વલસાડ : શહેરમાં આવેલી રેડક્રોસ સંચાલિત બ્લડ બેન્કમાં હાલમાં કોરોના અને લોકડાઉનને પગલે બ્લડની અછત વર્તાઈ રહી છે. દેશમાં લોકડાઉન છે તેવા સમયમાં પણ રોજિંદા 50થી 60 જેટલા યૂનિટ બ્લડની માગ ઊભી થાય છે. જો કે આ માગને પહોંચી વળવા માટે સમયાંતરે અનેક સંસ્થાઓ, ગ્રામ પંચાયતો અને અગ્રણીઓ દ્વારા રક્તદાન શિબિરનું આયોજન કરાઇ રહ્યું છે. જેને લઇને આ માગને સરભર કરવામાં આવી રહી છે. જેે અનુલક્ષી આજે ગુરુવારે વલસાડ નજીક આવેલા ગુંદલાવ ગામે ગ્રામ પંચાયત દ્વારા રક્તદાન શિબિરનું આયોજન કરવામાં આવ્યુ હતું.
ગ્રામ પંચાયત દ્વારા રક્તદાન શિબિરનું આયોજન કરાયુ આ તકે ગ્રામ પંચાયતના સરપંચ નીતિનભાઇ પટેલે જણાવ્યું કે, વલસાડ જિલ્લામાં દરરોજના લોકોને બ્લડની ઊભી થતી જરૂરિયાતને પહોંચી વળવા માટે બ્લડ બેન્ક કાર્યરત છે, પરંતુ હાલમાં લોકડાઉન જેવી સ્થિતિમાં પણ બ્લડની અછત સર્જાઇ રહી છે. જેને પહોંચી વળવા માટે આજે ગુરુવારે ગ્રામ પંચાયત દ્વારા વિશેષ રક્તદાન કેમ્પનું આયોજન કરવામાં આવ્યું છે. જેમાં અનેક યુવાનોએ ઉત્સાહભેર રક્તદાન કર્યું છે. તેમજ ગામના લોકો દ્વારા પણ રક્તદાન કરવામાં આવ્યું છે. રક્તદાન કરનાર તમામ લોકોને ગ્રામ પંચાયત તરફથી વિશેષ ભેટ પણ આપવામાં આવી છે જેથી તેઓને પ્રોત્સાહન મળી શકે.
ગ્રામ પંચાયત દ્વારા રક્તદાન શિબિરનું આયોજન કરાયુ બ્લડ બેન્કની વાન સાથે આવેલા સ્મિતા ફેરીએ જણાવ્યું કે, વલસાડ બ્લડ બેન્કમાં સમગ્ર જિલ્લામાંથી લોકો બ્લડ લેવા માટે આવતા હોય છે. તેમાં પણ ખાસ કરીને કેન્સર, એનીમિયા, સિકલસેલ તેમજ ઈમરજન્સી અકસ્માતના કેસોના લોકો પણ બ્લડ મેળવવા માટે આવતા હોય છે. રોજિંદા 40થી 50 યૂનિટ બ્લડની ડિમાન્ડ રહે છે. જેના માટે બ્લડ બેન્ક દ્વારા સતત ડિમાન્ડને પહોંચી વળવા માટે કાર્યરત રહેવું પડે છે.
ગ્રામ પંચાયત દ્વારા રક્તદાન શિબિરનું આયોજન કરાયુ આજે ગુરુવારે ગુંદલાવ ગ્રામ પંચાયત દ્વારા પણ બ્લડ કેમ્પનું આયોજન કરવામાં આવ્યું હતું. જ્યાં બ્લડ બેંકની એસી વાન દ્વારા સોશિયલ ડિસ્ટન્સ રાખીને બ્લડ લેવામાં આવ્યું છે. અત્યાર સુધીમાં લગભગ ૫૧ જેટલા યૂનિટ બ્લડ એકત્ર કરવામાં આવ્યું છે. વધુમાં તેેઓએ કહ્યું કે, રક્તદાનએ મહાદાન છે અને તે માત્ર મનુષ્ય જ મનુષ્યનો જીવ બચાવવા માટે રક્તદાન કરી બચાવી શકે છે. તેથી દરેક લોકોએ માનવતાને લઇ રક્તદાન કરવું જોઈએ.
