વલસાડ : વૈશ્વિક મહામારી કોરોના દરમિયાન લોકડાઉનમાં લોહીની જરૂરિયાતને પહોંચી વળવા માટે જિલ્લામાં વિવિધ જગ્યાઓ ઉપર રક્તદાન શિબિરો યોજાઇ હતી. આજે રવિવારે જ્યારે 14 જૂન એટલે કે વિશ્વ રક્તદાતા દિવસ તરીકે ઉજવણી કરવામાં આવે છે. ત્યારે જિલ્લામાં પણ એવા અનેક રક્તદાતાઓ છે જેમણે લોકોના જીવને નવજીવન આપવા માટે 100 કરતાં પણ વધુ વાર રક્તદાન કર્યું છે.
મહત્વનું છે કે, જિલ્લામાં દર 15 મિનિટમાં 1 unit bloodની જરૂર ઊભી થાય છે અને તે માટે વલસાડ રકતદાન કેન્દ્ર દ્વારા તેને પહોંચી વળવા માટે પૂરતા પ્રમાણમાં બ્લડ યૂનીટ રક્તદાન શિબિર યોજીને એકત્ર કરવામાં આવે છે. અત્યાર સુધીમાં વલસાડ રકતદાન કેન્દ્રમાં 3,66,547 લોકોએ રક્તદાન કર્યું છે. જેનાથી 4,20,422 લોકોને નવજીવન મળ્યું છે. આમ, રક્ત એક કોઈ મશીન કે કૃત્રિમ રીતે બનાવી શકાય તેમ નથી જેથી રક્તની કિંમત લોકોએ સમજવી જોઈએ અને અન્યના નવજીવન માટે રક્તદાન કરવું એ સૌથી મહાદાન કહી શકાય છે.