચ 2020માં લેવામાં આવેલી ધોરણ-10ની પરીક્ષાનું પરિણામ આજે ઓનલાઇન જાહેર કરવામાં આવ્યું છે. જેમાં વલસાડ જિલ્લાનું પરિણામ 58.52 ટકા રહ્યું છે. વલસાડ જિલ્લામાં કુલ 21,685 વિધાર્થીઓ નોંધાયા હતા. જેમાં 38135 વિદ્યાર્થીઓ ઉપસ્થિત રહ્યા હતા. જિલ્લામાં પરિણામ અનુસાર એ વન ગ્રેડમાં 9, એ ટુ ગ્રેડમાં 352, બી વન ગ્રેડમાં 1256, બી ટુ ગ્રેડમાં 2590, સી વન ગ્રેડમાં 4147, સી ટુ 3555, ડી ગ્રેડમાં 540,ઇ વન ગ્રેડમાં 4698,ઇ ટુ 4127, ઇ કયું સીમાં 12,499 આવ્યા છે.

આ વલસાડ જિલ્લાનું પરિણામ 58.52 આવ્યું છે, વલસાડ શહેરમાં આવેલી શાળાઓની વાત કરીએ તો સેન્ટ જોસેફ સ્કૂલનું પરિણામ 98.82 ટકા રહ્યું હતું. સ્કૂલમાં પ્રથમ ઠક્કર યશ ગીરીશભાઈ 89.50 ટકા, મહેતા યેશા હિરેન કુમાર 89.17 ટકા દ્વિતીય ક્રમે, શાહ કૃતિ અમિતકુમાર 88.83 ટકા તૃતીય ક્રમે રહી, જ્યારે શેઠ આર જે.જે હાઈસ્કૂલ અંગ્રેજી માધ્યમનું 100 ટકા પરિણામ રહ્યું, જેમાં પ્રથમ ક્રમે સ્કૂલમાં ટંડેલ અંકિત સુરેશભાઈ 90 ટકા, ભાનુશાલી ઉર્વી વિનોદભાઈ 88.3 ટકા, તૃતીય ક્રમે તિવારી યશ યોગેશ 87 ટકા મેળવ્યા છે.

વલસાડ જિલ્લાનું SSC બોર્ડનું પરિણામ 58.52 ટકા

તો ગુજરાતી માધ્યમનું પરિણામ 93.67 ટકા રહ્યું હતું. જેમાં સ્કૂલમાં પ્રથમ રાઠોડ આયુશી આરજીતસિંહ 87.83%, દ્વિતીય ક્રમે લાડ ઉર્વી યોગેશ કુમાર 87.50 ટકા, તૃતીય ક્રમે પટેલ માનસી બળવત ભાઈ 85.50 ટકા મેળવ્યા છે. જ્યારે વલસાડની બાઈ આવાબાઈ સ્કૂલ ઈંગ્લીશ મીડીયમનું 95 ટકા પરિણામ રહ્યું, જેમાં પ્રથમ પટેલ શમીટ જયેશભાઇ 86.33 ટકા, દ્વિતીય ક્રમે તિવારી ઓમપ્રકાશ 82.5 ટકા, તૃતીય ક્રમે પટેલ વ્રજ ધર્મેશ કુમાર 81.83 ટકા. જ્યારે ગુજરાતી માધ્યમનું પરિણામ 80.76 ટકા રહ્યું જેમાં સ્કૂલમાં પ્રથમ ક્રમે ગુપ્તા શીતલ સંતોષભાઈ 88.16 ટકા, પટેલ પ્રિન્સી અનિલકુમાર 86.50 ટકા, તૃતીય ક્રમે પટેલ વનશ્રી અલ્કેશ ભાઈ 86.33 ટકા મેળવ્યા છે.

નોંધનીય છે કે, વલસાડ જિલ્લાની 3 શાળાનું પરિણામ ઝીરો રહ્યું હતું, તો 11 શાળાઓનું પરિણામ 100 ટકા જેટલું રહ્યું હતું.