વલસાડઃ વૈશ્વિક મહામારી કોરોના વાયરસ બિમારીના કારણે બ્લડની જરૂરિયાતને ધ્યાનમાં લઈ પારનેરા પારડી યુવક મિત્ર મંડળ દ્વારા શ્રી સંકટહરન હનુમાનજી મંદિર ખાતે રક્તદાન શિબિરનું આયોજન કરવામાં આવ્યુ હતુ. જેમાં ઉત્સાહ ભેર ગામના યુવાનોએ પોતાનું રક્તદાન કર્યુ હતું. આજના લોકડાઉનના સમયમાં જ્યાં બ્લડની અછત વર્તાય છે.
એવા સમયે રક્તદાન દ્વારા એકત્ર કરવામાં આવેલું રક્ત અન્યનું જીવન બચાવી શકે એવા હેતુથી આજે પારનેરા પારડી ખાતે રક્તદાન શિબિર યોજાઈ હતી. કાર્યક્રમ દરમિયાન વલસાડ સિવિલ હોસ્પિટલ બ્લડ બેન્કના કર્મચારીઓએ સેવા આપી હતી. આજે કાર્યક્રમ દરમ્યાન 100 બોટલ રક્ત એકત્ર કરવા માટેનો લક્ષ્યાંક રાખવામાં આવ્યો હતો.
વલસાડ જિલ્લામાં રોજિંદા 15 યુનિટ બ્લડની જરૂરિયાત ઉભી થતી હોય છે. થેલેસેમિયા કેન્સર અને અન્ય ઇમરજન્સી કેસમાં લોકોને બ્લડની જરૂરિયાત ઉભી થતી હોવાથી, તેને પહોંચી વળવા લોકડાઉનના સમયમાં રક્તદાન ખૂબ જરૂરી અને સહાય રૂપ બને છે.
