વલસાડઃ કપરાડા APMC માર્કેટમાં છેલ્લા બે દિવસથી હાફૂસ અને અથાણા માટે ઉપયોગમાં આવતી રાજપુરી કેરીએ દેખા દીધી છે. વળી પ્રથમ ભાવ પણ 20 કિલોના 500થી 700 રૂપિયા બોલાતા ખેડૂતોમાં આનંદની લાગણી જોવા મળી હતી.
વલસાડી હાફૂસે સમગ્ર વિશ્વમાં તેના મીઠા મધુરા સ્વાદ માટે જાણીતી છે. એટલું જ નહિ સમગ્ર ભારત ભરથી વેપારીઓ ખરીદી કરવા માટે વલસાડ સુધી આવે છે. હાલે લોકડાઉનની સ્થિતિ ઉદભવી છે, ત્યારે ખેડૂતોને ચિંતાના વાદળો ઘેરાયા હતા કે, કેરીના પાકનું શુ થશે વળતર મળશે કે નહીં. પરંતુ છેલ્લા બે દિવસથી કપરાડા તાલુકામાં આવેલી APMC માર્કેટમાં ફળોના રાજા કેરીનું આગમન જોવા મળ્યું છે અને પ્રથમ દિવસથી જ કેરીના ભાવ 500થી 700 રૂપિયા 20 કિલોના બોલાતા ખેડૂતોમાં આનંદની લાગણી જોવા મળી રહી છે.