વલસાડમાં ઘોઘમાર વરસાદ, નીચાણવાળા વિસ્તારોમાં ભરાયાં પાણી

અષાઢ મહિનો શરૂ થતાં જ પેહલા દિવસે જ મેઘરાજાએ (Heavy Rain in Valsad) મહેર કરી છે. મોડી રાતથી શરૂ થયેલા વરસાદને પગલે વલસાડ શહેરના (gujarat rain update) અનેક નીચાણવાળા વિસ્તારોમાં વરસાદી પાણી ફરી વળ્યા છે, જેના કારણે વાહન ચાલકોને મુશ્કેલીનો સમાનો કરવો પડ્યો હતો.

વલસાડ: શુક્રવાર સાંજથી શરૂ થયેલો (gujarat rain update) વરસાદ શનિવારે સવારે સુધી અવિરત વર્ષી રહ્યો (Heavy Rain in Valsad) છે. છેલ્લા 24 કલાકમાં 4 ઇંચ જેટલો સાબેલાધાર વરસાદ વરસતા અનેક મુખ્ય માર્ગો ઉપર વરસાદી પાણી ફરી વળ્યા હતાં. વાહન ચાલકોને ભારે હાલાકી ભોગવવી પડી હતી અને વલસાડના રેલવે અંડર બ્રીજમાં વરસાદી પાણી ફરી વળતા વાહન ચાલકોને આવનજાવન માટે મુશ્કેલી પડી હતી.

આ પણ વાંચો:અષાઢી બીજના શુકન : સૌરાષ્ટ્ર પંથક પર મેઘરાજાની સવારી, ક્યાં કેટલો વરસાદ વરસ્યો જૂઓ

વલસાડ જિલ્લો પાણી પાણી:અચાનક આવેલા ખેતીલાયક વરસાદને પગલે ખેડૂતો હાલ તો ગેલમાં આવી ગયા છે. ડાંગર લાયક વરસાદ શરૂ થતાં ખેડૂતો ખેતરમાં જોતરાયા છે. 24 કલાકમાં વરસાદે વલસાડ જિલ્લામાં પાણી પાણી કરી દીધું. વલસાડ ડિઝાસ્ટર વિભાગના આંકડા ઉપર નજર કરીએ તો વલસાડમાં વિવિધ 6 તાલુકામાં ઉમરગામમાં 2.52 ઇંચ, કપરાડા 1.44 ઇંચ, ધરમપુર 2.2 ઇંચ, પારડી 4.32 ઇંચ, વાપી 4 ઇંચ વરસાદ નોંધાયો છે.

વલસાડના વિવિધ વિસ્તારોમાં પાણી ભરાયા: વલસાડ શહેરના દાણા બજાર ,મોગરા વાડી રેલવે અંડર બ્રિજ માં વરસાદી પાણી ભરાઈ જતાં અનેક વાહન ચાલકોને મુશ્કેલી પડી તો બીજી તરફ સ્પોર્ટસ કોમ્પલેક્ષ નજીકમાં મુખ્ય માર્ગ ઉપર પાણી ભરાતા રાહદારી અને વાહન ચાલકો મુશ્કેલીમાં મુકાયા હતા.

આ પણ વાંચો:Heavy Rain in Surat: શરૂઆતના વરસાદમાં જ આ હાલત તો આગળ શું થશે...

હજુ બે દિવસ ભારે વરસાદની આગાહી:હવામાન વિભાગે હજુ આગમી બે દિવસ ભારેથી અતિભારે વરસાદ વલસાડ જિલ્લામાં વરસે એવી આગાહી કરવામાં આવી છે, જેને પગલે હાલ તો ડાંગરનો પાક કરતા ખેડૂતો વરસાદને પગલે ગેલમાં આવી ગયા છે. આમ વલસાડ જિલ્લાને મેઘરાજાએ છેલ્લા 24 કલાકમાં ઘમરોળી દેતા સમગ્ર 6 તાલુકામાં વરસાદની હેલી જોવા મળી રહી છે.