વડોદરાઃ શહેરના નાગરવાડા વિસ્તારના 54 વર્ષીય રહીશનો કોરોના ચકાસણી રિપોર્ટ પોઝિટિવ આવ્યો છે. આ વ્યક્તિ કોરોના શંકાસ્પદ તરીકે શનિવારે બપોરે સયાજી હોસ્પિટલમાં દાખલ થયાં હતાં અને એમનું સેમ્પલ લેવામાં આવ્યું હતું. રવિવારે વહેલી સવારે એમનો રિપોર્ટ પોઝિટિવ આવતા એમના પરિવાર માટે તકેદારીના જરૂરી પગલાં મહાનગરપાલિકા આરોગ્ય તંત્ર દ્વારા લેવામાં આવી રહ્યા છે.
વધુ એક કેસ પોઝિટિવ નોંધાતા વડોદરા શહેર જિલ્લામાં 10 પોઝિટિવ કેસ નોંધાયા છે. જેમાં 4 રિકવર થયા છે. જ્યારે એકનું મોત થયું છે. મહાનગરપાલિકા આરોગ્ય વિભાગના જણાવ્યા પ્રમાણે નાગરવાડા વિસ્તારના 54 વર્ષીય વૃદ્ધ ફિરોઝ ખાન પઠાણ હરિયાણા જમાતમાં ગયા હતા. અગાઉ દિલ્હી જમાતના ડભોઈના યુવાને મછીપીઠ વિસ્તારના ચાર યુવાનો સાથે હોવાનું જણાવ્યું હતું.
હાલ નાગરવાડા વિસ્તારમાં પોલીસ કાફલો તૈનાત કરાયો છે. વૃદ્ધના પત્ની અને બે બાળકોને આજવા રોડ ખાતે ક્વોરેન્ટાઇન કરાયા છે. આ નવા કેસ સાથે વડોદરા શહેર અને જિલ્લામાં કોરોના પોઝિટિવની સંખ્યા વધીને 10 થઈ છે. આ નવા કેસના દર્દી હૃદયની બીમારી અને હાઇપર ટેન્શનથી પણ પીડિત છે.
