વલસાડની ભાગડાવડા પંચાયતના તલાટીની આવક કરતા વધુ સંપત્તિ, ACBએ ફરિયાદ દાખલ કરી

વલસાડ: ભાગડાવડા ગ્રામપંચાયતના તલાટી વિરુદ્ધ ACBની ટીમે અપ્રમાણસર મિલકતનો ગુન્હો દાખલ કરતા મહેસુલી કર્મચારીઓમાં ફફડાટ મચી ગયો છે. વલસાડ અબ્રામાં ખાતે સોમેશ્વર પાર્કમાં પ્લોટ રહેતા ચીમન રણછોડ પટેલ તલાટી ક્રમ મંત્રી વર્ગ-૩ તરીકે સરકારી નોકરી કરી રહ્યા છે. જેઓ પાસે અપ્રમાણસર મિલકત વસાવી હોવાના કારણે એ.સી.બી ટીમને લેખિત ફરિયાદ નોંધાઈ હોવાથી અપ્રમાણસર મિલકત વસાવી હોવાનું બહાર આવ્યું છે.

તલાટીની આવક કરતા 33.34 ટકા વધુ કિંમતની અપ્રમાણસર મિલકત વસાવીને રાજ્યસેવક તરીકે ગુનાહિત ગેરવર્તન કરીને ફોજદારી ગુનો કર્યો હોવાનું બહાર આવ્યું છે.

ACB સુરત એકમના મદદનીશ નિયામક એન.પી ગોહિલે ACBમાં નોંધાવેલ ફરિયાદ આધારે ગુન્હો નોંધી હતો. સુરત ACBના પોલીસ ઇન્સ્પેક્ટર તપાસ સોંપવામાં છે. નોંધનીય છે કે, સરકારી તંત્રમાં બહુ વર્ગ ધરાવતો આ તલાટી મલાઈદાર ગામોમાં જ બદલી કરાવી નિમણૂક પામતો હતો. અગાઉ તે વાપી તાલુકાના છરવાડા ગામે પણ ગેરવહીવટ કેસમાં નામ ઉછળ્યું હતું. ફરી થી ACBમાં લપેટાયો છે. શનિવારે ACBએ તેને વલસાડ સીટી પોલીસ મથકેથી વધુ તપાસ માટે ACBમાં સોંપી છે. જે બાદ કોર્ટમાં રજૂ કરવામાં આવતા બે દિવસના રિમાન્ડ મળ્યા છે.