વલસાડના ફલધરા ગામમાં આરોપીના ઘરે વોરંટ બજાવવા ગયેલા કોન્સ્ટેબલ પર હુમલો

વલસાડઃ કોર્ટના વોરંટના આધારે આરોપીને પકડવા ગયેલા કોન્સ્ટેબલ પર આરોપીના ભાઈએ હુમલો કર્યો હતો. આ ઘટનામાં હેડ કોન્સ્ટેબલને માથામાં ઈજા પહોંચી હતી. જેથી તેમને સારવાર અર્થે કસ્તુરબા હોસ્પિટલમાં ખસેડાયા હતાં.

વલસાડના ફ્લધરા ગામે રેહતા ત્રણ આરોપીને બિનજામીન પાત્ર ગુનામાં પોલીસ પકડવા ગઈ હતી. આ દરમિયાન આરોપીઓ પોલીસને જોઈ ભાગવાનો પ્રયાસ કર્યો હતો. આ ઉપરાંત આરોપીની પત્નીએ પોલીસને રોકી ઝપાઝપી કરી હતી. આરોપીના ભાઈ રણજીત પટેલે હેડ કોન્સ્ટેબલ જગદીશભાઈના માથાના ભાગે ઈજા થઈ હતી.

જો કે પોલીસે આરોપી અને તેના ભાઈની ધરપકડ કરી લીધી હતી. તેમજ ઈજાગ્રસ્ત જગદીશભાઈને માથામાં ઈજા થઈ હોવાથી તેમને કસ્તુરબા હોસ્પિટલમાં સારવાર અર્થે ખસેડાયા હતા.