વલસાડ: ઓલ ઇન્ડિયા બેન્ક એમ્લોઇઝ યુનિયન દ્વારા પગાર વધારા સહિતના 12 મુદાઓ સાથે બે દિવસની હડતાળ કરતા આજે બીજા દિવસે જિલ્લા કલેકટરને આવેદનપત્ર પાઠવી તેઓની રજૂઆતો ઉચ્ચ સ્તરે પહોંચતી કરવા જણાવ્યું હતું
વલસાડ જિલ્લામાં 28 બેંકો, રાષ્ટ્રીય કૃત બેંકોના 4 હજાર જેટલા કર્મચારીઓ બેંકોની હડતાળમાં જોડાયા છે. ઓલ ઇન્ડિયા બેન્ક એમ્પ્લોઇઝ યુનિયન દ્વારા આપવામાં આવેલા હડતાલના એલાનને પગલે વલસાડ શહેરમાં પણ રાષ્ટ્રીયકૃત બેંકોના કર્મચારીઓ હડતાળમાં જોડાયા હતા. 31 જાન્યુઆરી અને ૧લી ફેબ્રુઆરીના રોજ રાષ્ટ્રીયકૃત બેંકો બંધ રહી હતી. આજે બીજા દિવસે વલસાડ જિલ્લાની રાષ્ટ્રીયકૃત બેંકોના એમ્પ્લોઇઝ યુનિયનના કર્મચારીઓએ વલસાડ જિલ્લા કલેકટરને ૧૨ જેટલા વિવિધ મુદ્દાઓને આવરી લઈને એક આવેદનપત્ર સોંપ્યું હતું.
બેંક કર્મચારીઓ દ્વારા 12 મુદાઓ સાથે કલેકટરને આવેદન પત્ર પાઠવ્યું