વલસાડ જિલ્લા-તાલુકા પંચાયત માટે અંતિમ દિવસે 287 ઉમેદવારી ફોર્મ ભરાયા

28 ફેબ્રુઆરીના રોજ આવી રહેલી જિલ્લા પંચાયત અને તાલુકા પંચાયતની બેઠકની ચૂંટણી માટે ઉમેદવારી પત્રક ભરવાના અંતિમ દિવસે કુલ 287 ઉમેદવારી પત્રો ભરવામાં આવ્યા છે. આ તમામ ઉમેદવારી પત્રો ઓફ લાઈન ભરાયા છે. જોકે, અત્યાર સુધીમાં આ ભરવામાં આવેલા તમામ ઉમેદવારી પાત્રોની વાત કરીએ તો કુલ 764 ઉમેદવારી પત્રો ભરાયા છે.

• ઉમેદવારી ભરવાના અંતિમ તારીખે 287 ઉમેદવારી નોંધાઈ
• જિલ્લા પંચાયત બેઠક માટે કુલ 50 ઉમેદવારી નોંધાઈ
• કુલ 764 ઉમેદવારી પત્રો નોંધાયા

વલસાડ :જિલ્લા પંચાયતની 38 બેઠક માટે ઉમેદવારી પત્ર ભરવાના અંતિમ દિવસે કુલ 50 ઉમેદવારી ફોર્મ નોંધાયા છે. વલસાડ તાલુકા પંચાયત માટે 43, પારડી તાલુકા પંચાયત માટે 17, વાપી તાલુકા પંચાયત માટે 38, ઉમરગામ તાલુકા પંચાયત માટે 49, કપરાડા તાલુકા પંચાયત માટે 55, ધરમપુર તાલુકા પંચાયત માટે 35 આમ કુલ 287 ઉમેદવારી પત્રો અંતિમ દિવસે ઉમેદવારોએ ભર્યા છે.

અંતિમ દિવસે કુલ 287 ઉમેદવારી ફોર્મ ભરવામાં આવ્યા

ઓનલાઇન સુવિધા હોવા છતાં ઉમેદવારો ઓફલાઈન ઉમેદવારી નોંધાવી

ઓનલાઇન ઉમેદવારી પત્રો ભરવાની સુવિધા હોવા છતાં પણ ઉમેદવારોને કયાંકને કયાંક બીક હોય છે. તમામ ઉમેદવારોએ દરેક તાલુકા પંચાયત મથકે સ્વંય હાજર રહીને પોતાના ઉમેદવારી પત્રક ભર્યા હતા. અંતિમ દિવસે પણ એક પણ ઓનલાઇન ઉમેદવારી નોંધાઈ નહીં.

અંતિમ દિવસે કુલ 287 ઉમેદવારી ફોર્મ ભરવામાં આવ્યા

અત્યાર સુધીમાં કુલ 764 ઉમેદવારી પત્રો નોંધાયા

જિલ્લા પંચાયત વલસાડના 153, તાલુકા પંચાયત વલસાડ માટે કુલ 114, પારડી તાલુકા પંચાયત માટે 78, વાપી તાલુકા પંચાયત માટે 69, ઉમરગામ તાલુકા પંચાયત માટે 122, કપરાડા તાલુકા પંચાયત માટે 124, ધરમપુર તાલુકા પંચાયત માટે 104 મળી કુલ 764 ઉમેદવારી ફોર્મ નોંધાયા છે. ત્યારબાદ તમામ ઉમેદવારી ફોર્મની ચકાસણી કરવામાં આવશે ત્યારબાદ સમગ્ર ચિત્ર દરેક બેઠક માટે સ્પષ્ટ થાય એમ છે.