વલસાડમાં ભાજપ દ્વારા 6 તાલુકા પંચાયતની બેઠક માટે સેન્સ લેવાઇ

28 ફેબ્રુઆરીના રોજ યોજાનારી તાલુકા પંચાયત અને જિલ્લા પંચાયતની ચૂંટણીને લઇને ભાજપ દ્વારા વલસાડ જિલ્લામાં 6 તાલુકા પંચાયતની બેઠક માટે સેન્સ પ્રક્રિયા 26 અને 27જાન્યુઆરીના રોજ હાથ ધરવામાં આવી હતી.

• પારડી તાલુકાની 22 બેઠકો અને જિલ્લા પંચાયતની 5 બેઠકો માટે સેન્સ લેવાયા
• ભાજપના સંભવિત ઉમેદવારોમાં ભારે ઉત્સાહ જોવા મળ્યો
• સેન્સ લેવાની પ્રક્રિયા 26 અને 27જાન્યુઆરીના રોજ હાથ ધરવામાં આવી
  

  વલસાડમાં ભાજપ દ્વારા 6 તાલુકા પંચાયતની બેઠક માટે સેન્સ લેવાઇ

વલસાડઃ 28 ફેબ્રુઆરીના રોજ યોજાનારી તાલુકા પંચાયત, જિલ્લા પંચાયતની ચૂંટણી માટે ભાજપ દ્વારા વલસાડ જિલ્લામાં 6 તાલુકા પંચાયતની બેઠક માટે સંભવિત ઉમેદવારના સેન્સ લેવાની પ્રક્રિયા 26 અને 27જાન્યુઆરીના રોજ હાથ ધરવામાં આવી હતી. પારડી તાલુકા પંચાયતની 22 બેઠકો માટે અને વલસાડ જિલ્લા પંચાયતની 5 બેઠકો માટે સેન્સ લેવાની પ્રક્રિયા પારડી સ્વાધ્યાય મંડળ પાઠશાળા ખાતે આયોજિત કરાઈ હતી. જેમાં અનેક ઉમેદવારોએ સેન્સ આપ્યા હતા.

પારડી ખાતે ઉમેદવારની સેન્સ પ્રક્રિયા યોજાઈ

પારડી ખાતે આવેલા સ્વાધ્યાય મંડળ પાઠશાળા હોલમાં આજે ભાજપ દ્વારા તાલુક પંચાયત બેઠક માટે સેન્સ લેવાની પ્રક્રિયાનું આયોજન કરવામાં આવ્યું હતું. જેમાં જિલ્લા પંચાયતની 5 બેઠક માટે કુલ 16 ફોર્મની વેહેંચણી થઈ હતી. જ્યારે તાલુકા પંચાયતની 22 બેઠકો માટે 44 ફોર્મની વહેંચણી થઈ હોવાનું જણાયું હતું.

નિયુક્ત કરવામાં આવેલા નિરીક્ષકો દ્વારા સંભવિત ઉમેદવારના સેન્સ લેવાયા

ભાજપ દ્વારા 6 તાલુકામાં સંભવિત ઉમેદવારોના સેન્સ લેવાં માટે તાલુકા દીઠ ત્રણ નિરીક્ષકો મુકવામાં આવ્યા હતા. જેમાં પારડી ખાતે પણ શિલ્પેસ દેસાઈ, ગણેશભાઈ બિરારી, વંદના બેન ટંડેલ ની નિમણૂક કરવામાં આવી હતી. જેમના દ્વારા વહેલી સવારથી સેન્સ લેવાની પ્રક્રિયા હાથ ધરવામાં આવી હતી.

ઉમેદવારો નક્કી કરવા ક્યાં મુદ્દા ધ્યાને લેવાશે

ઉમેદવાર સેન્સ પ્રક્રિયા હાલ ચાલી રહી છે. ત્યારે સંભવિત ઉમેદવારોમાં ટિકિટ આપવા માટે કાયા મુદ્દા ધ્યાનમાં લેવાશે. જે અંગે જાણકારી આપતા શિલ્પેસ દેસાઈએ જણાવ્યું કે, ઉમેદવાર પાર્ટીને વારેલો હોવો જોઈએ, શિક્ષિત હોવો જોઈએ અને બેઠક પર વિજય મેળવી શકે એવો હોવો જોઈએ એ તમામ બાબતોને ધ્યાને રાખવામાં આવશે.