કપરાડામાં પોલીસ પર હુમલો કરનારા 5 આરોપીની કરાઈ ધરપકડ

વલસાડ જિલ્લાના કપરાડા તાલુકામાં 23 ફેબ્રુઆરીએ કરજૂન ગામમાં ગૌવંશને પકડવા માટે પોલીસે નાકાબંધી કરી હતી. તે દરમિયાન ગૌવંશ લઈને પીકઅપ લઈ ભાગી રહેલા શખ્સોએ પોલીસ ઉપર ગાડી ચડાવી દેવાનો પ્રયાસ કર્યો હતો. તે સમયે પોલીસે સ્વબચાવ બે રાઉન્ડ ફાયરિંગ પણ કર્યું હતું. જોકે, આ ઘટનામાં અગાઉ તસ્કરો પીકઅપ લઈને ફરાર થઈ જવામાં સફળ રહ્યા હતા. ત્યારબાદ પોલીસે સમગ્ર બાબતને ગંભીરતાપૂર્વક લઈ તપાસનો દોર શરૂ કર્યો હતો. જોકે, કેટલીક તપાસ અને બાતમીના આધારે પોલીસે આ સમગ્ર પ્રકરણમાં પાંચ જેટલા શખ્સોને પ્રકરણમાં ઉપયોગમાં લેવાયેલી પીકઅપ વાળાને તમારા કામ માટે વાપી તરફ લઈને આવતા કરવડ પાસેથી ઝડપી પાડી હતી, જેમાં પાંચ જેટલા ગૌ તસ્કરો જેવો રિઢા ગુનેગાર છે. તેને ઝડપી પાડવામાં પોલીસને સફળતા મળી છે આરોપી પાસેથી 1 તલવાર, 2 ધોકા, દોરડા તેમ જ મોટા પથ્થરો સહિત અનેક ચીજવસ્તુઓ પોલીસે કબજે કરી છે.

• કપરાડાના કરજણ ગામમં ગૌતસ્કરોને પોલીસે ઝડપી પાડ્યા
• ગૌ તસ્કરો પોલીસની ગાડીને ટક્કર મારી ફરાર થવાની ફિરાકમાં હતા
• પોલીસે સ્વબચાવ માં બે રાઉન્ડ ફાયરિંગ કર્યું હતું
• ડુંગરા પોલીસે બાતમીના આધારે આરોપીઓને ઝડપી પાડ્યા
• આરોપીઓ પશુધન વની ગામના શાર્દુલ નામના વ્યક્તિને વેચતા હતા
  
  

  પોલીસે સ્વબચાવ માં બે રાઉન્ડ ફાયરિંગ કર્યું હતું

વલસાડઃ 23 ફેબ્રુઆરીએ પરોઢિયે જોગવેલ વિસ્તારમાંથી ગાયની ચોરી કરી પીકઅપમાં લઈ જવાતી હોવાની બાતમી પોલીસને મળી હતી. પોલીસે આ પીકઅપ વાનનો પીછો કર્યો હતો, પરંતુ ગૌતસ્કરી કરી ભાગી રહેલા પીકઅપચાલકે તે પૂરઝડપે હંકારી ખડકવાળ અને તે બાદ કરજૂન તરફ લઈ ભાગી ગયો હતો. જોકે, તેની શોધખોળ કરતા પોલોસે માર્ગ બ્લોક કર્યો હતો અને શોધખોળ ચાલુ હતી. તે દરમિયાન સામેથી પૂરઝડપે આવેલી પીકઅપને અટકાવવા પ્રયાસ કરતા પીકઅપચાલકે પોલીસના વાહનોને ટક્કર મારી પોલીસ ઉપર વાહન ચઢાવી દેવાનો પ્રયાસ કર્યો હતો. આ અંગે પોલીસે સ્વબચાવમાં બે રાઉન્ડ ફાયરિંગ કર્યું છતાં ગૌ તસ્કરો ભાગી છૂટ્યા હતા. ઘટનામાં ગૌ તસ્કરો દ્વારા પથ્થર મારો કરતા એક હોમગાર્ડને ઈજા પહોંચી હતી.

આ પણ વાંચોઃઉમરગામ પોલીસે ગૌવંશ તસ્કરી કરનાર સંજાણના શખ્સની કરી ધરપકડ

ડુંગરા પોલીસે કરવડ નજીક માં 5 લોકોને પૂર્વ બાતમી ને આધારે ઝડપી લીધા

ગૌતસ્કરો દ્વારા ગુનામાં ઉપયોગમાં લેવાયેલી પીકઅપ ઘટના બાદ તેઓ નાસિકના વની તરફ લઈને ભાગી છૂટ્યા હતા, પરંતુ આરોપીઓએ પોલીસની ગાડીઓને ટક્કર મારી હતી. આ સાથે આરોપીઓને રોકવા ગયેલી પોલીસની પીકઅપ વાન GJ 15 AT 6890ને પણ નુકસાન પહોંચાડ્યું હતું. જોકે, પોલીસે 5 આરોપીને ઝડપી લીધા હતા. જોકે મહમદ સોહેલ ઉર્ફે પન્ના મહમદ ઈસ્માઈલ શાર, મહમદ ઈસરાયેલ અહેમદ ઉર્ફે અચ્છે, શાહનવાઝ જલ્લાઉદ્દીન અને બલ્લે નામના આરોપી વોન્ટેડ જાહેર થયા છે.

આ પણ વાંચોઃવાપીમાં બકરાની તસ્કરી કરનાર 3 શખ્સો કાર પડતી મૂકીને ફરાર થયા

પોલીસે આ આરોપીઓની કરી ધરપકડ

• એજાઝ અલી ઉર્ફે છોટુ મહમદ ઇસ્માઈલ શાહ (યુપી)
• મહમદ સગીર ઉર્ફે થનુ ફિટકરી પઠાણ (યુપી)
• પરવેઝ ઉર્ફે સાહિન હુસેન અન્સારી પઠાણ (યુપી)
• શાહબાજ શેર અલી પઠાણ મૂળ રહે જોનપુર (યુપી)
• નાના શિવાજી શાર્દુલ (ચોરેલ પશુધન ખરીદી કરનાર) (યુપી)

ગૌ તસ્કરોની મોડસ ઓપરેન્ડી શું હતી?

પોલીસે ઝડપેલા 5 આરોપીઓ છેલ્લા 2 મહિનાથી મોડી રાત્રે તેમ જ વહેલી પરોઢિયે પીકઅપ વાન લઈને નીકળ્યા બાદ વાપી વલસાડ ધરમપુર અને કપરાડા જેવા ગામોમાં ઘર આંગણે બાંધેલા બકરી, ગાય, ભેંસ, પાડા વગેરેને ચોરી કરી પીકઅપ વાનમાં ભરી લેતા હતા. આ સાથે જ તેઓ વનાર ગામમાં રહેતા નાના શિવાજી શાર્દુલને ત્યાં માત્ર 12 હજારથી 20 હજારની કિંમતમાં પશુધન વેચી દેતા હતા. આમ, પોલીસે મોટા કૌભાંડનો પર્દાફાશ કર્યો છે.